Eqidisi şagirtlirida namayän

0
168 ret oqıldı

Pärzäntlirimizniŋ qälbigä bilim uruğini sepip, ularniŋ šsüp yetilişigä hayatini särip qilivatqan muällimlärniŋ ämgigini qançä mahtisaq ärziydu. Addiy til bilän eytqanda, oquğuçilarniŋ barliq «tärsaliqliriğa» çidap, bolupmu ularniŋ kündin-küngä yeŋilinivatqan täläplirigä tšzüvatqanliğini inavätkä alsaq, häqiqätänmu, ustaz äҗrini qandaqtu-bir qährimanliq deyişkä toluq asas bar.
Almuta şähiridiki 89-ottura mäktäpniŋ muällimi Mehribanum İsrayilova äynä şundaq pütkül aŋliq hayati şagirtlirini bilim duniyasiğa başlaş bilän štüvatqan insanlarniŋ biri. U 1964-jili Ämgäkçiqazaq nahiyäsiniŋ Qoram yezisida kšpbaliliq ailidä duniyağa kälgän. Özigä bilim bärgän ھevullam Gayitov vä Äkräm Sadirov käbi muällim käspigä sadiq bolğan ustazliriniŋ izini besişni arzu qilğan Mehribanum şu yezidiki mäktäpni äla bahalarğa tamamlap, Abay namidiki Qazaq dšlät institutiniŋ filologiya fakul'tetiniŋ uyğur bšlümigä oquşqa çüşidu. Mäzkür aliy bilim därgahini utuqluq tamamlap, ämgäk paaliyitini Qoram ottura mäktividin başlaydu. İsmi atalğan peşqädäm ustazlardin bala tärbiyiläş bilän ustazliqniŋ qir-sirlirini çoŋqur üginidu.
Mehribanum İsrayilovniŋ ana mäktividä yaki aliy bilim därgahida tälim bärgän ustazliri Mahmut Abdurahmanov, Äkräm Sadirov ohşaş hälqimizgä šzliriniŋ iҗadiy äsärliri vä җämiyätlik işliri arqiliq tonulğan äŋ esil pärzäntliri bolğaçqa, ulardin älgä hizmät qiliş، yänä kelip, bala tärbiyiläş toğriliq aŋliğan, bilgänlirigä sadiq bolğan halda, ottuz jildin oşuq vaqit yaş ävlatqa süpätlik bilim berip kälmäktä. Uniŋ jigirmä jilğa yeqini tuğulğan jutida štkän bolsa, ahirqi on tšrt jilini 89-mäktäptä davamlaşturuvatidu.
Bügünki taŋda täҗribilik ustaz yüzligän oquğuçilarni tärbiyiläp, hayat qoyniğa uçum qildi. Şagirtliriniŋ bilim süpitini aşuruş mähsitidä ana tilida bilim elivatqan oquğuçilarniŋ qabiliyitini namayiş qiliş üçün barliq imkaniyätlärdin paydilinip, ularni härhil musabiqä-kšrüklärgä qatnişişiğa şarait yaritivatqan vä ularniŋ ana tiliğa bolğan qiziqişini aşuruş bilän billä، šzi ämgäk qilivatqan mäktäptiki uyğur sinipliriğa balilarni kšpläp җälip qilişta ayanmay äҗir siŋdürüvatqan käsipdaşlirimizniŋ biridur. Şu tüpäyli, hazir Mehribanum İsrayilovaniŋ oquğuçiliri här jili uyğur tili vä ädäbiyati päni boyiçä nahiyälik vä җumhuriyätlik pän olimpiadilirida aldinqi orunlarğa erişip kälmäktä. Mäsilän, u yaqniŋ Älişer İlahunov, Muniräm Ğazieva, Madina Abdumelik, Sahibäm Ömärҗanova, Bährimҗan Turğanҗanov, Turğanҗan İminov, Rozigül Ğänieva, Säyyaräm Äzimova, Nargiza İlahunova vä Alimҗan İlahunov ohşaş şagirtliri härhil jillarda kšpligän utuq-muvappäqiyätlär qazinip, ustaziniŋ beşini kšklärgä yätküzdi.
Mäktäp hayatiğa munasivätlik štküzülüp kelivatqan barliq çarä-tädbirlärniŋ täşäbuskari vä uyuşturğuçisi Mehribanum İsrayilovniŋ tälim-tärbiyä häm oqutuş sahasiğa bağliq pikir-täklipliri birnäççä qetim «Muällimlär minbiri» җumhuriyätlik ilmiy-metodikiliq jurnalda, «Uyğur avazi» vä «Aziya Bügün» gezitlirida yoruq kšrgän bolsa, 2009-jili «Uçitel' — eto prizvanie» namliq kitapta uniŋ ismi Qazaqstan Җumhuriyitidiki «Äŋ ülgilik ustaz» däp kšrsitildi. Buniŋdin taşqiri, peşqädäm ustazniŋ uzun jilliq äҗri munasip bahalinip, Pän ministrligi täripidin Pähriy yarliqlar bilän mukapatlandi.
Mehribanum İsrayilova ailisidä üç pärzänt tärbiyiläp qatarğa qoşqan bähitlik ana. Ularniŋ hämmisi degidäk aliy oquş orunlirini tamamlap, hayattin birkişilik ornini tepip, bähitlik hayat käçürmäktä.
Pütkül aŋliq hayatini bala tärbiyisigä beğişliğan mol täҗribigä egä Mehribanum İsrayilova päqät mäktäp kollektivi arisidila ämäs, bälki äl-jutiniŋ izzät-hšrmitigä sazavär insanlardin. Hoşal qilarliği, «Ata-anaŋni qädirlisäŋ، tirigidä qädirlä» degän häliq danaliğiğa ämäl qilğan pärzäntliri uni aliqinida alma qilivatidu. ھä، ata-ana üçün buniŋdin artuq bähit bolmisa keräk.

Aidäm ÄHMÄTOVA,
89-mäktäpniŋ muällimi.
Almuta şähiri.

Bälüşüş

Javap qalduruŋ