Täläpçan ustaz, talantliq şair edi

0
70 ret oqıldı

(Şair Һeziz Һezimovniŋ tuğulğiniğa — 90 jil)Hälqimizdä «Ustazğa šlgiçä hizmät qil, hizmät qilmisaŋmu izzät qil» degän qanatliq sšz bar. Män bu ibarigä qoşumçä qilip: «Ustazniŋ himmitini, qädrini bilmigän şagirt – qälbi qurup kätkän qahşaldur», – degän bolar edim. Şuŋlaşqa bilim eliştimu, iҗadiyättimu yolumğa mehir mäş°ilini yeqip, yoruq çüşärgän ustazim şair heli märhum Һeziz Һezimovni meniŋ üçün äŋ uluq adäm däp hesaplaymän. U maŋa bilim beripla qoymay, ädäbiyat gülşinidiki här bir qädimimgä näzär selip, küzitip, haman mäslihitini berip turğan insan. Qädirdan ustazimniŋ bu jili tuğulğiniğa – 90 jil, vapatiğa 29 jil toluptu.
Һämmigä mälumki, uyğur keŋäş ädäbiyatiniŋ şäkillinişi, rivaҗlinişi Oktyabr' inqilavidin keyin ämälgä aşqan bolsa, moşu dävirdä Ömär Muhämmädiy, Abdulhäy Muhämmädiy, Nur İsrayilov, Һezim İskändärov,Turdi Һäsän, İsmayil Sattarov, Qadir Һasanov käbi ädiplär hizmät qilişqa başlidi. Amma ottuzinçi jillardiki säyasiy täqipläş җäriyanida ädäbiyatimizniŋ bu munävvär ädipliridin täŋdin tolisi şuniŋ qurvini boldi. Uluq Vätän uruşi dävridiki uruş mavzusiğa qäläm tävrätkän ädiplärdin Qadir Һasanov bilän İsmayil Sattarov ikkisila edi. Keyiniräk ularğa Һezmät Abdullin, Җamalidin Bosaqov, Һezim Bähniyazov ohşaş talantlar qoşuldi.
Şular qatarida Һeziz Һezimovniŋmu ädäbiyat mäydanidiki ämgigi bebaha. U uruştin keyinki ädäbiyatimizniŋ çiraqtäk pildirlap turğan ähvalidin hazirqi gülhanğa aylanduruşta bir kişilik äҗrini siŋdürgänlärniŋ biri edi. Uniŋ bu sänäsini ädäbiyat ähli җim, heç nemini säzmigändäk štküzüvetişini kšŋlüm halimidi. Şuŋlaşqa ustaz şairni äsläp qolumğa qäläm aldim.
Män şairni däsläpki qetim 1958-jili Çeläk yezisidiki uyğur-qazaq ottura mäktivigä oquşqa kälginimdä kšrgän edim. Mäktäptä ilmiy mudir bolup işlävatqan ekän. Däris aldim. Şuŋğiçä u Almutidiki äräp yeziğida çiqidiğan «Yeŋi hayat» jurnali bilän «Yeŋi hayat» näşriyatida işläp,1957-jili muällimlik hizmätkä yštkälgän. Uniŋ şeirlirini juqurida nami atalğan jurnaldin, Qazaqstan uyğur şairliriniŋ «Şeirlar» namliq toplimidin, alimä-pedagog Ayşäm Şämievaniŋ «Uyğur tili», «Oquş kitavi», «Vätän ädäbiyati» därislikliridin oqup, bähriman bolğan bir bala edim.
Män şu çağlarda ädäbiyatqa qiziqip, şeir yezip, mäşiqlinip jürättim. Bir küni uniŋğa «Pioner meniŋ siŋlim» degän şeirimni äyminip turup oqup bärdim. U maŋa qarap: «Şeir yazamsän?», – däp soridi. Män beşimni liŋşitip qoydum. U şeirimni tšş yançuğiğa saldidä, siniptin çiqip kätti. Ätisi meni çaqirivelip: «Şeiriniŋni «Ämgäk tuği» gezitigä bärdim», – dedi. Män aŋ-taŋ bolup qaldim. Uniŋ šyi Çeläktiki Oktyabr' koçisida edi. Gezit tährirati şu täräptä. Ädäbiyat bšlümidä kälgüsi filolog-alim İliyas Semätov işlättekän. İkkisi yeqin bolğaçqa, şeirimni şuniŋğa berip ketiptu.
