Yazliq tätildä meçitta tälim aldi

0
44 ret oqıldı

Kšktal yeza okrugi nahiyädiki äŋ çoŋ okruglardin hesaplinidu. On üç miŋdin oşuq turğuni bar. Uyğur, qazaq, rus, šzbäk, taҗik, çeçen vä başqimu millät väkilliri istiqamät qilidiğan yeza okruginiŋ märkizi Kšktal yezisida ikki meçit bar. Äynä şu ikki meçitniŋ biri – «Äl Ğasir» meçitida mäktäp yeşidiki qiz-oğullar ahirqi tšrt jildin beri, yazliq tätil vaqtida, ikki ay davamida diniy savat eçiş kursida oqup, mälum däriҗidä diniy mälumatqa egä boluvatidu. Mäktäp yeşidiki balilarniŋ yazliq tätilini ünümlük paydilinişini meçit imami Dilşat qarim Niyazov šziniŋ zimmisigä elip, ularniŋ diniy savatini eçiş üçün däsläpki jillarda šzi tälim bärdi. Biyil ustazliqqa «Nur Astana» mädrisidä tälim alğan Şakirҗan İmirbaqievni täklip qildi.
Yeqinda 40 oquğuçi, yäni 11 qiz vä 29 oğul, alğan diniy bilimi boyiçä emtihan tapşurup, sertifikat aldi.

Gšhärbüvi İSMAYİLҖANOVA,
«Uyğur avazi»

