Qäläm bilän täŋ jüräk jiğlaydu

0
24 ret oqıldı

Qanmidim yaşliğim štti şunçä tez,
Şatliq häm qayğuniŋ şahidi bolup.
Utuqtin qançä rät sšyünginim rast,
Älämdin tškülgän yaşlarni kšrüp.
***
Adämlär nägidu aldirar dayim,
Öziçä җännätni tapqusi kelär.
Bäziniŋ qolida hämmä täl turup,
Şükri yoq näpsidin җäbrida jürär.
***
Puluŋ bar sšz aldiŋ toplar aldidin,
Alimmu aldiŋda sükütçan dayim.
Räsvaliq qilsaŋmu kšrmäs heç kişi,
Dayim çirayliq kšrünär qäddiŋ.
***
Kšp boldi häqiqät kšrünmäs päqät
Aҗizğa bolmidi heç yärdin şäpqät.
Һäyranmän tämtirär kordur häqiqät
Näp bärsäŋ sän üçün sšzläydu äbät.
***
Һäqiqät bar dedi kimdu hursinip,
Män dedim: «Öldi u qäbridä çirip»,
Dedi u: «Ümüt bar kelidu qaytip»,
Män dedim: «Kšrgiçä ketimiz qerip».
***
Näs bassun çinliqni dässäp jürgänni,
Äҗirsiz nan tiläp, itni sšygänni.
Bir başaq bolsimu minnättin äla,
Har qilsun uyalmay alqan yayğanni.
***
Bay boluş aldida turar mäşäqät,
Җasarät bolsila baş egär külpät.
Alladin kälgängä heçbir amal yoq,
Bilginki, tän saqliq — altundin qimmät.
***
Yahşilar az ämäs, biraq küçi yoq.
Yamanğa kar qilmas näprät bilän doq.
Nä bilsun toq qosaq yoqniŋ därdini,
Qumluqniŋ ähvalin karvan bilär hop.
***
Һoşuŋni yoqatma şšhrätliriŋgä,
Һosulsiz kep ketär jillarmu tola.
Äy, insan, oylanğin on bäşi aydiŋ,
Һä, bügün jiğlattiŋ, ätä män toyda.
***
Hoşamät külisän yaraşmisimu,
Jirtquçniŋ burnini silap tohtimay.
Sän üçün jiğliğan qamça yär dayim,
Җüҗini qirisän tuhumda qoymay.
***
Äy, äqil, män ämäs demä başqini
Säl kälsä, šyüŋgä bolar taşqini.
Qirlarni kštärgin hoşnaŋ bilän täŋ,
Baladur barçigä mundin qaçqini.
***
Balaniŋ kälmişi päyliŋgä baqar,
Yahşiniŋ sšzliri hämmigä yaqar.
Bar äyip adäm heç kšrmäs šzini,
Äqillik çiraqni keçidä yaqar.
***
Mäҗnuntal çaçliri yärgä tegiptu
Tšginiŋ aldiğa toşqan beriptu.
Toşqanni tšgä däp kšrsätkini kim?
Qorqqandin tšgimu bädär qeçiptu.
***
Qar boran-şuvurğan ursimu mäyli,
Qariğay — däräqtur egilmäydiğan.
Mäҗnuntal — nazukluq rämzi äsli,
Mškünsäŋ içigä kšrünmäydiğan.
***
Sundurmaŋ çinini härgiz kona däp,
Kerigi bolidu sunğanda yeŋi.
Nä keräk tikkängä qilip şikayät,
Yäydiğan yeriŋiz — uniŋ mevisi,
***
Duniyani çaşqanlar qaplidi däydu,
Aç bolsa mšşükniŋ, yoqar tšşügi.
Qarğuniŋ uzun yol meŋişi çağliq,
Astida bolmisa sadiq eşigi.
***
Äqilsiz deŋizğa çüşti palaqsiz,
Ohşaştur uruşta — qaldi yaraqsiz.
Çamisi yetärmu qirğaqni kšrmäy,
Benadin säkrigän šlär qanatsiz.
***
Lägläkçi şamalniŋ çiqişiğa baq,
Qumluqta šskini toğraqtur-yantaq.
Ohşiğan tamaqni anaŋdin sora,
Kšp aŋla, aldirap çiqarma çataq.
***
Qur°an bar, adäm az qur°anğa layiq,
Musulman bolğinim boldi nalayiq.
«Palani җännätkä kiridu» desä,
Bilginki, şu җännät bizgila layiq.
***
Bäzidä kšrisän tähtiravanda
Koçida nan tiläp jürgän sailni.
Zindanda puşayman qilur bäzän şah,
Duniyada pütmästin tehi armini.
***
Çaŋqiğan säp salmas çaçsaŋmu altun,
Yüz yaşqa hämminiŋ bardur yätküsi.
«Aç jirtquç adämni yemäydu» desä,
Oçuqla bolmamdu sšzniŋ yalğini.
***
Kšçät tik vä lekin şuni untuma,
Su bilän kškläydu barçä ziraät.
Oğluŋni yahşiğa qilmisaŋ ilpät,
Az štmäy şuniŋdin çekisän häsrät.
***
Һaqarät nä haҗät maŋmisa eşäk,
Gäp uniŋ äslidä qaşaŋliğida.
Һorunğa qalğan iş, heçqaçan pütmäs,
Çaçsaŋlar ohşamdu etizda buğday?
***
Kšrüngän düşmän heç qorqunuç salmas,
Yamini yeniŋda kšrünmigini.
İlanni kšrgändä şürkinär adäm,
Beşiŋğa baladur adämniŋ tili.
***
Muŋ bilän nahşini eytip kelimän,
Çüşänmäy adämlär maŋa qarişar.
Qerindaş meniŋdin düşmängä yeqin,
Bärgidäk bolmiğaç meniŋdä toğaç.
***
Boldi qil, häqiqät, äzmä jüräkni,
Otundäk yaqmiğin arzu tiläkni.
Allaniŋ qudriti barçigä aydiŋ,
Sundurar sunmiğan tağdäk teräkni.

Dilşat PAZİL.
Almuta şähiri.

Bälüşüş

Javap qalduruŋ