Dehanğäyrät täsiratliri

0
41 ret oqıldı

Bu qetim tävädiki qedimiy Dehan Ğäyrät jutiğa kälduq. Mähsitimiz – gezithanlarni Qazaqstan Җumhuriyitiniŋ Tunҗa Prezidenti – Elbası Nursultan Nazarbaevniŋ «Keläçäkkä nişan: mäniviy yeŋiliniş» namliq maqalisidiki «Tuğan jer» programmisida «Tuğulğan yärgä, uniŋ mädäniyiti bilän än°änilirigä alahidä hissiyat ilkidä qaraş – häqiqiy vätänpärvärlikniŋ ähmiyätlik kšrünüşliriniŋ biri»degän kšrsätmiliri toluği bilän ämälgä eşivatqan jutniŋ tarihi vä bügünki turmuş tirikçiligi bilän tonuşturuş.

Gšhärbüvi İSMAYİLҖANOVA,
«Uyğur avazi»

Dehan Ğäyrät yezisiniŋ nahiyä märkizi Yarkänt şähiri bilän ariliği bari-yoqi 8 kilometr. Uluq İpäk yoli bilän meŋip, bük-baraqsan šskän qariyağaçliqniŋ arisidiki yol bilän 3,5 kilometr maŋsiŋiz şu yol yeziğa elip baridu. Ösäk däriyasiniŋ oŋ qanitiğa җaylaşqan yeziniŋ turğunliriniŋ asasini uyğurlar bilän qazaqlar täşkil qilidu. Dehan Ğäyrättä 2015-jili paydilinişqa berilgän zamaniviy mäktäp, Mädäniyät šyi, kitaphana, fel'dşerliq — akuşerlik punkt, meçit bar.
Yezida 205 ailidä 1100 adäm yaşaydu. Namidin mälum boluşiçä, bu yezida qolidin qutluq kätminini çüşärmäy taŋ sähärdin ta kün patqiçä yärgä ämgäk qilişqa adätlängän häm ävlatlirinimu halal ämgäktin risqini tepişqa tärbiyilävatqan uluq dehan ävladi yaşaydu. Näq moşu tapta yeziğa barsiŋiz yättä yaşliq balidin tartip, yätmiş yaşliq bovay-momayni etizliqtin tapisiz. Çünki, dehanniŋ tili bilän eytqanda, hosul jiğişturuş başlinip kätti. Ular jil boyi kütkän hosulni jiğişturuş üçün vaqitni ğenimät bilip, mana şundaq ämgäk etişkä adätlängän. Һosul demäkçi, dehanğäyrätliklär yärdin qar ketişi bilänla kätminini mürisigä selip, dehançiliq işlirini däsläpkilärdin bolup başlaydu. Yeri münbät, süyi älväk bu yärdä kšmüqonaq, bedä vä kšktatniŋ hämmä türi šstürülidu.

