Һisdaşliq — mehrivanliqniŋ ipadisi

0
60 ret oqıldı

Mäşür SASİQOV,
«Uyğur avazi»

Almuta şähiridiki «İşçilar» mähällisidä yaşaydiğan uyğurlarniŋ sani helä bar. Bu kona juttiki qerindaşlirimiz dayim bir-birigä hämra boluşup, hoşalliği bilän ğäm-qayğusiğa ortaqlişişqa üginip qalğan. Ular päqät šzara ämäs, bälki šzgä millät väkilliri bilänmu qoyuq munasivät bağlap, iҗil-inaq hayat käçürüvatidu.
Һayat eqimi birhil bolmiğinidäk, bäzidä qin-qinimizğa patmay hoşalliqqa bšlinidiğan vä kšz yeşimiz däriya käbi eqip därt-häsrätkä çšmidiğan künlirimizmu bolidekän. Şuniŋğa ohşaş işçiliqlar turmuşidimu moşundaq ähvallar pat-pat uçraydu. Äynä şundaq päytlärdä jut turğunliri därhal baş qoşup, işniŋ qarisiğa yetidudä, zärdap çäkkän yaki beşiğa kün çüşkän adämlärgä yardäm qolini sunuşqa tirişidu.
Yeqinda moşu jutniŋ turğunliri Şahaҗievlar ailisidä kütülmigän ähval yüz bärgändimu işçiliqlar adättikidäk «Bir yäŋdin qol, bir yaqidin baş çiqirip», ularğa yar-yšläk boluşqa aldiridi. Eniğiraği, Rişat vä Zahidäm Şahaҗievlarniŋ on bäş yaşliq qizi İlinur kiçigidin saqaymas ağriqqa giriptar bolğanliqtin, ata-ana uniŋ därdini tartivatqinida, ular transport halakitigä uçraydu. «Ölgänniŋ üstigä täpkändäk» yüz bärgän bu ähvaldin keyin Şahaҗievlarniŋ ailisi tapqan-tärginini zärdap çäkkänlärgä häşläşkä mäҗbur bolidu. Bügünkidäk dora-därmäk bilän davalaş hizmät türliriniŋ qimmätligini näzärdä tutsaq, ular qizi İlinurni tamamän yadidin çiqiridu. Äŋ bolmiğanda, jiliğa bir qetim profilaktikiliq davaliniş lazim İlinurniŋ ağriği kündin-küngä küçiyip, hazir ähvali tehimu eğirlişip kätti. Uni därhal davalaş üçün çät älgä apiriş keräk ekän. Buniŋdin hävär tapqan «İşçilar» mähällisiniŋ baş jigitbeşi Mähämätҗan Samsaqov bilän mäliniŋ imami Rähimҗan qari haҗim jutdaşliriniŋ beşini qoşup, Şahaҗievlarniŋ ailisigä yardämlişiş işlirini qolğa alidu. Yeqinda bolsa, işçiliqlar bu beşiğa kün çüşkän ailigä topliğan ianisi tapşurdi.
Älvättä, biz, uyğurlar, bir-birimizgä härqandaq ähvalda yar-yšläk boluşni än°änigä aylandurğan millätqu. Şuŋlaşqa işänçimiz kamilki, täğdirniŋ täqäzasi bilän därdigä şipa izdigän gšdäk İlinurğa başqa jutlardiki qerindaşlirimizmu qarap turmaydu degän niyättimiz. Ägär biz inaqliğimiz bilän ittipaqliğimizni däl moşundaq päytlärdä kšrsitälisäk, başqilar aldida abroy-inavitimizniŋ tehimu juquri bolidiğanliği çoqum.

Bälüşüş

Javap qalduruŋ