Memorial tahta ornitildi

0
22 ret oqıldı

Barliq aŋliq hayatini Panfilov nahiyäsiniŋ ihtisadiy, mädäniy sahaliriniŋ täräqqiyati yolida pidakaranä ämgäk qilğan Asimҗan Mamutovniŋ ismini yarkäntliklär minnätdarliq bilän tilğa elip, dayim hatiriläydu.

Gšhärbüvi İSMAYİLҖANOVA,
«Uyğur avazi»

Çünki Asimҗan Mamutov «Panfilov su qubırı» karhanisiniŋ täşkil qilinişida täşäbbuskarliq kšrsitip häm uni ottuz jil başqurdi. Yeqinda nahiyä rähbärliri bilän hizmätdaşliri, äl-ağinä, dost-buradärliri uniŋ ismini äbädiyläştürüş mähsitidä «Su qubırı» karhanisiğa memorial tahta ornatti.
Asimҗan Mamutov 1952-jili Panfilov nahiyäsigä qaraşliq Çoŋ Çiğan yezisida dehan ailisidä duniyağa käldi. Däsläp yezidiki 8 jilliq mäktäpni, andin Yarkänt şähiridiki Kirov (hazirqi Helil Һämraev) namidiki ottura mäktäptä oqudi, Almuta şähiridiki quruluş tehnikumini tamamlidi. Ämgäk paaliyitini Yarkänt şähärlik kommunal-egilik karhanisiniŋ baş injeneri bolup başlidi. 1980-jildin «Panfilov su qubırı» karhanisiniŋ başliği bolup tayinlandidä, hayatiniŋ ahiriğiçä şu karhanida işlidi.
Memorialliq tahtiniŋ eçiliş täntänisidä sšzgä çiqqan nahiyä hakiminiŋ orunbasari Şšhrät Qurbanov Asimҗan Mamutovniŋ ämgäk paaliyitidin täpsiliy hävärdar qildi. Andin uzun jillar märhum bilän billä işligän Muratqali Qabanbaev uniŋ nämunilik işlirini atap štti. Ändi märhumniŋ sinipdişi, qädinas dosti Һakimҗan Yüsüpov baliliqtin başlanğan dostluği, andin aliy bilim elip, näzäriyäviy bilimini eligä, jutiniŋ täräqqiyatiğa qoşqan bebaha hässisini tilğa elip, märhum bilän billä bolğan ästin çiqmas däqiqiliri bilän ortaqlaşti.
Nahiyä hakiminiŋ orunbasari Şšhrät Qurbanov, nahiyälik mäslihätniŋ kativi Erğali Şoqparov vä Rähimҗan Tuniyazov, Marat İmrämziev memorial tahtiniŋ rämzlik lentisini qiydi.
Ahirida kšpçilik märhum Asimҗan Mamutovniŋ rohiğa atap berilgän näzirgä eğiz tägdi. Bu yärdimu uni bilidiğan çoŋ-kiçik jutdaşliri illiq hatiriliri bilän ortaqlaşti.

Panfilov nahiyäsi.

Bälüşüş

Javap qalduruŋ