Qurbanovlarniŋ ülgilik ailisi

0
122 ret oqıldı

Raşidäm RÄҺMANOVA,
«Uyğur avazi»

Ana tilimizdiki mäktäplär, mätbuatimiz vä teatrimiz qiyinçiliqlarni beşidin štküzüvatqan bir päyttä uyğur tilida bilim elip, pärzäntlirinimu uyğur tilida oqutuvatqan aililärgä qarap zoqumiz kelidu. Yeqinda Ämgäkçiqazaq nahiyälik «Mereyli otbası» milliy kšrügügä qatnişip, 22 ailä içidä alahidä kšzgä çüşkän Sadiqҗan vä Raşidäm Qurbanovlarniŋ ailisigä qarap äynä şundaq hulasigä kälduq. Täkitläş lazimki, «Yaşlar jilida» uşbu kšrükkä yaş aililär kšpläp qatnaşti.
Һä, är-ayal Qurbanovlar – uyğur mäktiviniŋ tüläkliri. 1984-jili Ämgäkçiqazaq nahiyäsiniŋ Ğäyrät yezisida tuğulğan Sadiqҗan şu yezidiki İsmayil Sattarov namidiki ottura mäktiviniŋ uyğur sinipini tamamlap, Abay namidiki Qazaq milliy pedagogikiliq universitetiniŋ uyğur tili vä ingliz tili fakul'tetida tähsil kšrdi. Qizil diplomluq, qälbi iҗadiyät bilän ädäbiyatqa yeqin yaş jigit ämgäk paaliyitini «Aziya bügün» gezitidin başlaydu. Andin «Mir» näşriyatida işläydu. 2007-jili Almuta şähiridiki Abdulla Rozibaqiev namidiki gimnaziyagä ingliz tili muällimi bolup orunlişidu. Öz işiğa bolğan juquri җavapkärligi, tirişçanliği tüpäyli qisqa vaqit içidila mudirniŋ tärbiyä işliri boyiçä orunbasari bolup tayinlinidu. Mana moşu qutluq makanda Sadiqҗan keläçäk räpiqisi Raşidäm bilän tonuşidu.
Raşidäm 1985-jili Almuta şähiridä tuğulğan. A.Rozibaqiev namidiki kšp sahaliq gimnaziyani ülgilik tamamliğan u Abılayhan namidiki Qazaq häliqara munasivätlär vä duniya tilliri universitetida oquydu. Oquş ornini nemis tili vä türk tili mutähässisligi boyiçä tamamlap, šzi oquğan mäktäpkä muällim bolup kelidu. Bir-birigä kšŋül bağliğan yaşlar ailä qurup, bir jildin keyin Ämgäkçiqazaq nahiyäsiniŋ Avat yezisiğa kšçüp kelidu. Sadiqҗan Ömär Muhämmädiy namidiki ottura mäktäpkä ingliz tili muällimi bolup qobul qilinidu. Bu yärdimu bilimi, uyuşturuş qabiliyiti bilän kšzgä çüşkän Sadiqҗan mäktäpniŋ pedagog-uyuşturğuçisi bolup tayinlinidu. Raşidäm nahiyälik kitaphaniğa hadim bolup orunlişidu. Mäktäpniŋ, yeziniŋ barliq җämiyätlik işlirida paalliyätçanliq tonutup kelivatqan Sadiqҗan vä Raşidäm Qurbanovlar nahiyä, vilayät hakiminiŋ Pähriy yarliqliri bilän täğdirlängän.
İnavätlik, ibrätlik aililärdä šskän Sadiqҗan bilän Raşidäm šzliriniŋ bir-birigä häm başqilarğa bolğan muamilä vä alaqisi bilän pärzäntlirigä ata-aniğa, umumän çoŋlarğa bolğan hšrmät, kiçikkä izzät ülgisini kšrsitip kälmäktä. Ularniŋ üç pärzändi bar. Çoŋi Rayana – 11, İradä – 8 vä oğli Sabirҗan – 7 yaşta. Barliği Ömär Muhämmädiy namidiki ottura mäktäpniŋ uyğur siniplirida bilim alidu. Balilar ata-anisi ohşaş mäktäptiki vä nahiyädiki härhil mädäniy çarä-tädbirlärniŋ paal iştrakçiliri. Һär üçilisi birinçi siniptin äla oquydu.
Nahiyälik «Mereyli otbası» milliy kšrügüni yäkünligän Ämgäkçiqazaq nahiyäsiniŋ hakimi Binäli Isqaq Qurbanovlarniŋ ülgilik ävladiğa mukapitini tapşurğaç, ularğa buniŋdin keyinmu šzliriniŋ hayat tärizi vä iş-paaliyiti bilän başqilarğa ülgä bolup qelişini tilidi. Bizmu, šz novitidä, Sadiqҗan inimiz bilän Raşidäm siŋlimizğa bir-birigä bolğan hšrmät-ehtirami, sadiqliği vä mehrivanliği üçün apirin eytip, härdayim bähit quçiğida yaşişini tiläymiz!

Ämgäkçiqazaq nahiyäsi.

Bälüşüş

Javap qalduruŋ