«Yättä atisini bilmigän – jitim»

0
1 262 ret oqıldı

Nurambäg aka Baratov šziniŋ yeşiniŋ çoŋliğiğa qarimay, künini bekarğa štküzmäydu. Vaqtini asasän, šzi bilgän-kšrgänlirini qäğäz betigä çüşirip, uni yaş ävlatqa yätküzüş bilän štküzidu. Yeqinda u Ğäyrät yezisiğa käptu. Pursättin paydilinip, ikkimiz biraz sšhbätlişip qalduq.
Nurambäg Baratov 1935-jili Ğulҗida, addiy ailidä duniyağa käldi. Däsläp yezidiki ottura mäktäptä bilim elip, andin Şäriq mäktividä tähsil kšridu. Bilimini tehimu mukämmälläştürüş mähsitidä Ürümçi til tehnikumida oquydu.
Täğdir täqqazisi bilän 1959-jili Ana diyarini tärk etişkä mäҗbur bolidu. U ailisi bilän däsläp Çeläk täväsiniŋ Tabaksovhoz yezisiğa (hazirqi Bijanov yezisi) oltiraqlişidu. Keyin u yeqinliriniŋ mäslihiti bilän 1971-jili Almuta şähiriniŋ Gornıy Gigant mähällisigä kšçüp ketidu. Bu yärdä u ta hšrmätlik däm elişqa çiqqiçä härhil işlar bilän bänt bolidu.
– İnsan balisi päqät tirikçilik qilip, kün kšrüş üçünla ämäs, äl-jutiniŋ ğemi bilänmu, yaşişi keräk, – däydu millätpärvär insan Nurambäg aka sšhbät ara.
Nurambäg aka Gornıy Gigant mähällisigä kelişi bilän jutdarçiliq işlarğa paal arilişip, milliy mädäniyitimizgä ait çarä-tädbirlärni uyuşturuşqimu šz hässisini qoşidu.
«Yättä atisini bilmigän – jitim» demäkçi, u šziniŋ tegi-tätini, äҗdatliriniŋ qäyärlärdä yaşiğanliği häqqidä däsläp «Äҗdatlar izi», keyiniräk «İssiq makan» namliq qolyazmilirini näşirdin çiqiridu. U šziniŋ «Lapçilar bäs-bästä» namliq kitavida, štkän äsirdä šz kšzi bilän kšrgän lapçilar vä ularniŋ lapliri häqqidä yezip çiqsa, «Şeirlar vä batur Zihrullam» toplimida Zihrullam batur häqqidä mälumatlarni ätrapliq yorutuşqa tirişidu. Şu arqiliq hälqimiz içidin çiqqan baturniŋ namini kšpçilik arisida käŋ türdä tärğip qilişni mähsät qilidu. Keyinki kitavi «Toplam vä şeirlar» däp atilip, qäläm egisi uniŋda kšŋül sšzlirini şeiriy misralar arqiliq yätküzüşkä tirişidu. Şeirliri asasän, Vätän, ana-jut, tirikçilik, dostluq mavzuliriğa beğişlanğan.
90 yaşqa qädäm basqan Nurambäg aka Baratov šmürlük җüpti Tursunay hädä bilän šy-otaqliq bolup, duniyağa bäş pärzänt äkäldi. 3 oğli bilän 2 qizini җämiyätkä munasip insanlardin qilip yetildürüp, härqaysiniŋ hayattin šz ornini tepişiğa zämin yaratti. Nävrilärmu ularniŋ arami…
«Bähitni qeriğanda bärsun» däp qoyidu konilar. Һä kšpni kšrgän Nurambäg akiğa bizniŋmu tiläydiğinimiz şu.

Abduljan AZNİBAQİEV.

Bälüşüş

Javap qalduruŋ