Bärikätlik yeza —
tünügün vä bügün
Bizgä yeziniŋ tarihi häqqidä jut mštivärliri İminҗan Tohtahunov, Mähämmät Һoşurov, Mahmut Şaydinov käbi atilar eytip bärdi. Ularniŋ eytişiçä, Oktyabr' inqilaviğiçä bu yärlärdä tuŋganlar yaşap, dehançiliq qilğan ekän. Ändi 1927-29-jilliri tävädä artel'lar quruluşqa başliğanda, Qadir Nadirov, İsrapul İsmayilov, Tudäm Tohtahunov, Veläm Tayirov, İmir Qurbanov, Mutällip Väliev, Sidiq Qämbärovlardin ibarät yättä adäm aililiri bilän kšçüp çiqidu. Yär şaraiti dehançiliqqa qolayliq bolğaçqa dehançiliq vä kšktatçiliq işliri bilän şuğullinidu. Ändi moşu yättä ailigä uqaq tartip, İsmayil İbragimov, Mähämmäthan İsrayilov, Rähim İşpekbaev vä İzbasar Qarabalaevlar kelidu. Şundaq qilip, artel' täşkil qilinidu. Äҗdatlardin amanät kelivatqan uyğurlar oltiraqlaşqan җayiğa kšçät, däl-däräq tikiş, turuşluq šylärni, qora-җaylarni selip, asasän dehançiliq bilän şuğulliniş işliri qädämmu-qädäm rivaҗlinidu. Artel'da şu jilliri 250 gektar yärgä gürüç, ändi 250 gektarğa mäydanğa buğday teriş işliri yolğa qoyuldi. Aridin ikki-üç jilçä vaqit štüp, artel' başliği Qadir Nadirov kšçüp kälgänlärni jiğivelip, ändi bu jutqa nam beriş täklivini qoyidu. Bayiqi dehan ähli bir eğizdin qolğa alğan dehançiliqni tehimu rivaҗlanduruş üçün ğäyrät bilän ämgäk etiş keräkligini eytip, «Dehan Ğäyrät» däp ataş täklivini beridu. Şundaq qilip, 1930-jili räsmiy hšҗҗätlärdä “Dehan Ğäyrät” däp atalğan yeza bärpa bolidu. Dehanğäyrätlik dehanlarniŋ şiҗaätlik ämgigi häqqidä aŋliğan, bilgänniŋ qiziqişi tüpäyli kšçüp kälgüçilär qatari kšpiyip, bara-bara çoŋ yeziğa aylinidu. Buğday bilän gürüçtin başqa kšktatçiliq bilän şuğullinişqa intayin qolayliq bolup, yeziğa kiridiğan çoŋ sayda qiş-yezi eqivatqan qara sudin paydilinişni bilgän äҗdatlirimiz sävzä, piyaz, yaŋiyu, tärhämäk, pomidor šstürüşnimu qolğa alidu. Aridin ikki jil štüpla Dehan-Ğäyrät arteli nahiyädiki çoŋ egilikkä aylandi. Mana şu yeza egiligi işlirini rivaҗlanduruş yolida Qadir Nadirovniŋ täşkiliy qabiliyiti häqqidä jut turğunliri tävrinip sšzlidi. Yoqtin bärpa qilip, uni sür°ätlik rivaҗlanduruşta keçä-kündüz tinim tapmay işbilärmänlik qabiliyitini namayiş qilğan, häliqniŋ turmuş şaraitini yahşilaşqimu tškkän äҗrini eytip, ismini uluqlidi. Mundaq tädbirçan rähbär hayattin štsimu huş mubaräk isminiŋ ävlatlar qälbidä yadlinivatqanliği bizni qayil qildi.
Şuniŋdin keyin kolhozni yarkäntlik İsmayil İbragimov başquridu. Räis yeza egiligi işliri üçün yeza ätrapidiki qomuçluqlarni šzläştürüp, qoşumçä 200 gektar yärgä käŋäytidu. Etiz-eriq işliri şuŋğiçä päqät qol bilän atqurulğan bolsa 1935–1936-jilliri qural-sayman, šküz-harvu, çšp çepiş maşiniliri setivelindi. Çarviçiliqmu täräqqiy ätti. 1936-jili däsläpki traktor vä molotilka ohşaş tehnikilar kältürüldi. Ändi Ösäk däriyasi boyiğa җaylaşqan yeziğa bir top rus kişilär kelip, kolhozğa äza boldi. Ular Ösäk däriyasidin beliq tutuş işliri bilän mäşğul bolup, dehançiliqqa tamamän ohşimaydiğan yeŋi sahani elip kirdi. Şularniŋ täsiri bolsa keräk, Dehan-Ğäyrät yezisi inqilapçi Georgiy Dmitrovniŋ nami bilän ataldi.
