Yüz yaşaŋ, Sepiyäm ana!

0
947 ret oqıldı

Gäpniŋ toğrisini eytiş keräkki, hazirqidäk ekologiya zäyipläşkän, insaniy borç,mehir-şäpqät mäsilisi ikkinçi orunğa çüşüp qalğan bir mäzgildä 90 jil šmür sürmäk, yaşiğandimu, salamätligi, äqil-idrigi sağlam, meŋiş-turuşi tetik, qisqisi, Sepiyäm anidäk yaşaş yüzdin birigä nesip bolsa keräk. Kiçigimizdä hoşna oltarğaçqimu yaki apam Җanarhan ikkisi täŋtuş bolğaçqimu, äytävir, ikki ailä qävät qoyuq arilişattuq. Şuŋlaşqa bolsa keräk, hazir Sepiyäm anini kšrsäm, huddi šzämniŋ anisini kšrgändäk, hoşal bolup qalimän. «Ataŋ šlsimu, ataŋni kšrgänlär šlmisun» degän sšz bekar eytilmiğan ekän.
Män gäp qilmaqçi boluvatqan Sepiyäm ana Näsirdinova 1928-jili Çeläk täväsidiki ilgärki Ğoҗiqul, hazirqi Qizil Şäriq yezisida duniyağa kelidu. Şu yezida 7 jilliq mäktäpni tamamlaydu. Dadisi Һasan uruşqa ketip, җäŋ mäydanida qährimanlarçä halak bolidu.
Sepiyäm ana moşu kämgiçä dadisiniŋ uruşqa atlinar aldida anisiğa: «Taҗäm, qan içigä ketip barimiz. Sepiyäm bilän Ärkin saŋa amanät. Alla nesip qilsa, yüz kšrişärmiz», degän sšzlirini äsläydu.
– Dadam uruşqa kätkän çağda män helä äsqetip qalğan edim. Mäktäptin kelipla, apam bilän billä etiz-eriq işliriğa arilişimän. Bäzidä inim Ärkingä qaraymän. Gayi künliri uni yetiläp etizdin masaq teriymiz. «Yeziğa uruştin qaytqan bir adäm käptäk» degän sšzni aŋlisaq, mäligä uçqandäk jügrüp barğan künlirimizmu boldi. Lekin dadam kälmidi,– däp äsläydu Sepiyäm ana štkän künlärni yadiğa elip.
1948-jili Abdukerim akiğa yatliq bolup, biraz bolsimu ğäm-qayğudin qutulidu. Uruş jilliri tartqan җapa-maşaqätlär aqivitidin 1956-jili anisi Taҗäm 45 yeşida baqiliq bolup ketidu. Lekin hayat šz qanuniyiti boyiçä davamlişiveridu. Abdukerim ata vä Sepiyäm anilar 1955-jili hoşna Ğäyrät yezisiğa kelip orunlişip qalidu.
Bu künlärdä Sepiyäm ana šziniŋ 91 yaşliğini pärzäntliri, şundaqla 32 nävrä, 51 çävrä vä qom-qerindaşliri bilän hoşal-horam qarşi almaqta. Lekin, «Biri kam duniya» degändäk , Abdukerim akiğa bu künlärni kšrüş nesip bolmidi. «Asi» sovhozida buhgalter, quruluş materialliri ambiriniŋ başliği qatarliq hizmätlärni abroyluq atqurğan Abdukerim Näsirdinovniŋ egilik ihtisadiniŋ yüksilişigä munasip hässä qoşqanliği šzlügidin çüşinişlik. U kişi eğir ağriqtin tüzilälmäy, 1992-jili alämdin štti. Män 1970-1980-jillar ariliğida «Asi» sovhozida däsläp hesapçi, andin tamaka brigadisi brigadiriniŋ yardämçisi, keyiniräk brigadir bolup işligänligim üçün Sepiyäm aniniŋ baliliri bilän mäzkür sahada keçini taŋğa ulap, pidakaranä ämgäk qilğanliğiniŋ guvaçisi bolğanmän.
Muamilidä sipayä, ämgäktä zärbidar ana päqät kollektiv arisidila ämäs, bälki egilik boyiçä nämuniçi atalğan edi. Şuŋlaşqa härhil mäyrämlär munasiviti bilän ismi tilğa elinip, maddiy vä mäniviy mukapatlarğa muyässär bolatti. Sepiyäm ana 10 bala tepip qatarğa qoşqini üçün «Qähriman ana» unvaniğa sazavär boldi, «Ämgäk veterani», Ğalibiyätniŋ 40, 50,60, 70 jilliq yubileyliq medal'liri bilän mukapatlinip, här hil jillarda egilik vä nahiyä mämuriyiti täripidin mahtaş qäğäzliri bilän täğdirländi. Abdukerim ata ikkisi qatarğa qoşqan pärzäntliri bolsa, härhil käsiplärni egiläp, çoŋliri hšrmätlik däm elişqa çiqsa, qalğanliri bu künlärdä җämiyätniŋ här hil sahalirida ünümlük ämgäk qilivatidu. Qisqisi, Sepiyäm aniniŋ 91 yaşliği päqät ailä tavabiati üçünla ämäs, bälki jut üçünmu çoŋ märikidur. Җümlidin, bizmu Qähriman aniğa mustähkäm salamätlik tiläp, pärzäntlär bilän “Nävrä-çävrilärniŋ bähtigä yüz yaşaŋ!” demäkçimiz.
Mähämätjan ҺAPİZOV.
Ğäyrät yezisi,
Ämgäkçiqazaq nahiyäsi.

Bälüşüş

Javap qalduruŋ