Keläçigidin ümüt zor

0
34 ret oqıldı

Sabiräm ÄNVÄROVA,
«Uyğur avazi»

Bala ata-aniğa qarap šsidu. Şuŋlaşqa bolsa keräk, muällimlär ailisidä šskän balilar muällimlik käsipni, dohturlar ailisidä šskän balilar dohturluq käspini talliğan ähvallar kšpläp uçrişidu. Bügün biz mana şundaq ata-anisiniŋ izini bastqan sän°ätkar jigit Rufat Säydalimov (sürättä) häqqidä eytip štmäkçimiz.
Rufat Säydalimov baharliq sän°ätkarlar Tiläpҗan Molotov bilän Gülçehrä Känҗaevalarniŋ ailisidä duniyağa käldi. Ata-anisi 1979-jildin 1989-jilğiçä nahiyälik «Arzu» ansamblida hizmät qildi. Atisi Tiläpҗan 1989-jildin bügünki küngä qädär Bahar yeziliq klubiniŋ yetäkçisi bolup işlävatidu. Molotovlar ailisidä üç oğul. Yänä kelip här üçilisi sän°ät yolini talliğan.
– Äsli mäktäptin keyin programmist vä meditsina hadimi mutähässisliklirini egiligän bolsammu, nahşa-saz meniŋ jürigimgä yeqin bolğaçqa, ata-anamniŋ basqan izini davam qiliş qarariğa käldim. Şundaq qilip, 2018-jilniŋ mart eyidin başlap nahiyälik «Arzu» ansambliğa işqa qobul qilindim, – maqalimiz qährimani sšhbitimiz davamida.
Uşbu bir yerim jilniŋ içidä çoŋ-kiçik sähnidä hünär kšrsitip, qabiliyiti bilän kšzgä çüşüp jürgän sän°ätkar jigit Rufat Tiläpҗan oğli sän°äthumar hälqimizniŋ issiq inkasiğa erişmäktä. Tehi yeqinda u Taldiqorğan şähiridä “Birligimiz jarasqan” forumi dairisidä uyuşturulğan «Öz elim» vilayätlik vokalliq-horeografiyalik konkursiğa Uyğur nahiyäsigä vakalätän qatnişip, «Än salu» nominatsiyasi boyiçä İ däriҗilik diplom häm televizor bilän mukapatlandi. Vilayätniŋ här täväsidin jiğilğan 32 qatnaşquçiniŋ içidä qazaq hälqiniŋ «Qazaq eli» nahşisini iҗra qilip, birinçilikni qoldin bärmigän uyğur jigitiniŋ utuği mahtaşqa layiq, älvättä.
Sän°ät yolida tonulup kelivatqan Rufat Säydalimovniŋ keläçigidin jutdaşliri vä ata-anisi çoŋ ümüt kütidu. Bizmu uniŋ keläçäktä tehimu çoŋ çoqqilardin kšrünidiğanliğiğa işinimiz.

Uyğur nahiyäsi.

Bälüşüş

Javap qalduruŋ