Uluq Vätän uruşi başlanğan jilliri Dehan Ğäyrättin älliktin oşuq şirğuran jigit җäŋ mäydanliriğa atlinip, ularniŋ ottuzi qaytmidi. Arqa säptä җasarätlik ämgäk qilip, ğalibiyätni yeqinlatqan bovay-momaylar bilän šgisi qatmay turup eğir ämgäkkä arilaşqan balilar bu juttimu az ämäs edi. Һazir uruş jilliri baliliriniŋ yeşi säksändin eşip, jut atiliri ataldi. Kšpni kšrgän atilar bilän anilar, kšpbaliliq qähriman anilarniŋ eytari kšp.
Yezidiki däsläpki başlanğuç mäktäp jut turğunliri täripidin selinip, Uyğur nahiyäsidin kälgän Mäsim Däraev ustazliq qilidu. Keyiniräk uniŋ işini Qurvan Sopiev davamlaşturidu. Qurvan Sopievmu Uluq Vätän uruşiğa atlinidudä, mäktäptä Ayşäm İmirova, Ayimbüvi Hizmätova, Ruqiyäm Yoldaşeva qatarliq muällimlär oquğuçilarğa bilim beriş bilän billä häm ata-häm ana bolğanliğinimu bügünki ävlat pähirliniş içrä tilğa alidu. 1943-jili uruştin bir putidin naka bolup kälgän İdris Mäŋsürov şu jilliri nahiyälik bilim bšlüminiŋ başliği Qari Bosaqovniŋ tävsiyäsi bilän Dmitrov mäktivigä däsläp ustaz, andin mudir bolup tayinlinidu. Äynä şu İdris aka ta hšrmätlik däm elişqa çiqqiçä uşbu därgahta hizmät qilidu.
Ändi 1950-jili kiçik egiliklär birläştürüş işliri qolğa elinğanda, Dmitrov Çuluqayğa qoşulup, « Stalin-Birlik» kolhozi däp ataldi. Dmitrov yezisiniŋ turğunliriniŋ turmuş şaraiti başqilarğa nisbättän helila yahşi bolup, äzäldin işlämçan hälqi bu jillirimu kšktatçiliq bilän şuğullandi. Ändi gürüçniŋ orniğa kšmüqonaq šstürüş işliri qolğa elinğan edi. Bu jilliri egilikni Serik Qanaev bilän Nazim Temirğaliev başqurdi. Keyiniräk egilik nami «Birlik» däp ataldi. 1960-jildin başlap egilikkä Һoşurahun Yoldaşev, Azat Mäşürov, Qurvan Qasimov, Ğäyrät Yoldaşevlar räislik qildi. 1980-jili egilikniŋ räisi bolup saylanğan Oğuz Niyazov terilğu mäydanlirini, mal çarviçiliğini tehimu täräqqiy ättürüş yolida tinimsiz ämgäk ätti. Dehan-Ğäyrätniŋ dalaliridiki boş yatqan yärlärni šzläştürüşkä kšp küç çiqardi. Qomuçluq, çatqalliqlar, çiğliqlar, yantaq tikänlik yärlärniŋ orniğa etizliqlar bärpa boldi. Egilikniŋ terilğu mäydani 800 gektarğa yätti. Yezida biz başta täkitligän Mädäniyät šyi, kitaphana, dukan, balilar bağçiliri, hiş zavodliriniŋ quruluş işliri sür°ätlik elip berildi. Ändi elimiz mutäqillikkä qol yätküzgändin keyin kolhoz-sovhozlar tarqiğan jilliri «Birlik» kolhozi kooperativ bolup šzgärdi. Ändi 1997-jildin başlap egilik dehanliri šz aldiğa şähsiy egiliklärni qurup, bšlünüp çiqişqa başlidi. Andin «Birlik» işläp çiqiriş kooperativi bolup šzgärtilip, ta 2003-jilğiçä šz paaliyitini tohtatmidi. Dmitrov yezisimu şu mustäqillikniŋ şarapitidin, turğunlarniŋ täläp-täkliplirigä benaän, šziniŋ däsläpki nami bilän qayta ataldi. Kolhozçilar pay hesaviğa šlçük yär elip, şähsiy egiliklärni täşkil qilip, işläşkä başlidi. Şu närsä ayanki, kšpçilik bir egiliktä uyuşup, birliktä işläp üginip qalğaçqa däsläpki jillar oŋayğa çüşmidi. Lekin bazar ihtisadi, närq zamani şuniŋğa ügättiki, här kim šz qabiliyitigä, ämgigigä qarap iş qilip, yeza egiligi sahasida šzlirini sinap kälmäktä. «İşligän çişläydu» demäkçi yärgä qutluq kätmini bilän dehanlar ämgäk etip, şähsiy egiligini tehimu rivaҗlandurup, päydin-päy käŋäytip, iş qilivatidu.

