Qazaqstanliq ülgä jilnamisi

0
163 ret oqıldı

Paytähttä Qazaqstan Җumhuriyitiniŋ Tunҗa Prezidenti Nursultan Nazarbaevniŋ Qazaqstan hälqiniŋ birligini täminläş boyiçä paaliyitigä beğişlanğan “Elbası vä häliq” kitavi tonuşturuldi.

Kitapni Qazaqstan hälqi Assambleyasi çiqardi. Uniŋ mähsiti җämiyätlik razimänlik vä umummilliy birlikniŋ Qazaqstan ülgisiniŋ qandaq şäkilängänligini, küçäygänligini vä mukämmälläştürülgänligini kšrsitiştin ibarät.
Nursultan Nazarbaevniŋ 1995-jildin tartip 2019-jilğiçä QHA sessiyaliridiki nutqi 360 bätlik näşirniŋ nurğun qismini egiläydu vä uniŋ “jürigi” bolup hesaplinidu. Çünki näq moşu çarä-tädbirlärdä Tunҗa Prezident här qaçan mämlikät hälqini umumqazaqstanliq grajdanliq birlikni şäkilländürüşkä, җipsilaşturuşqa, җämiyättä teçliq vä razimänlikni saqlaşqa nişan qilinğan yeŋi ideyalär bilän sšzgä çiqip, ähmiyätlik täşäbbuslarni otturiğa qoyğan edi.
Kitapniŋ başqa qisimliriğa Elbasıniŋ säpdaşliri, QHA äzaliri, etnomädäniyät birläşmiliriniŋ rähbärliri uniŋ toğriliq yazğan materiallar orunlaşturulğan. Bu yärdä Tunҗa Prezidentniŋ häm millätlärara munasivätlär sahasidiki paaliyitini vä uniŋ säyasitini tählil qilidiğan maqalilar, häm Nursultan Nazarbaev Dšlät rähbiri vakalitini saqit qilğandin keyin päyda bolğan minnätdarliq sšzliri vä hatirilär yezilğan şähsiy mätinlär bar. Şundaqla näşir türlük jillarda çüşirilip, kitapniŋ namini açidiğan nurğunliğan fotosürätlär bilän toluqturulğan.
Qazaqstan hälqi Assambleyasiniŋ yeŋi näşirni tonuşturuş märasimi Qazaqstan Җumhuriyitiniŋ Tunҗa Prezidenti – Elbası kitaphanisida štti. Çarä-tädbirgä QHA Räisiniŋ orunbasari – Prezident Mämuriyiti Qazaqstan hälqi Assambleyasi Kativatiniŋ mudiri Janseyit Tüymebaev, Qazaqstan Җumhuriyiti Parlamenti Mäҗlisi räisiniŋ orunbasari Vladimir Bojko, mädäniyät vä sport ministri Aqtotı Rayimqulova, yazğuçi Mırzatay Joldasbekov, QHA Räisiniŋ orunbasari Şerzod Pulatov, Elbası Kitaphanisi mudiriniŋ orunbasari Küläyşa Aqtaeva vä başqimu nurğunliğan dšlät vä җämiyät ärbapliri, alimlar qatnaşti.
Janseyit Tüymebaev “Elbası vä häliq” kitavini tählil qilip, uni “җämiyätlik razimänlik vä umummilliy birlikniŋ qazaqstanliq ülginiŋ şäkillinişiniŋ, mustähkämlinişiniŋ vä täräqqiy etişiniŋ täpsiliy jilnamisi” däp atidi.
– Teçliq vä razimänlik äŋ baştin tartipla pütkül dšlät säyasitiniŋ asasini täşkil qildi, iҗtimaiy-ihtisadiy vä säyasiy islahatlarni ämälgä aşuruşniŋ şärti boldi. Şuni täkitligüm keliduki, QHAniŋ quruluşi šzligidin mämlikät tarihidiki muhim turaqlaşturğuçi amil boldi, – däp täkitlidi QHA Räisiniŋ orunbasari.
U kitapta QHAniŋ konsul'tativ-mäslihät orginidin umummilliy dialog mäydaniğa aylanğanliğiniŋ, mämlikät täräqqiyatiniŋ härbir yeŋi basquçida Assambleya väzipiliriniŋ šzgirip, uniŋ roliniŋ šskänliginiŋ, moşu muhim qurulumniŋ izçil täräqqiy ätkänliginiŋ oçuq kšrsitilgänligigä diqqät ağdurdi. Yeŋi kitap şundaqla Nursultan Nazarbaevniŋ teçliq vä razimänlikniŋ qazaqstanliq ülgini şäkilländürüş boyiçä ämälgä aşurğan çoŋ näzäriyäviy işini namayiş qilidu.
Janseyit Tüymebaev şundaqla Elbası dokladliriniŋ här qaçan eniq bolğanliğini, ändi birlik vä razimänlikni mustähkämläş mäsililiriniŋ ularda umummilliy quruluş väzipiliri bilän bağlaşturulğanliğini atap kšrsätti.
– Kitap kšrnäklik säyasätçilärniŋ, ekspertlarniŋ, Qazaqstan hälqi Assambleyasi äzaliriniŋ, etnomädäniyät birläşmiliri rähbärliriniŋ izahätliri bilän toluqturulğan. Bu näşirni bügünki künniŋ muhim väzipilirigä toluq yeqinlaşturidu, – däp qoşumçä qildi QHA Räisiniŋ orunbasari.
“Elbası vä häliq” kitavini tonuşturuş märasimida şundaqla mädäniyät vä sport ministri Aqtotı Rayimqulova, Qazaqstan Җumhuriyiti Parlamenti Mäҗlisi räisiniŋ orunbasari Vladimir Bojko sšzgä çiqip, yeŋi kitapniŋ mämlikitimizdä QHA ohşaş institutniŋ päyda boluş säväpliri bilän şärtlirini üginiş quraliğa aylinidiğanliğini täkitlidi.

Bälüşüş

Javap qalduruŋ