Yardämgä muhtaҗlarğa qol uçini sundi

0
43 ret oqıldı

Mäşür SASİQOV,
«Uyğur avazi»

Ötkän häptidä Almuta şähiriniŋ Almalı nahiyäsidiki 16-mäktäptä nahiyä hakimi apparati, Nur Otan partiyasi birqatar karhanilar bilän hämkarlaşqan halda täminati tšvän, baqquçisidin ayrilğan balilarğa häm kšpbaliliq aililärgä yardämlişiş mähsitidä җumhuriyätlik «Mäktäpkä — yol» aktsiyasini uyuşturdi.
— Mälumki, aktsiya dairisidä här jili yardämgä muhtaҗ җanlarni eniqlaş üçün biz alahidä işänçä telefonlarni işqa qoşimiz — dedi çarä-tädbirniŋ eçiliş märasimida sšzgä çiqqan Almalı nahiyäsi hakiminiŋ orunbasari Aynur Bekjanova. — Şuniŋ nätiҗisidä yeŋi oquş jiliğa täyyarliği naçar balilarniŋ hämmisigä degidäk qol uçimizni sunuşqa tirişivatimiz. Älvättä, bu işimizğa dayim bizgä qolidin kälgän yardimini ayimaydiğan tiҗarätçilirimiz täyyar turidu. Biyil aktsiyagä «Metall Prom Grupp» şirkiti, «Bahus» aktsionerliq җämiyiti vä şuniŋğa ohşaş birnäççä karhanilar hamiyliq qildi. Şuŋlaşqa bügün män ularğa nahiyä apparati namidin çäksiz minnätdarliğimni bildürimän.
On ikki jildin buyan җumhuriyät dairisidä štküzülüvatqan aktsiya qazaqstanliqlarniŋ šzara mehrivanliği bilän bir-birini härgizmu yalğuz taşlimaydiğanliğiniŋ bir ülgisi bolsa, hazir adämlär, kim boluşidin qät°iy näzär, häyrihahliq işliriğa paal arilişivatqanliği elimizniŋ Tunҗa Prezidenti — Elbası Nursultan Nazarbaevniŋ şähsiy täşäbbusi tüpäyli yolğa qoyulğan başlanmilarniŋ nätiҗisi ekänligini alahidä täkitligän novättiki natiqlar, җümlidin Qazaqstan hälqi Assambleyasiniŋ äzasi, ҖUEMniŋ Almuta şähärlik şšbisi räisiniŋ orunbasari vä «Metal Prom Grupp» şirkitiniŋ mudiri Dolquntay Abduhelil vä «Bahus» aktsionerliq җämiyiti mudiriniŋ orunbasari Sergey Kozlov moşundaq paaliyätlärniŋ yänimu davamlişidiğanliğiğa işänçä bildürdi. Ular šz sšzidä, ägär härbirimizniŋ bir-birimizgä bolğan mehir-şäpqitimiz kün sanap šrläydekän, arimizda yardämgä muhtaҗlar çoqum az bolidu degän pikirni alğa sürdi.
Şundaq qilip, aktsiya davamida uniŋ paydiliq täräpliri toğriliq ätrapliq sšz bolup, Almalı nahiyäsidä istiqamät qilidiğan hal-oqiti naçar, kšpbaliliq aililärniŋ baliliriğa hamiylar täripidin täyyarlanğan 200din oşuq mäktäp kiyim-keçigi vä 600 mäktäpkä keräklik qurallar bilän tolturulğan ryukzaklar tapşuruldi.
Eytmaqqa asan, lekin härkim šziniŋ ğemi bilän yaşavatqan bügünki zamanda munçilik mäbläğ särip qilip, häyrihahliq kšrsätkän insanlarniŋ sahavätliginiŋ guvaçisi bolğan moşu märasimniŋ qatnaşquçiliri ularğa apirin äylimäy turalmidi. Һä, šz novitidä, kütülmigän yärdin, yänä kelip, qandaqtu natonuş insanlardin qolliriğa çoŋ soğilarni alğan gšdäklär bolsa, bškini asmanğa atqini rast.
Aktsiya ahirida Aynur Serikqızı bügünki çarä-tädbirniŋ asasiy hamiyliri Dolquntay Abduhelil bilän Sergey Kozlovqa Almalı nahiyäsi apparati namidin Pähriy yarliqlarni tapşurdi.

Bälüşüş

Javap qalduruŋ