Mäğlubiyättin pursät izdäŋ

0
37 ret oqıldı

Ätrapimizdiki adämlärniŋ lävzidin «häp, mundaq qilsam boptekän», «mundaq qilsam tehimu yahşi bolattekän» degän gäplärni pat-pat aŋlap turimiz. Җämiyättä mäğlup boluş, ziyan tartiş yaki zärdap çekiştin heçqaysimiz istisna ämäs. Kšpçiligimiz muväppäqiyät qazanğanlarniŋ täҗribilirini aŋlaşqa, ularniŋ muväppäqiyät qaziniş yolidiki basqan qädimini, qälbimizni hayaҗanğa selip, iradimizni küçäytidiğan, belimizni mäkkäm bağlaşqa yetäkläydiğan iş-izlirini bilişkä qiziqimiz. Lekin mäğlup bolğanlarniŋ yaki ziyan tartqanlarniŋ käçürmişlirini tiŋşaşni halimaymiz. Yäni ularniŋ mäğlubiyitini aŋlaşni vaqit israpçiliği däp çüşinimiz. Amma ämäliyatta mäğlubiyätkä uçriğanlar hayatiniŋmu biz üçün çoŋ savaq, muväppäqiyätkä dävät qilidiğan bir pursät ekänligi häqqidä untimasliğimiz lazim. Buniŋğa härhil sahalarda utuq qazinip, isimliri alämgä mäşhur bolğan kšpligän adämlärniŋ hayat yoli ispat bolalaydu.
Moşu yärdä şuni işäşlik eytişqa boliduki, hayatta mäğlubiyätkä uçraş ançila qorqunuçluq iş ämäs. Gäp bizniŋ uniŋğa qandaq muamilä qilişimizda, yüzlinişimizdä häm uniŋdin pursät tepişimizda, halas. Biz birär işni başliğinimizda, ägär mäğlup boluş ehtimali 99 payiz, ğälibä qiliş ehtimali 1 payiz bolsa, äynä şu 1 payizdin ünümlük paydilinişni bilginimiz ävzäl. Moşuniŋ šzi bizniŋ ğalibiyitimizgä zämin yaritişi ehtimaldin jiraq ämäs. Mundaq päytlärdä šzimizgä işäşlik bolup, eğirçiliq-sinaqlardin qorqmay, ularğa bärdaşliq berişimiz, ilgärki mäğlubiyätlirimizdin toğra yäkün çiqirip, härikät qilişimiz äqilgä muvapiqtur.

Bälüşüş

Javap qalduruŋ