Arida kšp vaqit štmäy gezit betidä şeirim besilip çiqti. Meniŋ hoşalliğimniŋ çeki yoq, käŋ alämgä siğmay qaldim. İkki jil oquş җäriyanida helä şeirlirim şairniŋ tährirligidin štüp, mätbuatta yoruq kšrgän edi.
Şair, tärҗiman Һeziz Һezimovniŋ däsläpki toplimi «Yaşliq nahşiliri» 1955-jili çiqip, uniŋ kitavini tepip oquğinim heli yadimda.
Mäktäpni tügitip yeziğa işläşkä kättuq. 1962-jili uniŋ «Tağ bağrida» toplimi näşir qilindi. Uni qoldin çüşärmäy oqup jürgän çağlirimda 1963-jili «Kommunizm tuğida» yeŋi jilliq dostluq häzil berilgän edi. Şularniŋ içidä Һeziz akiniŋ süriti vä mundaq şeiriy häzil bar edi:
Şair Qaşiy yezisida bizniŋ Һeziz direktor,
Şeir yazmas bolup qaldi bälki işi bäk kšptur.
Yaki uniŋ soqumlardin qoli zadi boş ämäs,
«Tağ bağrida» kitavidin uniŋ kšŋli huş ämäs.
Yerim äsirdin kšp vaqit meniŋ qälbimdä ornişip kätkän sürät bilän bu şeir hämra bolup kälmäktä. Bu dastan häzilni tilğa beğişlimaydiğanliğini hämmimiz bilimiz. Şu çağdiki dostliri uniŋ iҗadini tän elip, kälgüsidä säviyäsi üstün äsärlärni yaritişqa türtkä bolar däp oyliğan bolsa keräk.
Һelimu yadimda, män Qoram yezisida poçtal'on bolup işlävatattim. Aprel' ayliri bolsa keräk. U bir top muällimlär bilän yezimizdiki mäktäpni täkşürigili kälgän ekän. Şair meni çaqirtip kelip, nemä iş bilän mäşğul boluvatqinim häqqidä soridi. Män bolsam: «Poçtal'on bolup işlävatimän», – däp җavap bärdim. Ustazim bir däqiqä җim bolup qaldidä, andin, yenida turğan maarip bšlüminiŋ inspektori Sadiq Bazarbaevqa muraҗiät qilip: «Säke, quliğiŋğa altun sirğa. Moşu balini mäktäpkä orunlaştursaŋ, şeir yazatti. Şeirliri gezitta çiqqan», – dedi. U ägär Qoram mäktividä orun bolsila, meni işqa orunlaşturuşqa yardäm qilidiğanliğini bildürdi. Bu mäsilä boyiçä u mäktäpniŋ ilmiy mudiri Burhan Qurbanov bilän şair Һevullam Gayitovqimu iltimas qildi. Äynä şundaq qilip män 1963-jilniŋ 17-aprelidin muällimlik paaliyitimni başlidim.
Şuniŋ bilän şairniŋ yeŋi kitaplirini elip oqup, mäniviy ozuq elip käldim. Uniŋ 1976-jili balilar üçün «Qol qanatlar», 1979-jili «Tallanma äsärlär», 1989-jili «Seni küyläymän» ohşaş toplamliri yoruq kšrdi, şundaqla häm balilar üçün çiqirilğan umumiy toplamlarda iҗadi oqurmänliri bilän davamliq yüz kšrüşüp turdi. «Yeŋi hayat» jurnalida, «Yeŋi hayat» näşriyatida işlävatqan çağlirida Säbit Muqanovniŋ «Botakšz», Aleksandr Puşkinniŋ «Poltava», «Altun ğoraz» kitaplirini uyğurçä sšzlätsä, Lev Tolstoyniŋ, Nikolay Nekrasovniŋ, Arkadiy Gaydarniŋ, Muhtar Ävezovniŋ äsärlirini ana tilimizğa tärҗimä qilip, uyğur oqurmänliriniŋ sämimiy alqişiğa sazavär boldi.
Şairniŋ şeirliriniŋ tili ravan, çoŋqur pikirlik, bir vaqiälikkä qurulğanliği,mäzmunluq hulasisi bilän pärihlinidu. Ädip ana jutni, ämgäkni, dostluqqa sadaqätni, pak muhäbbätni qizğin käypiyatta küyläydu. U ailä, ana jut, Vätän çüşänçilirini bir uqum däp bilidu. Ulardin başqa esil makanniŋ bar ekänligini his qilalmaydu. Şu muqäddäs җayni qälbidin šçirivetälmäydu. Uni äsläydu, sšyidu, qädirläydu. Barliq hissiyatini şeir bilän ipadiläşkä intilidu. Uniŋ «Muhäbbät» degän şeirida bulbulniŋ bahar kelişi bilän güllärgä täşna bolup sayriğinini:
Yaz käldi yärgä yeşil giläm yeyip,
Bağlarğa qizil җiya güllär terip.