Tarihiy mäktäp
1930-jili huli qurulğan Dehan Ğäyrät mäktivi 1999-jilğiçä säkkiz jilliq, ändi 1999-2000-jilliri ottura mäktäp bolup, yezida bilim vä tärbiyä işlirini qoş tilda jürgüzülivatidu. Ändi 2014-jili yeŋi mäktäp benasi selinip, paydilinişqa berildi. Mäktäpniŋ tarihidin uniŋ däsläpki muällimliri bolup Mäsim Däraev, Qurvan Sopiev, İdris Mäŋsürov, Ayşäm İmirova, Ruqiyäm Yoldaşeva, keyiniräk Arup Sabirov, Avamusim Zerilov, Burhan Sopiev, Latin Sopievalar salğan märipät yolida bügün yeŋi tiptiki mäktäptä mudir Aydos Turapbekov başqurivatqan mäktäptä 300 oquğuçiğa zaman tälivigä layiq bilim vä tärbiyä berilmäktä. Biz moşu yärdä mäktäpniŋ şagirtliri qol yätküzgän utuqliridin gäp qilimizkän, däsläpkilärdin bolup moşu juttin çiqqan meditsina pänliriniŋ doktori, profesor Turğan Sopiev, talantliq rässam İmärҗan Mäŋsürov, Rähim Äysaev bilän Qazaqstan hälqi Assambleyasiniŋ äzasi, Panfilov nahiyäsiniŋ pähriy grajdani peşqädäm ustaz, «Rehimҗan» sän°ät mäktiviniŋ mudiri Rehimҗan Tohtahunov, Yoldaş İbragimov, uzun jillar rähbiriy lavazimlarda hizmät qilğan, nahiyälik Uyğur etnomädäniyät märkiziniŋ räisi Rizaydin Äysaev bilän märhum Tel'man Hizmätov, Һakim İsmayilov vä başqilarni ataşqa häqliqmiz.

Dehanlar juti
Dehanğäyrätlik dehanlarniŋ etizliği bilän bağvänçilik, çarviçiliq işlirini bir kšrüp, ularğa zoq-häväs bağlap, izzät hšrmitim aşti. Män buni bir ikki ailä misalidin kšrüp, barliq dehanğäyrätliklärgä apirin äylidim. Çünki äҗdatlardin qalğan qutluq kätminigä sadaqätlik bilän ämgäk etip, uni ävlatliriğa ügitivetiptu. Mana şundaq dehan, ämgäk märdanisi bu künlärdä hayatiniŋ säksininçi davaniğa kštirilgän Mähämmät ata quyaş külüp çiqqan hudaniŋ qutluq küni taŋ sähär 5 tin saat 8 giçä kätmän çapmisa kšŋli imin tapmaydikän.
