Käspiy mäyrimi bilän täbriklidi

0
50 ret oqıldı

Raşidäm RÄҺMANOVA,
«Uyğur avazi»

Ammiviy ähbarat vasitiliri hadimliri küni Ämgäkçiqazaq nahiyäsiniŋ hakimi Binäli Isqaq nahiyädiki jurnalistlarni qobul qilip, ularni käspiy mäyrimi bilän täbriklidi. Uçrişişqa nahiyälik içki säyasät bšlüminiŋ başliği Mšmünҗan İslamov, nahiyälik «Eŋbekşiqazaq» gezitiniŋ baş muhärriri Hayrolla Ahmetjanov, «YuiT» gezitiniŋ baş muhärriri Aygül Gabsattarova, «İssık» gezitiniŋ hadimi Serafima Kubekova, Almuta vilayätlik «Jetisu», «Ogni Alatau» vä җumhuriyätlik «Uyğur avazi» gezitliriniŋ Ämgäkçiqazaq nahiyäsidiki mähsus muhbirliri Bolat Batıqulı, Erğanat Oralbaev vä uşbu qurlarniŋ muällipi, şundaqla nahiyä hakiminiŋ mätbuat hizmitiniŋ kativi Dinara Tšlemisova qatnaşti.
– Һelimu yadimda, Qazaq dšlät universitetiniŋ ädliyä vä jurnalistika fakul'tetliriğa oquşqa çüşüş burundinla qiyin edi. Bolupmu jurnalistika fakul'tetiğa oquşqa çüşüş üçün adämniŋ boyida alahidä bir qabiliyät boluşi keräk. Nahiyä yeŋiliqlirini gezit bätliridin oquğanda, silärniŋ häqiqätänmu qabiliyätlik jurnalist ekänligiŋlarni kšrüp, hursän bolimän. Silärni käspiy mäyrimiŋlar bilän çin jürigimdin täbrikläp, nahiyäniŋ abroyini aşuruş üçün qoşuvatqan äҗriŋlar üçün minnätdarliğimni bildürgim kelidu. Җämiyitimizdä yüz berivatqan yeŋiliqlarni häliqqä toğra vä operativ yätküzüş, җämiyätlik pikir hasil qiliş ohşaş qiyin işiŋlarda utuq tiläymän, – dedi nahiyä hakimi.
Һakim tävä yeŋiliqlirini turğunlarğa vaqtida häm šz däriҗisidä yätküzüvatqan ähbarat hadimliriğa pidakaranä ämgigi üçün Täşäkkürnamilirini tapşurdi.

Ämgäkçiqazaq nahiyäsi.

Bälüşüş

Javap qalduruŋ