Dadam soğa qilğan gül

0
52 ret oqıldı

Aliy mäktäptä muhäbbät bağliğan jigitim meni taşlap kätkändä, qattiq azaplandim. Һätta tamaq yegüm kälmäydiğan, keçiliri uhlalmaydiğan bolup qaldim. Bu päyttä maŋa yataqdaşlirimniŋ, anamniŋ, atamniŋ hisdaşliğimu mädät berälmidi.
Bir küni apam meni yeniğa oltarğuzuvelip, hayattin nurğun misallarni kältürüp, dana mäslihitini bärdi. Mundaq azaplinişniŋ äqilgä muvapiq ämäsligini, hayatniŋ yänimu davamlişidiğanliğini, parlaq keläçigimniŋ tehi aldimda ekänligini çüşändürdi. Däl şu çağdila apamniŋ eytqanliriniŋ orunluq ekänligini his qildim. Şuniŋdin keyin qäddimni tik tutup, aldimğa eniq mähsät qoyup, mäzmunluq šmür sürüşkä qät°iy bäl bağlidim. Äla oquş bilän billä җämiyätlik işlarğa paal arilaştim. «Onniŋ aldi bolsam, onniŋ käyni bolup», başqilarğa ülgä bolğidäk hayat käçürdüm. Apam turmuşumniŋ bara-bara qiniğa çüşüvatqanliğini kšrüp, hatirҗäm boldi. Dadam muhäbbättiki oŋuşsizliğimdin hävär tapqanda, «lam» däp eğiz açmisimu, uniŋ maŋa kšyünüp, içidin azaplinivatqinini säzgän edim.
Bir küni däristin çiqip, yataqhaniğa kälsäm, bšlmämniŋ däl otturisidiki üstälniŋ üstidiki vazida çoŋ bir dästä gülniŋ turğanliğini kšrdüm. Şu mähäl jürigim tuyuqsiz tohtap qalğandäk bilindi. Maŋa: «Jigitim šz hataliğini çüşinip, meniŋdin käçürüm sorap kälgän ohşaydu» degän oy käldi. Asta berip gülni qolumğa elip, içidiki otkrıtkini eçip oquğinimda, kšzüm ‹‹Tuğulğan päytiŋizdin buyan Sizni çoŋqur sšyüp kelivatqan birdin-bir ärdin›› degän hätkä çüşti. Bu sšzlär meniŋ kšyümçan häm qädirdan dadamğa mänsüp edi. Män šzämni tutalmay jiğlap kättim. Apamniŋ sävirçanliq bilän därdimni aŋlap, bärgän dana mäslihiti qälb җarahitimniŋ qenini tohtatqan bolsa, dadamniŋ ün-tünsiz kšyünüp yazğan bir eğiz sšzi uni pütünläy saqaytqan edi .
Aridin nurğun jillar štüp kätti. Aililik bolup, pärzäntmu sšydüm. Bir küni kona al'bom qetidiki sarğayğan sürätlärni kšrüvetip, kšzüm heliqi dadam gül bilän billä ävätkän otkrıtkiğa çüşti. Yaşlirim yänä bir qetim kšzlirimni hiräläştürdi. Şuniŋdin kšp štmäy, yäni Atilar mäyrimidä män içigä otkrıtka selinğan bir dästä gülni dadamğa soğa qildim. U bäk razi bolup, meni bağriğa basti. Andin otkrıtkidiki sšzlärni oqup, külüp kätti. Män uniŋğa: ‹‹Tuğulğandin tartip Sizni çoŋqur sšyüp kelivatqan birdin-bir ayaldin›› däp yezip qoyğan edim.

Bälüşüş

Javap qalduruŋ