Dehanğäyrätkä kindik qeni tškülgän Mähämmät ata moşu jutta šsüp, yetildi. Mäktäpni tamamlap, şu dävirniŋ täläp qaidiliri boyiçä Vätän aldidiki borçini Ukrainida štäp, ana jutiğa qaytti.U härbiy hizmätkä ketip, 24 kün štkändin keyin atisi Ähmät vapat bolup, tirikçilikniŋ hämmisi yättä bala bilän qalğan anisi Җännätbüviniŋ zimmisigä çüşti. Buni çoŋqur his qilğan M. Һoşurov härbiy säptin kelipla, kolhoz işliriğa yäŋ türüp kirişip kätti. Һärbiy säpkiçä nahiyälik voenkomatniŋ çaqiriği bilän şoferluq kursta oquvalğaçqa, egilikkä şofer bolup orunlişidu. Yaşliq ğäyriti bilän tädbirçan šz işiğa җavapkärçilik bilän qaraydiğan Mähämmät Һoşurovqa egilik räisliri çoŋ işänçä bildürüp, 2-brigadiğa hesapçi, keyiniräk kolhoz garajiğa mehanik, MTM başliği, mal bodaş kompleksiniŋ rähbiri väzipilirini jüklidi. U egilikniŋ qandaqla işida işlimisun šziniŋ adil häm ämgäksšygüçlügi bilän päriqländi.
Şundaq işläp jürüp, 1997-jili däsläpkilärdin bolup šlçük yär elip, ata käsip dehançiliq bilän şuğullinişqa başlidi.
– Ailäm bilän şähsiy egilikni täşkil qildim. Oğlum Ärkin vä nävrilär bilän 21 gektar yärgä kšmüqonaq, bedä häm kšktat terişni başliduq. Һazir egiligimizdä kšktatniŋ hämmä türini terip, ailimizni täminläp, qalğinini bazarğa elip çiqtuq. Tärhämäk, yaŋiyu, җaŋdu, kapusta, poçaq, qatarliq kšktatlar bilän bir gektar yärgä abrikosniŋ här hil sortlirini kšçiriveduq, mevisini yävatimiz. Biyilmu alma-šrüklär pişip mäy boldi. Һosul yaman ämäs. Özimizdin aşqinini Yarkänt bazarida düŋ setiş arqiliq daramitimiz eşivatidu, –däydu mštivär sšhbätara.
Çoŋ ailidä šsüvatqan pärzäntlär, andin nävrilär ğemi bilän yaşavatqan Mähämmät ata jutdarçiliq işlarda paaliyätçanliq kšrsitip, ülgä nämnunä bolmaqta. Ömürlük җüpti İmärahan bilän ällik jil šy-otaqliq bolup, bähitlik yaşivedi, şum äҗäl 5 jil burun uni vapadar yaridin mäŋgügä ayridi. Lekini bäş pärzändidin 17 nävrä, 19 çävrä quçup, yaşaş atiğa nesip boluvatidu.
Dehan terip dan çaçar,
Äl risqiğa yol açar, – degändäk bala-çaqa risqisiğa yol eçivatqan Mähämmät ata bügün dehançiliqniŋ qir-sirini oğli Ärkin bilän nävrisi Älişerğa ügitip kelivatidu. Ata bala, nävrä dehanlar etizğa barsa haduği çiqidu. Varisliq degän moşu bolsa keräk.

Jigitbeşisiz iş pütmäydu
Bu qutluq jutta ata-bovilardin kelivatqan “jigitbeşi” degän namğa layiq jut hizmitidä jürgän Ğalipҗan Sonurovniŋ jut başqurivatqiniğa 10 jildin aşti. Dostluği bilän birligi yaraşqan yezisidiki qazaq qerindaşlar uyğurçini taza ärkin sšzläpla qalmay, äzäldin bir-birigä qiz berip, oğul šyläp quda, tamir bolup iҗil-inaq yaşavatidu. Ğalipҗanniŋ här bir koçiğa tayinlanğan ikkidin yardämçisi bolup, ular biri uyğur, biri qazaq hälqiniŋ väkilliridin. Täkitläş keräkki, bu jutta bilim däsläp päqät uyğur tilida berilgäçkä, qazaq hälqiniŋ väkillirimu uyğurçä oqudi. Päqät keyinki jillarda bilim beriş qoş tilda, yäni qazaq vä uyğur tillirida jürgüzülüvatidu.