Bulbullar qizil gülgä äşna bolup,
Sayraşti uyqa kšrmäy kirpik ilip, –
däp ipadiläp kelip, Vätängä bolğan muhäbbitini mundaq izhar qilidu:
Ey, bulbul, sayra ärkin җigärlişip,
Sayridiŋ sän äşnaŋni muqum tepip.
Sayraymän huddi saŋa ohşaş mänmu,
Bağ – Vätän hur hälqimgä haman beqip.
Bağ – u ana jut, u Vätän. Şuŋlaşqa bu şeirniŋ oqurmän qälbidä nazuk his-tuyğularni oyğitip, uniŋğa bolğan sšygü riştini bağlişi sšzsiz.
Ägär biz uruştin keyinki ädäbiyatimizniŋ däriҗisiniŋ, yäni bädiiyliginiŋ qançilikligini kšz aldimizğa kältürsäk, şairniŋ şu çağlardiki şairlardin näqädär päriqlinip turidiğanliğini sezivalğili bolidu. Moşundaq şeirlarğa «Yad eytimiz», «Koçida» käbi şeirlarni kirgüzüşkä bolidu.
Hälqimiz HİH äsirniŋ ahirlirida tarihiy Vätinini tärk etip, Yättisuğa kšçüp çiqidu. Äzäldin qoli gül, hosuldar dehan, su inşaätlirigä mahir hälqimiz täyyarğa häyyar bolmay, šstäŋ qezip, ayanmay ämgäk qilidu. Bu vaqiälär şair akimizni bepärva qoymay, uniŋ şeiriy misralirida šz ipadisini tapidu. Mäsilän, uniŋ «Kšç-kšç» vaqiäsiniŋ yüz jilliğiğa beğişlap yazğan «Bovamniŋ beği» namliq şeirida bu vaqiälär häqqidä bayan qilinidu. Kšçmänlär arisida bir jigit hšl kigizgä tarihiy vätinimizniŋ mevä kšçätlirini orap, bu tävägä elip kelidu. Çegaridin štkän ular bir say boyiğa kelip, şu yärgä turaqlinidu. Miŋ iztiraplar bilän soqma tamliq šylärni selip, šlçük yärlärni šzläştürüp, kšçätlärni tikip, šstüridu. Mevizarliq, bostanliq bağlarni bärpa qilidu. U bağlar yüz jil mabaynida ğazaŋ bolup kätmäy, şu burunqi çirayliq qiyapitini saqlap qalidu. Ata bovisiniŋ bu җasaritini şair mundaq täsvirläydu:

Ötsimu şu jutta yaşliğim,
Judaliqta, soğaq çağanda.
Yüz baharliq bovamniŋ beği
Çaqiridu meni här taŋda.
Bu misralarni oquğanda kitaphan ädipniŋ ana jutniŋ issiq mehrini bädiiy sšz vasitiliri bilän mahiranä bayan qilğiniğa qayil bolidu.
Һeziz aka 1929-jili yanvar'da Uyğur nahiyäsiniŋ gšzäl Avat yezisida tuğulup, çoŋ bolğan. Başlanğuç vä ottura bilimni şu tävädä alidu vä Almutiğa kelip institutqa çüşidu. U kiçigidin tartipla şeiriyätkä qiziqidu. Mäşiq şeirlarni yeziş җäriyanida u Ömär Muhämmädiy, Һezim İskändärov, Qadir Һasanov, İsmayil Sattarov ohşaş ädäbiyatimizniŋ peşivaliridin üginidu. Җahan şeiriyitiniŋ ülgilirini, qazaq poeziyasini sšyüp oquydu. Kündin küngä šsüp yetilidu. Yezisiniŋ här bir giyasiğa, teşiğa, tamça süyigä näzär taşlap, uniŋdin ilhamlinip nurğun şeirlarni iҗat qilidu. Mäsilän, «Avat süyi» namliq şeirida tağ süyiniŋ Täŋri teğiniŋ jiraliridin başlinip, jilniŋ tšrt päslidä insanğa läzzät berip, hätta yeŋi nihallarniŋ täşnaliğini qandurup kelivatqanliğini mundaq täsvirläydu:
Ey, uluq su, muqäddäs su, Avat süyi,
Täşna kšŋlüm bir yaşnaydu içkän küni.
