Ata-aniğa qarap pärzänt šsidu

0
21 ret oqıldı

Millitimiz väkilliri arisida ussul
şäydaliri yetärlik, amma balet artistliri nahayiti az. «Almuta gšzili – 2019» konkursida mukapatliq orunlarniŋ birini egiligän uyğur qizi Sabina Qurbanovaniŋ näq şu sän°ät türigä munasivitiniŋ bar ekänligini aŋliğinimda, meniŋdä uniŋ bilän sšhbätlişiş istigi päyda boldi. Bähtimizgä، Sabina Almuta şähiriniŋ Sultanqorğan mähällisidiki uyğur җamaätçiligigä yahşi tonuş، yeqindila «Äla-Sultanqorğan» җämiyätlik birläşmisiniŋ räisi bolup saylanğan Kärimҗan Qurbanovniŋ qizi bolup çiqti. Kärimҗan Qurbanov boks boyiçä Keŋäş İttipaqiniŋ hizmät kšrsätkän mäşiqländürgüçisi, sportqa çäksiz muhäbbät bağliğan insan. Fizkul'tura institutida tähsil kšrüvatqan štkän äsirniŋ 80-jilliri İttipaq dairisidä boks boyiçä türlük-tümän musabiqilärgä turaqliq qatnişip kälgän Kärimҗan Qurbanov šz salmaq kategoriyasi boyiçä Qazaqstan çempioni atiğiğa erişkän ekän. Kärimҗan Qurbanov bilän bolğan däsläpki uçrişişimiz šzi salğan sport zalida štti.
– Başqa millät väkilliridin bolğan dostlirim: «Adämlär zamanğa yarişa kafe, restoran, dukanlarni selivatqan çağda bizniŋ Kärimҗan sportzalini tikligän uyğurdä» däp häzillişidu. Män ularğa: «Sportsiz hayatimni qiyas qilalmaymän» däp җavap berimän. Mana bu zalda hazir 30ğa yeqin yaş šsmür mäşiqlinivatidu. Ömürlük җüptüm Risalät bilän Madina, Dilmurat, Sabina isimliq ikki qiz bir oğul tepip, ularni җämiyätkä yaramliq insanlardin qilip tärbiyiliduq. Sabina – ailimizniŋ känҗisi. ھelimu yadimda, 5–6 yaş vaqitlirida uni fortep'yano ügitidiğan mäktäpkä bärdim. Özäm sportçi bolğanliqtin, bir künümmu härikätsiz štmäydu. Şuŋlaşqa qizim 9 yaşqa tolğanda, uniŋmu kšp härikät qilişini halidim. Ağinäm, tonulğan horeogrof Tayir Baratovni šygä täklip qilip, šz ara mäslihätlişip, Sabinani Almuta horeografiya mäktividä oqutuşni qarar qilduq. Keyin qizim šz küçi bilän horeografiya uçeliöesiğa oquşqa çüşüp, mäzkür bilim därgahini muvappäqiyätlik tamamlidi.
Balet duniyasida işäşlik qädäm taşliğan Sabinaniŋ mäniviy duniyasiğa bir näzär ağdurmaqçi bolup, uniŋğa bir näççä soal bilän muraҗiät qilduq:

