Balilarniŋ kšŋlini aldi

0
25 ret oqıldı

Mälumki, җumhuriyätlik «Mäktäpkä – yol» aktsiyasi jildin-jilğa umumhäliq härikitigä aylinip, qizğin davamlişivatidu. Uniŋda kšpbaliliq, baqquçisidin ayrilğan, täminati naçar aililärniŋ balilirini mäktäpkä täyyarlaşta halisanä yardäm kšrsitivatqanlarniŋ qatariniŋ kšpiyivatqanliği härkimni hursän qilidu. Ändi Gülҗahan haҗim Muratova mäzkür aktsiya elan qilinğan däsläpki jilila uni qollap-quvätlidi häm şuniŋdin beri bu sovapliq işta başqilarğa ülgä bolup kälmäktä.

Gšhärbüvi İSMAYİLҖANOVA,
«Uyğur avazi»

Gülҗahan animiz başta bäş-on baliğa mäktäpkä keräklik qurallar bilän kiyim-keçäklärni soğa qilip jürdi. Ötkän jili bolsa, Yarkänt täväsiniŋ šzidila 30din oşuq baliğa mäktäp formiliri bilän sport kiyim-keçäklirini kiygüzüp, mäktäpkä täyyarlidi. Ändi biyil u Yarkänt täväsidiki 68 baliniŋ kšŋlini elip, ularğa 1 million 50 miŋ täŋgilik yardäm kšrsätti.
– Balilar şatliği – aläm – şatliği, – dedi mäzkür märasimğa beğişlanğan täntänidä sšzgä çiqqan Gülҗahan Muratova. – Män härqandaq baliniŋ täl-tšküz mäktäpkä berişini halaymän. Һär jili ihtisadi yar bärmigän aililärniŋ haҗitidin çiqiş üçün oquş jili başlanğiçä mäktäplärni arilap, ularniŋ kšŋlini elişqa tirişimän. Bu qetim Panfilov nahiyälik Uyğur etnomädäniyät märkiziniŋ qollap-quvätlişi bilän hämmiŋlarniŋ beşini qoştuq. Män silärniŋ mustäqil elimizniŋ munasip äzimätliridin boluş üçün äŋ birinçi süpätlik bilim, aŋliq tärbiyä elişiŋlarni halaymän. Özäŋlar yahşi bilisilär, hazir maarip sahasiğa alahidä diqqät bšlünüvatidu. Һškümät täripidin yeŋi mäktäplär, şähsiylär täripidin bağçilar selinivatidu. Ändi silärniŋ väzipäŋlar – äşu mäktäplärdä süpätlik bilim elip, җämiyitimizgä layiq birär mutähässislikni tallaş. Uniŋ üçün päqät yahşi oquş keräk. Män silärgä härqaçan qol uçumni berişkä täyyar.
Aktsiya davamida ata-anilar, ustazlar vä oquğuçilar sšzgä çiqip, aniğa šzliriniŋ minnätdarliğini izhar qilişti.
Panfilov nahiyäsi
Tursunmähämät MÄŞÜROV çüşärgän sürät.

Bälüşüş

Javap qalduruŋ