Tomur qeni saadätlik ana yärniŋ,
Jutniŋ kšrki, dehan neni, şair üni.
Öz iҗadiyitidä qedimiy vä äbädiy bolğan muhäbbät mavzusidin çätnäp štkän şair yoq bolsa keräk. Һärqandaq şair uni bir-biridin päriqlinidiğan kšz qarişi bilän ipadiläp käldi. Һeziz aka Һezimovmu bu mavzuni heç kimgä ohşimaydiğan, šz uslubi bilän, başqilarni täkrarlimay, vaqiälikkä bağlaşturup, täsvirlidi. Misal üçün «Sorisaŋ» namliq şeirida jigitniŋ sšygän qizidin här qaçan uniŋdin gülni qäyärdin alğanliğini, nägä ketip barğanliğini soriğisi kelip turidiğanliğini, billä säylä qilip, uzun yol jürsimu harmaydiğanliğini, hä buniŋğa türtkä bolidiğan küç – muhäbbät ekänligini monu misralarda bayan qilidu:
Sän sorimay bärdim, äqlim, qälbimni häm,
Sorar bolsaŋ, җenim täyyar täğdir bilän.
Yultuzdin güldästä tizip bärgin desäŋ,
Һazir uçay kosmodromğa ärzim bilän.
Moşundaq yüksäk rohta yezilğan «Märgän ekänsän», «Kšŋlüm», «İlmaymän» ohşaş şeirlarniŋ bädiiyligi üstün, tili ravan bolup, şair täpäkküriniŋ näqädär çoŋqur ekänligini ispatlaydu.
Şair yänä insanlardiki illätlärni paş qilidiğan, mahtisa huş bolidiğan, tänqitlisä säprayi šrläydiğan, ğevätçilik, häsäthorluq, şšhrätpäräslik, ärizhorluqqa räddiyä beridiğan, bir qatar şeirlarni yezip, qäläm küçini sinap kšrdi vä muvapäqqiyät qazandi. Şu җümlidin, «Һäqni äylisä izhar» namliq şeirini:
«Bu işiŋ hatağu, ukam» – däp qoysam
Säprayi qaynidi aççiqtin-aççiq.
«Äqilliq, märdanä, märt» däp mahtisam,
Beşidin quyuldi alämçä şatliq, – däp başlap, ahirida:
Kam yerini yoputup, yahşi degändä,
Risqiliq bolimän, bolsammu üzsiz.
“Mahtaşni yaqturmas bar” desä yärdä,
Asmanda ay tohtap, külidu sšzsiz, – degän misralar bilän mahtançaqniŋ äpti-bäşirisini eçip beridu.
«Märgän ekänsän» şeirida kšrälmäs, häsäthorniŋ qiyapitini mahirliq bilän täsvirlisä, «İnimğa җavap» şeirida, ğevätçi Maymunämniŋ lirik qährimanni yamanlap: «Seni undaq dedi, mundaq dedi. Külsäŋ – hoşamätçi, maŋsaŋ kšrälmäs däydu, külüp ayallarğa baqsaŋ, yenik müҗäz däydu. Bu qandaq bolğini aka?» degän inisiniŋ soaliğa akisi mundaq җavap beridu:
– Desimu ukam, qilmiğin eräŋ,
Bälki talay aŋlarsän alda.
Һazir qançä šç bolsa hädäŋ,
Şunçä amraq edi bir çağda.
Şairniŋ äsärliriniŋ mäzmuni çoŋqur, mavzusi hilmu-hil.Uruş häqqidimu, balilar toğriliqmu şeir yazdi. Kitaplarni çiqardi. Bolupmu balilarğa beğişlanğan şeirliriniŋ tärbiyäviy ähmiyiti zor. İlimğa mayil bolğan här bir oquğuçiniŋ çoqum hayatta çoŋ utuqlarğa yetip, istiqbali roşän bolidiğanliğini pändi-näsihät bilän ämäs, vaqiälik qilip yezip, säbilärniŋ psihologiyasini şularniŋ tilida eçip beridu. Bu şeirlarni oquğan yaş šsmürlär zerikmäy, äksiçä qiziqip oquydu. «İkki dost», «Җüҗäm», «Mšşük vä tohular», «Mšşügim vä küçügim», «Җahalättin – saadätkä» ohşaş şeir vä tämsilliri äynä şular җümlisidindur.
