Tiҗarätniŋ tilini tapqanlar

0
88 ret oqıldı

«Öz işi bilän bänt vä işsiz ahali arisida ammiviy tiҗarätçilikni täräqqiy ätküzüş boyiçä jürgüzülüvatqan iş dairisidä imtiyazliq mikronesiyä beriş äŋ nätiҗidarliq mehanizm bolup hesaplinidu. Bu işni uniŋdin keyinki jillardimu aktiv davamlaşturuş keräk. Mäzkür täşäbbusniŋ ähmiyiti şuniŋdiki, u miŋliğan adämlärgä šz işini eçiş imkaniyitini beridu. Buniŋ yeza üçün, yezida tiҗarätçilikni täräqqiy ätküzüş üçün alahidä muhim ekänligini täkitligüm kelidu»

Qazaqstan Җumhuriyitiniŋ
Tunҗa Prezidenti Nursultan Nazarbaevniŋ
“Prezidentniŋ bäş iҗtimaiy täşäbbusi” namliq muraҗiitidin.

 

Sabiräm ÄNVÄROVA,
«Uyğur avazi»

Prezident Qasım-Jomart Toqaev Prezidentliq lavazimğa kirişiş täntänisidä alğa sürgän on yšnilişniŋ biridä yezida tiҗarätçilikni täräqqiy ätküzüşniŋ yeŋi programmisiğa täpsiliy tohtilip štti. Elimizdä tiҗarätçilikni täräqqiy ätküzüşkä nurğunliğan mümkinçiliklär yaritilğan häm buniŋdin keyinmu yaritilidiğan bolidu. Bolupmu, yezilarda bu sahani rivaҗlanduruş arqiliq jildin-jilğa häliqniŋ turmuş däriҗisi yahşilanmaqta.
HHİ äsirdiki riqabätkä qabil dšlätlärniŋ barliğida tiҗarät yahşi täräqqiy ätkän. Demäk, bizniŋ elimizniŋ täräqqiy ätkän 30 mämlikätniŋ qatariğa qoşuluşi üçün tiҗarätkä alahidä kšŋül bšlüşimiz şärt. Һämmimizgä mälumki, elimizdä tiҗarätni täräqqiy ätküzüşkä beğişlanğan kšpligän programmilar vä imtiyazlar moҗut. Şu mümkinçiliklärdin utuqluq paydilinivatqanlar kimlär? Män ularniŋ qatariğa nahiyädä tonulğan tiҗarätçilärniŋ biri, çonҗiliq Ğäyrät Ähmätovni kirgüzgän bolar edim. Eytişlarğa qariğanda, u šziniŋ tirikçiligini addiy soda-setiqtin başliğan ekän. Bügünki kündä tiҗarätçilikniŋ tilini tepip, buni ailäviy käspigä aylandurdi. Vahalänki, Ähmätovlar ailisini “Tiҗarätçilär sulalisi”, däp atisaq hatalaşmaymiz.
Ğäyrät Ähmätov çoŋ ailiniŋ 11-pärzändi. U Çonҗidiki ottura mäktäpni tamamliğandin keyin, Taşkänt poligrafiya tehnikumiğa oquşqa çüşüp, andin Almutidiki avtomobil'-yol institutida injener-mehanik mutähässisligi boyiçä bilim alidu. Däsläpki iş-paaliyitini 1977-jili A.Rozibaqiev namidiki sovhozdin başlaydu. Keyiniräk Çonҗidiki avtoparkta slesar', andin injener retidä hizmät qilsa, 1985-jildin başlap yol quruluşi sahasida, yäni asfal't işläp çiqiridiğan zavodta operator, 1987-jili partiyaniŋ buyriği bilän Uyğur nahiyäsidiki DOSSAFniŋ sport-tehnikiliq klubiğa rähbärlik qilidu. 1994-jildin etivarät tiҗarätçilikni qolğa alğan u soda-setiq bilän şuğullinişqa başlaydu.
