Yeza egiligi hadimliri bilän uçraşti

0
44 ret oqıldı

Raşidäm RÄҺMANOVA,
«Uyğur avazi»

Ämgäkçiqazaq nahiyäsi – Almuta vilayitidiki äŋ çoŋ agrarliq region bolup hesaplinidu. Ötkän jili nahiyädä 103 milliard täŋgilik yeza egiligi mähsulati işläp çiqirildi. Bu uşbu sahağa bolğan alahidä ğämhorluqniŋ nätiҗisi, älvättä. Yeqinda Qazaqstan Җumhuriyiti Parlamenti Mäҗlisiniŋ deputatliri Sapar Ahmetov, Serik Qusayınov, Murat Temirjanov vä Sergey Zvol'skiy nahiyäniŋ bir türküm okruglirida bolup, yeza egiliginiŋ paaliyiti bilän tonuşti.
Deputatlar Yeŋişär okrugidiki «Adal» aktsionerlik җämiyiti, Paltivaydiki «Stepnoy Holm» vä Türgän yezisidiki «Türgen JAF» җavapkärçiligi çäklängän yoldaşliqlarda boldi. Ularğa Nur Otan partiyasiniŋ Almuta vilayätlik şšbisi räisiniŋ orunbasari Gülnar Toylıbaeva, Ämgäkçiqazaq nahiyäsiniŋ hakimi Binäli Isqaq, Ämgäkçiqazaq nahiyälik mäslihätniŋ kativi Beket Ahmetov, Nur Otan partiyasi Ämgäkçiqazaq nahiyälik şšbisi räisiniŋ birinçi orunbasari Quat Bayğodjaev hämra boldi.
«Adal» AҖ agro işläp çiqiriş mähkimisi prezidentiniŋ mäslihätçisi Kerimtay Abdrahmanov mehmanlarni qarşi elip, etiz şaŋlirini arilatti. «Adalniŋ» bäş miŋ gektardin oşuq yeri bar. Biyil 1477 gektar yärgä kšmüqonaq deni çeçildi. Küzdä 10 miŋ tonnağa yeqin mähsulat eliş mähsät qilinmaqta. 295 gektarğa soya terilgän. Kerimtay Taŋatarulı šzini oylandurup jürgän mäsililärgimu tohtaldi. Äŋ muhimi – subsidiya mäsilisi. Uniŋ eytişiçä, yeza egiligimähsulatlirini subsidiyalaşqa kiçik dehan egilikliri turmaq, çoŋ korporatsiyalarmu qol yätküzälmäyvatidu. Deputatlar bu yšniliştä mäsiliniŋ qarilivatqanliğini yätküzüp, täläp-tiläklirini hät arqiliq yollişini iltimas qildi. Andin häliq väkilliri yoldaşliqniŋ fermisini arilidi. Bu yärdiki malniŋ besim kšpçiliginiŋ seğin siyirlar täşkil qilidu. İtaliyaliq ülgidä җabduqlanğan fermida härbir siyir künigä ottura hesap bilän 26 litr süt beridu. «Gol'ştın» siyirliridin 33 litrğiçä süt elinidu. Siyirlarni seğiş avtomatlar arqiliq ämälgä aşurulidu. Yeŋi tuğulğan mozaylar bilän seğin siyirlar alaytän qoralarğa orunlaşturulğan. Fermida seğilğan süt därhal süt zavodiğa ävätilidu. Deputatlar zavodnimu kšrüp, uniŋ paaliyiti bilän tonuşti. Zavod mudiri Gülşat Muhamedjanova toluq avtomatlaşturulğan zavodtiki qaidilär bilän tonuşturdi. Barliq süt laboratoriyadä täkşürüştin štkändin keyin zavodqa yätküzilidu. Mähsus stanoklarda qaynitilip, süt, irimçik, qetiq vä qaymaq mähsulatliri işläp çiqirilip, qaçilinidu. Andin dukanlarğa yätküzilidu. Zavodbir kün turup, bir kün işläydu.Tävligigä 110-120 tonna mähsulat işläp çiqiridu. Eytmaqçi, zavod yärlik turğunlardinmu süt qobul qilidu.
Paltivay okrugidaÇoŋ Almuta kanaliniŋ yeniğa җaylaşqan «Stepnoy Holm» ҖÇY buniŋdin birnäççä jil ilgiri işqa qoşuldi. Şuniŋdin beri onliğan adämlär bu yärdä turaqliq iş bilän täminlänmäktä. Yoldaşliqtiki teplitsilar Җänubiy Koreya tehnologiyasi bilän selinğan. Mäydani – 1 gektar. Teplitsilarda tärhämäk šstürülidu. Buniŋdin taşqiri yoldaşliq 100 gektar yärdä intensivliq alma beğini bärpa qildi. İtaliyaniŋ ilğar tehnologiyaliri ülgisidä evropiliq «Golden Delişes», «Grenni Smit», «Gala» vä «Fudji» alma sortliri tikilgän. Bağ tamçilitip suğirilidu.Һär gektardin 18-20 tonna mähsulat eliş – yoldaşliq rähbärliriniŋ nişani. 2017-jili 3800 mähsulat saqlaydiğan qoyma işqa qoşuldi. Һazir uniŋda yoldaşliq mähsulatidin başqa elimizniŋ җay-җayidin kälgän yäl-yemişlarmu saqlinidu. Uşbu layihä 2016-jili qolğa elinğan. «Stepnoy holm» ҖÇY yäl-yemiş vä kšktatlar bilän elimizniŋ barliq regionlirini täminläydu. Şundaqla çät ällärgä eksportqa ävätidu. Deputatlar mähkiminiŋ paaliyitigä iҗabiy bahasini berip, işiğa utuq tilidi.
«JAF Türgen» ҖÇY agrofirmisi 20 gektar yärdä funduk vä grek yaŋiğini pärviş qilidu. Kšçätlär Evropidin kältürülgän. Bu yärdimu tamçilitip suğiriş yolğa qoyulğan. Layihäniŋ bahasi – 100 million täŋgä. Mähkimä rähbiri Mänşük Jeksembekovaniŋ eytişiçä, biyil tamçilitip suğiriş sistemisiniŋ su saqlaş basseyniniŋ qurulişi ayaqlişip, toluq işqa qoşuluptu. Keyinki jili yaŋaq mevä berişi keräk. Һazir bu yärdä üç adäm işläydu. Һosul jiğiş mävsümidä 30adäm iş bilän täminlinidiğan bolidu.
Ämgäkçiqazaq nahiyäsidä yeza egiligi sahasiniŋ ilğar tehnologiyalarniŋ yardimi bilän täräqqiy etivatqanliğiğa kšz yätküzgän deputatlar nahiyä keläçiginiŋ zor ekänligigä işinidiğanliğini bildürdi.