Poema – şeiriyättiki çoŋ äsär, u lirikiliq vä epikiliq halda yezilidu. Şeiriy tilda lirikiliq hissiyatlarğa bay, gšzäl ohşitiş, jilvikar mänzirilär bir-birigä zänҗirsiman bağlinip kätkän vaqiälär ipadilinidu. Kšpinçä qäläm sahibiliri, iҗadiyät yolida täҗribä toplap, qälimi štkürläşkändä bu janrğa muraҗiät qilidu. Һeziz Һezimovmu bu sahada qäläm tävritip, birqançä poemilarni yazdi. «Çariğan çinar», «Kšp kütkän toy» ohşaş poemiliri moşu janrğa qoşulğan munasip äsärlärdur. «Çariğan çinar» (şahariğan çinar) poemisi štkän äsirniŋ ottuzinçi jilliri häm uruş vaqtidiki uyğur yezilirida yüz bärgän vaqiälär asasida yezilğan bolup, Һüriyät bilän traktorçi Adil arisidiki pak muhäbbätni küyläydu. Uruşta Adilniŋ qaza bolğanliği toğriliq yezilğan qara hät Һüriyätniŋ beşiğa qayğu-aläm elip kelidu. U barliq eğirçiliqlarğa bärdaşliq berip, ikki oğlini yahşi tärbiyläydu. Dostlarğa yardäm qolini sozuş, jutniŋ ihtisadini kštiriştäk äsär qährimaniniŋ aliy päzilitini namayän qilidu. Vaqiälär päydin-päy tädriҗi täräqqiy qilip, oqurmänniŋ qälbidä ularğa bolğan sämimiy hissiyat qozğaydu. İkkinçi poemisimu uruştin keyinki ikki yaşniŋ täğdirigä beğişlanğan. Egilikni tikläş, aliy mälumat eliş, vätängä, hälqigä hizmät qilişniŋ şäräplik ekänligini qiziqarliq, işäşlik vaqiälär bilän bayan qilğan. Män poemilarniŋ vaqiäligigä, bädiiyligigä, yeziliş usuliğa kšp tohtalmidim. Çünki bu šz dävridä tegişlik bahasini alğan.
Meniŋ hiyalim çaräk äsir ilgärki vaqiälärgä kätti. 1989-jili avgust aylirida ustazimni Çeläktä kšrüp qaldim. U tolimu eğir besiq, kamsšzlük bolup, kšzliridä muŋ jilvilinip turatti. Mundaq boluşini zamandaş qälämdaşliri Җamalidin Bosaqov, Һezmät Abdullin, İliya Bähtiyağa ohşaş aka vä buradärliridin ayrilip qalğanliğidin, däp җoridim.Uni 60 yaşliği bilän täbriklidim. Keyin ikkimiz «Ämgäk tuği» gezitiniŋ tähriratiğa kälduq. Bizni җavapkär katip, şair Mähämätҗan Һapizov qizğin kütüvaldi. Üçimiz gezitniŋ baş muhärririgä kirduq. U kişi şair akini sämimiy qarşi aldi vä Mähämätҗanğa şairniŋ iҗadiy paaliyitini yorutuş üçün bät täyyarlaşni tapşurdi. Ustaz akimiz buniŋğa bäkmu razi boldi. Uniŋğa şairniŋ iҗadi vä ämgäk paaliyitini yorutidiğan Mähämätҗan Һapizovniŋ maqalisi, meniŋ beğişlimam, şairniŋ iҗadidin nämunilär berildi. Kšp štmäy Bayseyit yezisiniŋ klubida çoŋ täntänä štti. Jiraq yeqindin uniŋ tuqqan-qerindaşliri, dost-buradärliri, mätbuat väkilliri, mämuriyät väkilliri qatnaşti.
Bir çağda «Bartoqay» sovhozi işçilar komitetiniŋ räisi Gülpäm Mämätova meni çaqirip,
– Äkräm aka, Һeziz akam häqqidä palançi (ismini yazmidim) aka doklad qilmaqçi ekän. Nemä säväptindu, bilmidim, u kälmäptu. Ändi nemä qilimiz moşuniŋğa mäslihät bärgän bolsiŋiz, – däp qaldi.