Jigitbeşiniŋ täkitlişiçä, här jutniŋ šz tarihi, än°äniliri bolğinidäk, Dehan Ğäyrättä qeliplaşqan än°änä boyiçä 8-may küni zärätkalliqlarni tazilaş, rätkä kältürüş işliri elip berilidu. Bu küni barliq jutdaşlar “Hatiriläş künini” elan qilip, baqiliq bolğanlarğa atap, jut bolup näzir štküzüp, dua tägbir tilavät qilinidu. Ändi Yeŋi jil, Noruz, 8-mart mäyrämliridimu koçilarara ädäbiy-muzıkiliq bayqaşlar uyuşturulup, uniŋ ahiri umumhäliq säylisigä ulişidu. Moşu yärdä Mädäniyät šyiniŋ mudiri Tohtar Qanaevniŋ rähbärligidä bayqaşlar uyuşturulivatqanliğinimu täkitläş orunluq.
Sšhbätara biz dehanğäyrätlik muştirilar häqqidä soriğinimizda Çuluqay yeza okrugi poçta bšlümçisiniŋ başliği Roşängül Zlamdinova üstimizdiki jilniŋ ikkinçi yerimiğa bu juttin 50 adämniŋ muştiri bolğanliğini yätküzdi. Jigitbeşi bilän birliktä yeziliq Hanim-qizlar keŋişiniŋ räisi Gülinur Qämbärova, Nurlan Qanaev, Ärkin Һoşurov, Abdurusul Tayirov qatarliq җankšyärlär arqisida muştirilar sani kšpiyivetiptu.
Bu küni toğaç bilän qurutni täŋ bšlüşkän qazaq qerindaşlardin Baqitgül Qanaeva, Güljan Kunijanova, Jeŋis Qurmaşevniŋ «Uyğur avazi» gezitiğa muştiri bolğanliğini aŋlap hayaҗanlinip kättim. Uquşsam Güljan Kunijanova yeziliq җämiyätlik keŋäşniŋ räisi, Jeŋis inimiz jigitbeşiniŋ yardämçisi, җämiyätlik işlarniŋ aktivisti ekän. Qerindaşliq däp mana moşuni eyt!
Paaliyätçanlar jutni arilap, bälgülük säväplär bilän yezilalmay qalğanlarni muştiri boluşqa dävät qiptu. Yänä bir eytmasqa bolmaydiğan gäp, җämiyätlik keŋäş räisi, jigitbeşi bilän bu paaliyätçanlar turğunlar arisidiki çüşänmäslik bilän birär kšŋülsiz vaqiälärnimu boldurmasliqqa, ularniŋ alidini eliş üçün mäslihätlişip, mediator hizmitinimu qatar elip bervetiptu. Җankšyärlärgä apirin eyttuq.

Kšpkä tonuş
«Qiziq. ru»
Kiçikkinä bu jutni җumhuriyät vä uniŋ sirtiğa tonutuvatqan – «Qiziq.ru» huşhoylar vä tapqurlar komandisi. Dehan Ğäyrät ottura mäktiviniŋ uyğur tili vä ädäbiyati pänliriniŋ muällimi Ğäyrätҗan İsrayilovniŋ rähbärligidä ular nahiyä mäktäpliri arisida štkän uyğurçä KVN ligisiğa qatnişip, ğalip çiqip, andin «Nur Otan» partiyasiniŋ 10 jilliğiğa munasivätlik nahiyädä uyuşturulğan qazaqçä KVN dimu birinçilikni yeŋivaldi. Yatliği yoq bu jutta KVN oyunlirida qazaq jigitliriniŋ uyğurçä häzil mitiatyurilar bilän nahşa-sazlarni yaŋratqanliğini här kim bilivärmisä keräk. KVN komandisiniŋ rähbiri Ğäyrätҗanniŋ täkitlişiçä, hazir u jigitlär mäktäpni tamamlap, här hil käsip egiläp, җämiyitimizgä munasip šz paaliyätlirini jürgüzivatidu. Ändiliktä bu klubniŋ äzasi Naim Junusov ikkisi yänä yeŋi layihilärni qolğa elip, pat-yeqinda «Qiziq. Ru» komandisiniŋ yeŋi tärkivini täyyarlaş niyitidä boluvatqanliğini eytti. Naim – Yarkänt gumanitarliq- tehnikiliq kolledjniŋ muzıka bšlümini tamamliğan diplomluq mutähässis. Һazirçä yezida štüvatqan här ikki millätniŋ toyida hizmät kšrsitivatidu.