İkki ay davamida diniy savat açqan balilarniŋ bilimini sinaş üçün ikki kün vaqit bšlündi. Çünki balilar 40 päriz, 10 sürä vä Qur°an Täjvidtin emtihan tapşurdi.
Täkitläş keräkki, tälim alğan balilarniŋ arisida qazaq vä uyğur millitiniŋ väkillirila ämäs, šzbäk, tatar vä bir rus balisimu bar. Balilarniŋ bilimini bahalaş üçün Panfilov nahiyälik märkiziy meçitniŋ baş imami Serik Şärip bilän başqimu meçitlarniŋ imamliri täklip qilindi.
– Kšktaldiki «Äl Ğasır» meçiti – bu äŋ çoŋ meçitlarniŋ biridur. Meçit imami Dilşat qarimniŋ täşäbbusi bilän täşkil qilinğan diniy savat kursi bu җumhuriyätlik, vilayätlik diniy başqarmilarniŋ ruhsiti bilän eçildi. Bügün bolsa, ustazlardin alğan diniy bilimini sinaş päyti käldi. Biz balilarniŋ äräp grafikisida Qur°an Kärimdin sürilärni yezip, oquş arqiliq yadqa eliş, pärizlärni bilivalğanliğiğa qayil bolduq. Keläçäktimu bu juttiki meçitta moşu okrugniŋla ämäs, bälki nahiyäniŋ şähär vä barliq yeza-avul baliliriniŋ diniy җähättin savatliq boluşi üçün moşundaq kurslarniŋ davamliq paaliyät elip berişini tiläymiz, – dedi Nahiyäniŋ baş imami Serik Şärip.
Andin baş imam ikki kün davamida sinaqlardin sürünmäy štkän balilarğa nahiyälik meçit qomi namidin Täşäkkürnamä tapşurdi. Kšktalliq häyri-ehsanliq jigitlär balilarni maddiy häm mäniviy җähättin räğbätländürdi. Şundaq qilip, bu qetim oğul balilar arisida 1-orunğa Saritšbä yezisidin kelip, tälim alğan 13 yaşliq Täleğazı Abılay, 2-orunğa kšktalliq 12 yaştiki Miras Nurbaqıt, 3-orunğa Golovatskiy yezisidin 9 yaşliq Omar Seksenbay munasip däp bahalandi. Ändi qizlar arisida bolsa, Çoŋ Çiğan yezisidin kälgän 11 yaşliq Märhaba Һasanova birinçi orunğa erişti. İkkinçi orunğa kšktalliq 14 yaştiki Mädinä Mirfazilova, üçinçi orunğa yänä şu Kšktal yezisiniŋ 14 yaşliq turğuni Yasminäm Mähsütova munasip däp tepildi. Nahiyäniŋ baş imami ğalip çiqqan balilarğa minnätdarliğini izhar qilip, ularniŋ keläçigigä utuq tilidi.
Biz bu küni yeŋi ülgidiki haşamätlik meçitqa kälgän çoŋ-kiçik kšktalliqlarğa qayil bolduq. Ular äşu balilarniŋ bova-momilirila ämäs, häm juttiki häyri-ehsanliq jigit-qizlarmu käptu. Uquşsaq, yeziniŋ baş jigitbeşi Rähimҗan Yaqupov bilän ular ikki ay davamida balilarniŋ diniy savat eçişini nazarät qiliş bilän billä, ularğa hamiyliq qilğan ekän. Biz balilar emtihan tapşuruvatqan päyttin paydilinip, jiğilğan kšpçilik bilän sšhbätlişiş pursitigä egä bolduq. Jutniŋ inavätlik mštiväri Mähämmätҗan Һaҗim Mähämmätov mundaq däydu:
– Äslidä kšktalliqlarni ruslişip kätkän deyişidu. Undaq ämäs. Biz kšpmillätlik häm tävädiki äŋ çoŋ jut. Rast, yezimizdiki här ikki mäktäptä hazir uyğur sinipliri yoq. Oqutuş rus vä qazaq tillirida elip berilivatidu. Buniŋdin biraz jil ilgiri uyğur sinipliri moҗut edi. Uniŋ yepilip qelişi, kadr mäsilisi vä ularniŋ iҗtimaiy-ihtisadiy mäsililirigä bağliq bolğanliği hämmigä mälum. Biz bu künlärdä nahiyälik Uyğur etnomädäniyät märkizi bilän birliktä bu mäsiliniŋ häl boluşi üçün yänä iş topini qurup, uni häl qiliş yolida meŋivatimiz. Buyrisa, u küngimu yetimiz. Bu mäsiliniŋ päqät šzimizgila bağliq ekänliginimu yahşi his qilimiz. Çünki Kšktalda 250tin oşuq uyğur ailisi istiqamät qilidu.
Ändi meçitqa kelidiğan bolsaq, elimiz mustäqilliqkä qol yätküzgändin buyan nahiyädä 39 meçit selinip, paydilinişqa berildi. Bu mustäqillikniŋ şarapiti. Mäzkür meçit şularniŋ biri bolup hesaplinidu. Bu işta biz, kšktalliqlar, däsläp җümä häm Qurvan heyti namizi häm Roza-Ramzan heytlirida ikki eğiz šydä namaz štäp jürduq. Jut bolup, bu mäsilini häl qiliş üçün tiҗarätçi inimiz Zakirҗan Quzievqa muraҗiät qilduq. Zakirҗan Pirmuhämmätoğli iltimasimizni rät qilmidi. Ändi meçitni seliş üçün uniŋ җayini tallaşta bizgä millätpärvär jutdişimiz Mähämmätimin Yüsüpov yeza märkizidiki 25 sotok yerini bärdi. Şundaq qilip, 2005-jili bari-yoqi tšrt ayniŋ içidila mana moşu meçit selinip, paydilinişqa berildi. Ändi meçit hoylisidiki diniy savat eçiş bšlmiliri bilän haҗätlik quruluş bšlmiliri jutdaşlarniŋ hamiyliğida selindi. Şuniŋdin beri meçit adämlärdin hali ämäs. Kšrüp turupsiz, diniy savati bar jutdişimiz Dilşat Qarim biz juqurida täkitligän Jdanov namidiki mäktäpniŋ uyğur siniplirida tähsil kšrgänlärniŋ biri. U yaş bolğiniğa qarimay äŋ bilimlik җumhuriyättiki qarimlarniŋ biri süpitidä tilğa elinidu.
Dilşat Niyazov ottura mäktäpni tamamlap, däsläp 2001-jili Almuta şähiriniŋ Sultanqorğan mähällisidiki qarimlarni täyyarlaydiğan mädrisidä üç jil oqup, qarim däriҗisigä yätti. Şuniŋdin beri yäni jutumizdiki meçitta ta bügünki küngiçä imamliq qilip kälmäktä.
Dilşat qarim häqqidä gäp qilimizkän, biz uniŋ diniy savatini eçiş üçün yäni qarimliq däriҗisini, Qur°an Kärimni yadqa eytişni dälilläş üçün 2007-2008-jilliri Misirdiki Qahirä şähiridä «Äl Baus» mädrisidä oqup, emtihanni juquri däriҗidä tapşurup, bilim-ihtidarini dälilläp çiqqanliğini mämnuniyät bilän tilğa alimiz. Buniŋ bilän tohtap qalmastin, 2012-jili Almutidiki imamlarniŋ bilimini mukämmälläştüridiğan İslam institutida tähsil kšrdi.
Pursiti kälgäçkä, täkitläp ketidiğan närsä, jut mštivärlirimu yeqinda štkän bir muhimda šzara mäslihätlişip, meçitta tälim alğan balilarni räğbätländürüş täşäbbusini kštärdi. Öz dävridä işläp, hšrmätlik däm elişta jürgän ata-anilar balilirini mäktäpkä täyyarlaş mähsitidä 40 oquğuçiğa oquş quralliri bilän täminländi.
Elimizniŋ Tunҗa Prezidenti – Elbası Nursultan Nazarbaev här jili qazaqstanliqlarğa yollavatqan Mäktüpliridä maarip sahasiğa alahidä diqqät bšlüvatidu. Җümlidin ihtisadiy җähättin az täminlängän, kšpbaliliq aililärniŋ balilirini mäktäpkä täyyarlaş mähsitidä «Mäktäpkä — yol» aktsiyasini elan qildi. Biz mana şu aktsiyani qollap-quvätläp, jut atiliri balilirimizniŋ mäktäptä yahşi oquşini halaymiz. Bügün şu pensiya pulimizdin bolsimu, oquğuçilirimizğa häşläşni mähsät qilduq.
Şuniŋdin keyin Mähämmät haҗim Mähämmätov bilän jigitbeşi Rähimҗan Yaqupov vä Dilşat qarim diniy savatini açqan balilarğa soğisini, märt-märdanä jutdaşlarğa meçit qomi namidin Täşäkkürnamilärni tapşurdi.
Panfilov nahiyäsi.
Daniyar ŞÄMAHUNOV çüşärgän sürätlär.

Bälüşüş

Javap qalduruŋ