– Sabina hayatniŋ mäzmun-mänisi nemidin ibarät däp oylaysiz?
– Meniŋçä، ata-anamniŋ، yeqinlirimniŋ aman-esän yenimda jürgini vä šzäm sšygän käspim bilän şuğullinişim – şähsän meniŋ üçün hayatimniŋ mäzmuni bolup hesaplinidu. Män horeografiya uçiliöesiniŋ 2-kursida oquvatqan vaqtimdila «Astana balet» teatri işqa täklip qildi. Oylap kšrüŋ، šydin jiraqqa kätmigän 16 yaşliq qiz üçün ata-anisidin jiraq, natonuş şähärdä turup işläş qançilik mäşäqätlik. Uniŋ üstigä elimiz paytähtidä bizniŋ heç qandaq uruq-tuqqanlirimizmu yoq edi. Ätigändin käç kirgiçä teatrda – qoyulumlar üstidä işläş، repetitsiya häm mäşiqliniş bilän künimiz štätti. Käç kirgändä biraqla šygä kelättuq. Almutida bolğan vaqtimdimu käçqurun zadila koçiğa çiqmattim. Çünki vaqitni boş štküzüşni šzämmu, ata-anammu halimatti. Astanada turup işlävatqan çağda män duniyada hämmidin äziz ata-anamniŋ، qom-qerindaşlirimniŋ qädir-qimmitini tehimu çoŋqur his qildim. Dadam bilän apam meni dayim yoqlap turatti. ھätta biz gostrol'luq säpärgä çiqqan şähärlärgimu berip, män iştrak qilğan qoyulumlarniŋ tamaşibini bolup, kšŋüllük käypiyatta Almutiğa qaytatti. ھelimu yadimda, teatr kollektivi Çimkänt, Taraz şähärliridä gastrol'da bolğinida tamaşibinlar oltarğan zalda ata-anamni kšrüp beşim kškkä yätkän edi. Qizi qatnişivatqan balet qoyulumini kšrüş üçün Qazaqstanniŋ härqandaq şähirigä yetip kelip, maŋa rohiy mädät berätti. Män mundaq päytlärdä qanatlinattim. Siz sorimaqçi bolğan hayatniŋ mäzmun-mahiyiti äynä şundaq esil däqiqilärdin tursa keräk.
– Siz hayatta daŋliq birär şähsniŋ ihlasmänimu yaki, çüşinişlik qilip eytqanda, qaysi ataqliq şähskä ohşiğiŋiz kelidu?
– Män šzäm üçün ata-anamdäk daŋliq şähs bu duniyada yoq däp hesaplaymän. Ägär ata-anamğila ohşaliğan bolsam, şuniŋ šzi meniŋ üçün kupayä. Ular maŋa tärbiyä bärdi, oqutti. Män šzämni zamanğa yarişa tärbiyä kšrgän, bilim alğan şähs däp hesaplaymän. Bu, älvättä، ata-anamniŋ bala tärbiyiläştiki bebaha äҗriniŋ nätiҗisi.
– Andaqda ata-aniŋizniŋ qandaq hislätliri sizdä muҗässämlängän?
– Bayqişimçä، dadamniŋ sportçiğa has qät°iyligi, iradisi meniŋda bardäk. Çünki mänmu aldimğa qoyğan mähsitimgä yätmigiçä، şu nişanni beqindurmiğiçä härgiz artqa qaytmaymän. Çekinişni turaqsizliq bilän iradisizlikniŋ kšrünüşi däp bilimän. Ändi apamniŋ mehrivanliği bilän siliq-sipayiliğinimu maŋa siŋgän däp eytişqa bolidu.
– Sportniŋ qaysi türini yaqturisiz?
– Baletqa ohşaşliği bar elementlarni šz içigä alğini üçünmu bädiiy gimnastika kšŋlümgä bäk yeqin.
– Däsläpki ustaziŋiz kim?
– Horeografiya uçiliöesida bilim elivatqan çağda Gülzira Aşimovadin horeografiyaniŋ qir-sirlirini ügändim. Gülzira Akimqizi nahayiti täҗribilik vä täläpçan ustaz süpitidä şagirtliq qälbimdä alahidä orunni egiläydu.
– Sizniŋ yeşiŋizni näzärdä tutup, muhäbbät häqqidä soalni aylinip štkinimiz toğra bolmas.
– Muhäbbät – käŋ dairilik sezim, nisbiy çüşänçä. Duniyağa yaratqan insanlarğa, tuğulğan diyarğa, talliğan mutähässislikkä vä šmürlük yarğa bolğan muhäbbätniŋ härbirini alaytän qaraşturğan durusmekin däp oylaymän. Sizgä monu bir vaqiäni eytip beräy. Män horeografiya vä balet duniyasiğa qädimimni 9 yeşimda taşlidim. Mana 13 jil mabaynida şu duniyaniŋ näpäsi bilän yaşavatimän. Buniŋdin bir az vaqit ilgiri Türkiyadin kelip, balettin tamamän qol üzmäkçi boldum. Ätimalim, aziraq җismaniy vä rohiy çarçaş täsiridin moşundaq oyğa kälgän bolsam keräk. Bir az däm eliştin keyin içki duniyarimda bir boşluq päyda boluvatqinini his qilişqa başlidim. Sezimimğa qulaq salsam, bu baletqa bolğan muhäbbätniŋ avazi ekän. Balet – meniŋ hayatimniŋ mahiyitigä، šmrümniŋ mäzmuniğa aylanğaçqa, uniŋğa bolğan muhäbbät meni härgizmu başqa yaqqa qoyup bärmätti.
Şu çağdila baletsiz hayatimni täsävvur qilalmaydiğanliğimğa eniq kšz yätküzdüm.
– Boş vaqtiŋizda nemä bilän şuğullinişni yaqturisiz?
– Räsim sizişni bäk yaqturimän. Öziŋiz kšrgän dadam mäşiqländüridiğan sport zalidiki räsimlär – meniŋ fantaziyamniŋ mähsulati. Andin türk seriallirini yahşi kšrimän.
– Ahirqi än°äniviy soal: arzu-armanliriŋiz häqqidä eytip bärsiŋiz?
– Meniŋçä، insandiki arzu-armanlarniŋ çeki härgiz bolmaydu. Meniŋ birla arminim – ata-anamniŋ ümüt-işänçisini aqlalaydiğan pärzänt boluş.
– Sšhbitiŋizgä rähmät.
Sšhbätläşkän
Aznat TALİPOV.

 

Tärҗimihal sähipiliridin
Sabina Qurbanova 1997-jili 8-avgust küni Almutida duniyağa käldi. Şähärdiki A.V.Seleznيوv namidiki horeografiya uçeliöesida oquvetip, elimiz paytähtidiki «Astana balet» teatrida üç yerim jil, Qazaqstan җumhuriyitiniŋ dšlät akademiyaliq ussul teatrida bir jildin kšpiräk vaqit ämgäk qildi. Käspiy balet artisti süpitidä šzi paaliyät elip berivatqan iҗadiy kollektiv bilän yeqin vä jiraq çät ällärdä، җümlidin Rossiya, Frantsiya, Avstriya, AQŞ، Koreya, Yaponiya, Vengriya, Äzärbäyҗan älliriniŋ çoŋ-çoŋ şähärliridä šz hünärlirini namayiş qilip, sän°ätniŋ gültaҗisi hesaplinidiğan balet duniyasida yeŋi tonuşlarni tepiş bilän billä، käspiy täҗribisinimu yetildürdi. Sabinaniŋ talantini bayqiğan daŋliq horeogrof vä baletmeyster Bolat Ayuhanov uni šziniŋ teatr kollektivida kšrüşni haliğan ekän. 2019-jili «Miss Almatı – 2019» konkursida «Vitse-miss» nominatsiyasigä erişkän Sabina Qurbanova bügünki kündä T.Jürgenov namidiki Sän°ät akademiyasidä horeogrof-pedagog mutähässisligi boyiçä tälim almaqta.

Bälüşüş

Javap qalduruŋ