Tädbirçan jigit

0
23 ret oqıldı

«Çoŋ bolğanda kim bolisän?» degän soalğa gšdäklärniŋ 70 payizi nemişkä «Başliq bolimän!» däp җavap qayturidu? Sävävi, ata-anilar balilirini kiçigidin «Meniŋ balam çoŋ bolğanda başliq bolidu…» däp mahtap, ändi äqil kirişkä başliğan gšdäklärniŋ eŋiğa «başliq boluşum keräkkän»، degän oyni siŋdürüp qoyidu. Şuŋa, mäktäp tamamliğan yaşlarniŋ täŋdin-tolisi «başliq» bolidiğan käsipni izdäydu. Qoliğa diplom elip, birdin yumşaq kresloda oltirişni arman qilidu.

Sabiräm ÄNVÄROVA,
«Uyğur avazi»

Bügün biz kiçigidin başliq boluşni ämäs, bälki atisi Bavdunğa ohşaş yağaşçi boluşni arman qilğan Mehirdin Şavaev häqqidä sšz qozğimaqçimiz. Mehirdin Bavdunoğli 1991-jili Uyğur nahiyäsiniŋ Tügmän yezisida duniyağa kälgän. U 2008-jili Tügmän ottura mäktivini tamamlap, Almuta yeŋi tehnologiyalär kolledjiniŋ «tehnik-mehanik» fakul'tetiğa oquşqa çüşidu.
– Äslidä، baliliq arminim dadamğa ohşaş yağaşçi boluş edi, – däydu Mehirdin sšhbätara. – Lekin zaman tälivigä muvapiq bu käsipni tallaşniŋ ançä zšrüriyiti qalmidi. Tehnologiyalär täräqqiy ätkän zamanda haҗätlik käsiplärniŋ biri avtoelektrik bolğaçqa, heç oylanmay moşu mutähässislikni tallidim. Rast, yezidin şähärgä berip, kollejda oqup jürgän päytimdä biraz qiynaldim. Biraq asta-asta šz käspimniŋ qir-sirlirini çüşinişkä başliğandin keyin, mutähässislik tallaşta hatalaşmiğanliğimni çüşändim.
Mäzkür bilim därgahini tamamlap täҗribä toplaş mähsitidä ikki jil Almutidiki tehnika җšndäş märkäzliriniŋ biridä häq almay işlidim. Älvättä، şähärdä bekarğa işläp җan beqiş mümkin ämäsqu. Şuŋa, keçisi küzätçilik qilip, äytävir, qolumdin kälgän eğir-yenik oqätniŋ heç qaysisidin baş tartmidim. Nemisini yoşuray, yolumğa ahça tepiş üçün hätta ählät jiğişta işligän künlirimmu boldi. Şundaq qilip, bilimimni mukämmälläştürüş mähsitidä aliy oquş ornida ikki jil sirttin oqup, 2014-jili qolumğa «injener-mehanik mutähässisi» degän diplom aldim. ھäqsiz hizmät qilğan iş ornum ikki jildin keyin meni räsmiy işqa qobul qildi. U yärdä yänä üç jil ämgäk qilip, kšp närsä ügändim.
Mehirdin Şavaevniŋ gäplirini aŋlap, ämgäksšygüç jigitniŋ sunmas iradisigä qayil bolduq. Sšzniŋ rasti, hazir undaq tirişçan häm iradilik yaşlirimiz yoqniŋ ornida. Çünki bügünki yaşlar birär işqa kiriştin aval, alidiğan maaşini soraydu. ھä، Mehirdinniŋ täҗribä toplaş mähsitidä ikki jil häqsiz işligini qährimanliq ämäsmu! Bäş-altä jilliq iş-täҗribisidin keyin Almutidiki tehnika җšndäş märkäzliriniŋ birini iҗarigä elip, šz aldiğa iş başliğan Mehirdin Şavaev 2018-jilniŋ ahiriğiçä şähärdä hizmät qiptu. Keyin šyiniŋ känҗisi bolğaçqa, ata-anisini ğämhorliğiğa eliş üçün ana juti Tügmän yezisiğa qaytip käptu. Andin Gülbahar Şavaeva bilän turmuş qurup, käspini davamlaşturuş mähsitidä 2019-jilniŋ mart eyidin başlap Çonҗa yezisidiki tehnika җšndäş märkäzliriniŋ biridä nahiyä hälqigä ästaidil hizmät kšrsätmäktä.
Maşina җšndäş – härkimniŋ qolidin kelidiğan iş ämäs. Bu käsipniŋ šz mahirliri bolidu. Mana şularniŋ biri – Mehirdin Şavaev desäk, aşurup eytqanliq bolmas. Dohturlar adäm davalisa, Mehirdin Bavdunoğli tšmür tulparlarniŋ dohturidur.
– Män šz käspimni yahşi kšrimän. Tehnikiniŋ buzulğan yerini tepip, җšndäp, egisigä tapşurğanda, heridarim işimdin razi bolsa – bu meniŋ üçün äŋ çoŋ utuq, – däydu Mehirdin hayaҗanlinip.
Elimizdä mahtaşqa layiq yaşlar yetärlik. Qara mayğa milinip, qara tärgä çüşüp, ämgäk qilivatqan yaş avtoelektrik Mehirdin Şavaevni äynä şularniŋ qatariğa yatquzuşqa ärziydu. Mehirdin Bavdunoğliniŋ keläçäktä şähsiy tiҗaritini tikläp, šz aldiğa tehnika җšndäş märkizini işqa qoşuş armini bar. Häyriyat, tädbirçan jigitniŋ kšzligän mähsitigä yetidiğanliğiğa işänçimiz kamil.

Bälüşüş

Javap qalduruŋ