“Balilar şatliği – җahan şatliği”

0
31 ret oqıldı

Gšhärbüvi
İSMAYİLҖANOVA,
«Uyğur avazi»

Moşu mavzuda Yarkänt şähiridiki Helil Һämraev namidiki mäktäptä štkän çarä-tädbirgä şähärdä turidiğan mümkinçiligi çäklängän balilar ata-aniliri bilän täklip qilindi. Birdinla täkitläş keräkki, «Җapar» mähällisiniŋ jigitbeşi Azatҗan Gayitov bilän jut aktivistliri Rişat Abdullaev vä Gülinur Nizamova bu hildiki çarä-tädbirni här jili 1- iyun' – Balilarni qoğdaş küni, Roza-ramzan eyida vä җumhuriyätlik «Mäktäpkä — yol» aktsiyasidä turaqliq uyuşturup kelivatidu.
Bu qetim ular mäzkür aktsiyani Helil Һämraev namidiki ottura mäktäp mämuriyiti häm muällimlärniŋ qollap-quvätlişi bilän uyuşturdi. Mümkinçiligi çäklängän, yäni šydä oqutulidiğan balilarni huş çiray kütüvalğan mäktäp mudiri Zenätbüvi Baratova balilarğa mustähkäm salamätlik tiläp, ularniŋ bilimgä bolğan intilişini, boyidiki qabiliyitini atap kšrsitip, ularniŋ mäktäptä štülüvatqan çarä-tädbirlärgä paal qatnişivatqanliğini tilğa aldi.
Andin psihologiya pänliriniŋ namziti Asiyäm Sayitova, jut mštiväri, Panfilov nahiyäsiniŋ Pähriy grajdini Şerip Rähmidinov, peşqädäm ustaz, «Beybitşilik älemi» häliqara qazaq iҗadiy birläşmisiniŋ Panfilov nahiyäsi boyiçä väkili Sübhidin Mäŋsürov alahidä kütümgä egä balilarniŋ ata-aniliriğa häm tapavitiniŋ bir qismini muhtaҗ җanlarğa särip qilivatqan hamiylarğa minnätdarliğini izhar qildi.
Andin mäktäp sän°ät häväskarliri nahşa-ussullarni iҗra qilip, balilar vä ularniŋ ata-aniliriniŋ kšŋlidin çiqti. Öz novitidä mümkinçiligi çäklängän, lekin nahşa eytişqa mayil Saği Muhamer «Men qazaq» nahşisini orunlisa, ussul şäydasi İlhamҗan Beşirov uyğur milliy ussulini bar vuҗudi bilän iҗra qilip, qatnaşquçilarniŋ alqişiğa bšländi.
Häyrihahliq aktsiyaniŋ hamiyliri Azatҗan Gayitov, Rişat Abdullaev vä Gülinur Nizamova 25 baliğa soğilirini täğdim qildi. Öz novitidä, hoşalliqtin kšzlirigä yaş alğan Sağiniŋ anisi Altınay Eltaeva, İlhamҗanniŋ anisi Çolpan Mähsütova aniliq minnätdarliğini izhar qilip, uyuşturğuçilar bilän hamiylarniŋ işliriğa bärikät, ailisigä hatirҗämlik tilidi.
Bu küni balilar Helil Һämraev namidiki mäktäp oquğuçiliriniŋ iҗrasidiki şoh nahşilarni tiŋşap, ussullarğa çüşüp, puğani qanğiçä oynap-küldi.
Һä, «Bala şatliği — җahan şatliği» deginimiz şu bolsa keräk.

Panfilov nahiyäsi.

Bälüşüş

Javap qalduruŋ