Ämgäkçiqazaq nahiyäsi.

***

Gšhärbüvi İSMAYİLҖANOVA,
«Uyğur avazi»

Yeqinda Qazaqstan Җumhuriyiti Parlamenti Mäҗlisiniŋ bir top deputatliri Panfilov nahiyäsigä qädäm täşrip qildi.
Deputatlar topi bilän hakimiyätniŋ mäҗlis zalida štkän uçrişişqa nahiyälik yeza egiligi bšlüminiŋ mutähässisliri bilän şähsiy dehan egilikliriniŋ rähbärliri qatnaşti. Uçrişişqa riyasätçilik qilğan nahiyä hakiminiŋ orunbasari Şšhrät Qurbanov dehançiliq bilän çarviçiliq nahiyä ihtisadiniŋ muhim sahaliri ekänligini täkitlidi. Şundaqla tävä dehanliriniŋ yeŋi ilğar tehnologiyalar bilän ilğar täҗribilärni җariy qilip, yärniŋ hosuldarliğini aşuruşni mähsät qilğan halda ämgäk etivatqanliğini eytti. Şuniŋdin keyin Qazaqstan Җumhuriyiti Parlamenti Mäҗlisiniŋ ihtisadiy islahät vä regionliq täräqqiyat komitetitiniŋ äzasi Sapar Ahmetov, agrarliq mäsililär boyiçä komitetiniŋ äzaliri Sergey Zvol'skiy, Murat Temirjanov, maliyä vä byudjet komitetiniŋ äzasi Serik Qusayinov, Nur Otan partiyasi Almuta vilayätlik şšbisi räisiniŋ orunbasari Gülnar Toylıbaeva saha boyiçä dehanlar bilän sämimiy pikirlişiş arqiliq utuqlar bilän billä ayrim mäsililärniŋ moҗut ekänliginimu tilğa aldi.
Öz novitidä yarkäntlik dehan egilikliriniŋ rähbärliri Tasqin Japarqul, Äzken Käripjanov, Älen Joldasov vä başqilar häliq väkillirigä dehanlar duç kelivatqan bügünki künniŋ muämmaliri häm iҗtimaiy mäsililär boyiçä pikir-täklipliri bilän ortaqlaşti.
Şuniŋdin keyin deputatlar Qorğas häliqara hämkarliq märkizini, «Altınkšl» tšmür yol stantsiyalirini arilidi.
Deputatlar bilän uçrişişlarda Nur Otan partiyasi Panfilov nahiyälik şšbisi räisiniŋ orunbasari Qanat Dosmayilov hämra boldi.

Panfilov nahiyäsi.

Bälüşüş

Javap qalduruŋ