Dehan Ğäyrättä «Balapan» dšlät programmisi dairisidä şähsiylär hesaviğa balilar bağçisi selinip, paydilinişqa beriliş harpisida turuptu. Mäktäp yenidiki ihçam märkäzdä toplarda tärbiyilinivatqan balilar ändi bağçiğimu kelidu.
Qut dariğan bu tävärrük jutta Uluq Vätän uruşiniŋ tirik şahidi yoq. Amma arqa säptä “Ğalibiyät üçün!”, däp işligän atilar bilän anilar bar. Şundaqla jutta «Altın alqa» «Kwmis alqa» taqqan anilar qähriman anilar qatari yaşlar hesaviğa šsmäktä. Bäynälmililäl җäŋçi Murat Moldahmetovmu yaşlarni vätänpärvärlik rohta tärbiyiläş üçün bar küç- ğäyritini särip qilmaqta.
Biz Çuluqay yeza okrugiğa qaraşliq Dehan Ğäyrät yezisiğa qilğan säpirimizdä jut adämliri bilän sšhbätlişiş җäriyanida bu jutniŋ yaşliriniŋ ailä qurup, bala-çaqa šstürüş arqiliq elimizniŋ demografiyalik šsüşigä munasip hässilirini qoşuvatqanliğiniŋ guvaçisi bolduq. Bolupmu yeza yaşliriniŋ iş izdäp yaqa jutlarğa, çoŋ şähärlärgä kätmäy, ata käsip dehançiliq bilän şuğulliniş täräpdari ekänligigä toluq kšz yätküzduq. Lekin yaş aililärgä turuşluq šy selişqa yär eliş üçün novättä turğanlarniŋ sani jildin-jilğa šsüp, bu mäsiliniŋ iҗabiy häl bolmayvatqanliğiğa häyranmu bolduq. Yänä bir çoŋ muämma – Dehan Ğäyrätkä kelip ketidiğan yol mäsilisi. Nahiyä hakimliriniŋ hesavat jiğinlirida qançä eytilivatsimu, bari-yoqi 3,5 kilometr yolniŋ bir qetimmu җšndäştin štmäy, hätta şehil yeyilmay qelivatqanliği hämmimizni eçindurdi. Bizmu başqilar qatarida bu musapini 30 minut vaqitta besip kälduq. Ägir toqay, oyman-çoŋqurluq yolda meŋivatqanlarmu här küni bu mäsiliniŋ iҗabiy häl boluşini täşnaliq bilän kütmäktä. Çünki jil on ikki ay qadaq basqan qollirida qutluq kätmini bilän ämgäk etip, tapqininiŋ bir qismini Yarkänt baziriğa elip çiqivatqan dehanlarmu künigä üç-tšrt qetim kelip ketişkä mäҗbur. Һä, Yarkänt hälqini ekologiyalik taza yaŋiyu, poçaq, laza-pomidor, җaŋdu, tärhämäk, qil yaş, aş kški, çiŋsäy, kava, alma-šrük bilän täminlävatqan – dehanğäyrätlik dehanlar.
Tuğulğan yerigä uniŋ mädäniyitigä, än°änilirigä alahidä hissiyat bilän qarap, uniŋ ävlattin ävlatqa saqlap, täräqqiy ättürüş üçün yaşap ämgäk etivatqan dehanğäyrätliklärgä utuq-muvappäqiyätlär tiläp hoşlaştuq.
Panfilov nahiyäsi

Bälüşüş

Javap qalduruŋ