qerindaşliq riştilirimiz üzülmigäy

0
117 ret oqıldı

Mäşür SASİQOV,
«Uyğur avazi»

Seşänbä küni Almuta şähiridiki «Dostluq šyidä» Qazaqstan hälqi Assambleyasi, Almuta şähärlik Uyğur etnomädäniyät märkizi vä Muhtar Ävezov namidiki Ädäbiyat vä sän°ät institutiniŋ uyuşturuşi bilän ataqliq türk yazğuçisi, «Guncel Sanat» jurnaliniŋ baş muhärriri Arslan Bayırniŋ hamiyliğida kšrnäklik yazğuçi-alimä Gülbähräm Hoşaevaniŋ türk tilida yoruq kšrgän «Sänsiz atqan taŋlirim» («Sensiz ulasan sabahlar») namliq topliminiŋ tonuşturuş märasimi bolup štti. Uniŋğa muällipniŋ käsipdaşliri, ziyalilar bilän yazğuçi-şairlar vä birqatar җamaätçilik işliriniŋ aktivistliri häm jutdaşliri qatnaşti.
Märasimniŋ moderatori, filologiya pänliriniŋ doktori, professor Alimҗan Tilivaldi däsläp kšpçilikkä ismi kitaphanlarğa yahşi tonuş, šziniŋ qaytilanmas iҗadiyiti arqiliq ädäbiyatimizda işäşlik kirip kälgän Gülbähräm Hoşaevaniŋ yazğan-tükkinini çätällik qerindaşlirimizmu oquşqa imkaniyät yaratqan Arslan Bayırni tonuşturup, andin sšz novitini uniŋ šzigä bärdi.
Türkiyalik mehman bu ädäbiy dostluqniŋ qandaq başlanğanliğiğa vä uniŋ ämälgä eşişiğa kimlärniŋ säväpçi bolğanliğiğa ätrapliq tohtilip, bu җähättin šzigä yeqin hämra bolğan säpdaş-qoldaşliri — äl-Farabi namidiki Qazaq milliy universiteti yenidiki «Türk-İran» ilmiy-tätqiqat märkiziniŋ rähbiri, professor İslam Jemeney bilän alim Alimҗan Tilivaldiniŋ isminiŋ alahidä pähirliniş ilkidä tilğa aldi. Şundaqla u toplamni näşirdin çiqiriştin ilgiri, uniŋdiki härbir materialni mäyli u ihçam hekayä yaki kšlämlik novella bolsun, ätrapliq oqup çiqip, ularni türk tilida çiqirişqa bäl bağliğanliğini täkitlidi. Şuniŋ bilän billä Arslan Bayır türk vä uyğur millitiniŋ qerindaşliq yeqinçiliqliriniŋ tolimu nurğunliğini vä bu qeliplaşqan dostluqni ädäbiyat arqiliq davamlaşturuşniŋ muhimliğini alahidä qäyt qildi.
Umumän, mehman Gülbähräm Hoşaevaniŋ äsärini türk tilida näşir qilğanliği üçün šzini bähitlik hesapliğan halda, muällipniŋ qälimigä mänsüp härqandaq ämgäkniŋ oqurmändä çoŋqur täsirat qaldurup, ularniŋ yazğuçiniŋ šz hayatidin elinişi tüpäyli kitaphanni his-tuyğuğa selip, qiziqiş hasil qiliş hususiyitigä egä ekänligini yätküzdi. Buniŋdin taşqiri, u ägär imkaniyät yar bärsä, başqa uyğur yazğuçi-şairliriniŋ äsärlirini türk tilida yoruq kšrüşigä qolidin kälgän yardimini qilişqa täyyar ekänligini eytti.
Andin sšzgä çiqqan M.Ävezov namidiki Ädäbiyat vä sän°ät institutiniŋ baş ilmiy hadimi Güljahan Orda bügünki çarä-tädbirniŋ ähmiyitigä juquri bahasini berip, uniŋ päqät yalğuz muällipniŋla ämäs, bälki pütkül uyğur hälqiniŋ hoşalliği ekänligini täkitläp, šziniŋ sämimiy täbrigini izhar qildi. Natiq şundaqla mustäqil Qazaqstanda ädäbiyatqa, bolupmu җumhuriyitimizdä istiqamät qilivatqan barliq millätlärniŋ tiliniŋ, ädäbiyati bilän mädäniyitiniŋ rivaҗlinişiğa alahidä kšŋül bšlünüvatqanliğini vä tärҗimä sahasidimu kšpligän işlarniŋ ämälgä aşuruluvatqanliğini eytip, türkiytilliq häliqlärniŋ ädäbiy dostluğini tehimu küçäytiş lazimliğini täkitlidi.
Märasim җäriyanida milliy ädäbiyatimizğa halisanä yardimini kšrsitip, kšpçiligimizni hoşalliqqa bšligän çätällik mehmanğa Almuta şähärlik Uyğur etnomädäniyät märkizi namidin çapan kiygüzülgändin keyin, bir top şähslär, җümlidin Arslan Bayır, Güljahan Orda vä Alimҗan Tilivaldi kitapniŋ rämzlik lentisini täntänilik qiydi.
Gülbähräm Hoşaevaniŋ kitavini tonuşturuş märasimida professor İslam Jemeney, җumhuriyätlik «Uyğur avazi» gezitiniŋ baş muhärriri Erşat Äsmätov, şairlar Abduğopur Qutluq, Mämtimin Obulqasimov, Almuta şähärlik Uyğur etnomädäniyät märkizidin İssaq Lohmanov, käsipdaşliri Farida Atabaeva, D.Qonaev namidiki Evraziya akademiyasiniŋ professori Älima Sqağieva, Valentin Pikul' namidiki Häliqara ädäbiyat mukapitiniŋ laureati Kamila Qudabaeva, «Varis» ädäbiy-iҗadiy birläşmisiniŋ äzasi Gülnaz Säydullaeva, Almuta şähiridä yaşavatqan ğalҗatliqlarniŋ jigitbeşi Yunusҗan Şäripov vä başqilar yazğuçiğa illiq tiläklirini bildürüp, iҗadiyitigä aq yol tilidi.
Bu küni Gülbähräm Hoşaevaniŋ hoşalliği bilän ortaqlaşqan mehmanlar uniŋğa güldästilär täğdim qilip harmidi.
Märasim davamida mehmanlarni kšpligän häliqara konkurslarniŋ ğalibi «İntizar» ussul ansambliniŋ äzaliri härhil millät väkilliriniŋ ussullirini iҗra qilip, ularğa arambähş dämlärni beğişlisa, Quddus Ğoҗamiyarov namidiki dšlät akademiyalik Uyğur muzıkiliq-komediya teatriniŋ akteri Mirzähmät Һoşurov muällipniŋ «Seni dayim kütimän» namliq monologini oqup bärdi.
Ahirida Gülbähräm Hoşaeva barliq mehmanlarğa, җümlidin uşbu çarä-tädbirniŋ uyuşturğuçiliriğa çäksiz minnätdarliğini bildürdi.

Bälüşüş

Javap qalduruŋ