Däsläp 2000-jili «Miŋbir uşaq-çüşäk» däp atilidiğan dukinini işqa qoşsa, 2003-jili maşina җšndäş märkizini, 2005-jili «Luina» gšzällik salonini, 2009-jili «Gülhan» aşhanisini işqa qoşidu.
Tiҗarätniŋ bir ämäs, bir qançä türini җanlandurup, nahiyäniŋ iҗtimaiy-ihtisadiy täräqqiyatiğa zor ülüş qoşup kelivatqan Ğäyrät Ähmätovni 2006-jili şu päytlärdä Uyğur nahiyäsiniŋ hakimi bolğan Vladimir Tohtasunov nahiyälik futbol federatsiyasigä işqa täklip qilidu. Ğäyrät Baybullin oğli şuniŋdin buyan päqät tiҗarät sahsiniŋla ämäs, şuniŋ bilän qatar nahiyädiki sport sahasiniŋ rivaҗlinişiğimu kšp küç çiqarmaqta.
– Elimizdä tiҗarät bilän şuğullanğuçilarğa barliq mümkinçiliklär yaritilğan. Aldiğa eniq mähsät qoyup, ämälgä aşuridiğan işlirini aldin-ala reҗiläp, alğa ilgiriläymän degän adämgä heçqandaq tosalğuluq yoq. Dšlitimiz tiҗarätçilärni härtäräplimä qollap-quvätläp, nurğunliğan imkaniyätlärni yaritip bärmäktä, – dedi 2006-jili «Biznestiŋ jol kartası – 2020» mämlikätlik programmisi boyiçä hškümättin nesiyä elip, işini җanlandurğan sšhbätdişimiz Ğäyrät Ähmätov.
U nahiyädiki tiҗarätniŋ täräqqiy etişigä qoşqan munasip tšhpisi üçün nurğunliğan Pähriy yarliq häm täşäkkürnamilarğa muyässär boldi. Şundaqla uzun jillardin beri «Atameken» tiҗarätçilär palatisiniŋ Uyğur nahiyäsi boyiçä väkili.
Ändi, Ähmätovlar ailisigä tohtilidiğan bolsaq, Ğäyrät Ähmätov šmürlük җüpti Asiyäm Mähämmät qizi bilän turmuş qurup, Şšhrät, Qudrät, Zul'fira isimliq 3 pärzänt sšyidu. Ähmätovlar «Ahmetov» şähsiy şirkitini işqa qoşup, bügünki taŋda ailäviy tiҗarät bilän şuğullanmaqta. İkki oğli bilän kelinliri štkän jili «Eŋbek» nätiҗilik iş bilän täminläşniŋ vä üzlüksiz tiҗarätçilikni rivaҗlanduruşniŋ 2017-2021-jillarğa beğişlanğan programmisiniŋ ikkinçi yšnilişi asasida «Atameken» Qazaqstan Җumhuriyitiniŋ Milliy tiҗarätçilär palatisiniŋ uyuşturuşidiki «Bastau biznes» layihäsi boyiçä bilimini mukämmälläştürüp, mähsus sertifikat aldi.
Rast, tiҗarätçilik bilän şuğullinimän degän här qandaq adäm tiҗarätçi bolup yetilmäydu. Çünki tiҗarätniŋ yoli bir qarimaqqa asandäk bilingini bilän, mol täҗribä, puhta bilim, tinimsiz ämgäk vä sävir-taqätni täläp qilidu. Şuŋlaşqimu ämäliyatta, tiҗarätniŋ yoli eğir. Äynä şundaq eğir yolniŋ sinaqliridin sürünmäy štüp, tiҗarätçilikni ailäviy käspigä aylandurupla qoymay, šzgilärnimu iş bilän täminläp kelivatqan Ähmätovlar ailisiniŋ mäşäqitini päqät šzlirila bilidiğan bolsa keräk.

Bälüşüş

Javap qalduruŋ