Biz oltirip, programma tüzduq. «Kommunizm tuğiniŋ» bšlüm başliği şair İlahun Җälilovtin doklad qilişni iltimas qilduq. U kelişti. Täntänä nahayiti qizğin, mäzmunluq štti. Şair ailisi mehmanlarğa käŋ dästihan yaydi. Ziyapättin keyin, meni yeniğa çaqirivalğan Һeziz aka ikki qolumdin tutup:
– Seniŋdäk şagirtim bolğanliğiğa razimän! – degän edi külümsiräp. Mänmu:
– Sizdäk ustazim bilän pähirlinimän, – dedim.
Һäqiqätänmu şairniŋ şagirtliri qatariğa šzämnila ämäs, Җämşit Rozahunov, Abdumeҗit Dšlätov, Abduqeyim Räşid, Mähämätҗan Һapizovlarnimu qoşsam hatalaşmaymän.
Һär qandaq ayal zatiniŋ yazğuçi, şairlarniŋ ävrişim müҗäzigä yandişişi, maslişişi natayin. Uniŋ balilarçä qäğişligigä, iҗat üstilidä oltarğanda, haniniŋ zerikärlik җim-җitliğiğa kšnüş –qährimanliq däp oylaymän. Şair akimizni šmürlük yoldişi Zilämhan hädä Һasamdinova, šsmürlük päytidin tartip ädipniŋ ahirqi künlirigiçä hämra bolup, şatliğiğa şatlinip, qayğusiğa ortaqlişip štkän insandur. Uniŋ latapätlik qiyapiti, ipäktäk müҗäzi vä soğulmas mehri, җapaliq äҗri tüpäyli ädip šz çoqisidin kšründi. Ular bir šmür inaq yaşap, Һakimҗan, Rehimbüvi, Alimҗan käbi üç pärzäntni šstürüp, älgä yaramliq qilip tärbiyilidi vä oqutti. Һädimiz bizgä šz vaqtida biologiyadin däris bärgän. Uniŋ bilimi çoŋqur, eğir besiq, šzigä häm şagirtliriğa bolğan täläpçanliği zor edi. Uzun jillar yaş ävlatqa süpätlik bilim berip, milliy maaripimizniŋ täräqqiyatiğa salmaqliq ülüş qoşqan pedagog. Äşundaq işäşlik häm sadiq mäzlumi bolğan şair iҗadiyät yolida muvappäqiyät qazinalidi. Bügünki kündä 80din alqip, hšrmätlik däm elişta jürgän hädimiz, känҗä oğli, nävriliri bilän şat-şadiman, hatirҗäm hayat käçürmäktä.
Äpsus, şair, tärҗiman ustazim 1990-jili 8-avgust küni, 61 yeşida eğir ağriqtin keyin kšz jumdi. U şeiriyätkä ahirqi dämlärgiçä sadiq boldi. Ädäbiyat asminidin bir yultuz kšçti. Җan hälqidä turğan çağda äl-jut, qerindaş, dostlar bilän vidalişiş mäzmunidiki, monu tšrtlikni yezip qaldurdi:
Tenimğa sançildi çaridäk yara,
Һeç qudrät kirälmäs šmrümgä ara.
Tamçilap jiğilğan qenim yeyildi,
Hoş eytar päyt käldi yoruq duniyağa.
Äziz ustaz baqiğa säpär çäkti. Lekin uniŋ ijadiyiti – ikkinçi šmriniŋ davami. Şair hatirisigä ädäbiy käçlär štküzüldi, ismi ädäbiyläştürülüp, Bayseyit yezisiniŋ šzi yaşiğan bir koçisi uniŋ namida ataldi. Äpsuski, keyinki on jil içidä uniŋ ismini kam ataydiğan bolduq. 85 jilliq tävälludinima kšŋüldikidäk štküzälmiduq. 90 yaşqa tolğiniğima 6 aydin aşti. Һeçkimniŋ ädip häqqidä oylimasliği bäk eçinarliq. Һazirmu käç ämäs. Mana biyil uniŋ vapatiğa 29 jil, tuğulğiniğa 90 jil toluptu. Bu sänäni jutdaşliri, mäktäp kollektivi, җümlidin uyğur җamaiti käŋ dairidä nişanlap štüşi lazim däp oylaymän. Uniŋ tallanma äsärlirini yoruqqa çiqiriş – bügünki ävlatniŋ qärzi häm pärzi.

Äkräm SADİRİY,
Qazaqstan Yazğuçilar İttipaqiniŋ äzasi.

SÜRÄTTÄ:Һ.Һezimov (1-qatarda soldin birinçi) bir top uyğur ziyaliliri bilän.

Bälüşüş

Javap qalduruŋ