Ösmürlärgä mäyrämlik soğa

0
34 ret oqıldı

Qazaqstan Җumhuriyitiniŋ Konstitutsiyasi künini Ävezov nahiyäsidiki “Dostluq” mähällisiniŋ turğunliri çoŋ hoşalliq ilkidä qarşi aldi. Çünki jut ahalisi kšptin beri boş yatqan, räsmiy moşu mähälligä täälluq yärni päqät šzliriniŋ küçigä tayanğan halda, çoga-çatqaldin tazilap, futbol mäydançisini selip, paydilinişqa bärdi.
“Dostluq” mähällisiniŋ baş jigitbeşi Azat İbragimovniŋ eytişiçä, bu iş qolğa elinğan kündin etivarän, yaşlarniŋ vaqtini boşqa štküzmäy, sport bilän şuğullinişiğa šzliriniŋ birkişilik hässisini qoşayli degüçilärniŋ sani kün sanap šsüşkä başliğan. Märt-märdanä, sahavätlik insanlar šzliri kelip bu yärdä kätmän-güҗäk tutup işlimisimu, atiğan ianisini tapşurup turğan kšrünidu. Bu җähättin elip qariğanda, barliq jut ahalisidin çüşkän 1 million 600 miŋ täŋgigä futbol mäydançisi toluq yasilip, paydilinişqa berildi.
— Uni bügünki halätkä kältürüş üçün bu yärdin 30 maşinidin oşuq ählät bilän çoga-çatqal çiqirilip, ätrapi qorşalğandin taşqiri, zamaniviy sün°iy çim selindi — däydu baş jigitbeşi biz bilän bolğan sšhbättä. — Jut yaşliriniŋ, bolupmu šsmürlärniŋ ätidin-käçkiçä telefon quçaqlap jürginidin kšrä, birär-yerim saat sport bilän şuğullinişini mähsät qilip, «bir sovapliq iş qilayli» däp jutdaşlirimğa muraҗiät qilivedim, ular meni härtäräptin därhal qollap-quvätlidi. Vaqitni ünümlük paydilanğan halda, däsläp 1997-jildin buyan räsmiyläştürülmigän yärniŋ hšҗҗätliri rätkä kältürduq. Andin Täl°ät İslamov, Dilşat İlahunov, Barat Nurdinov vä Ğäynidin Asimov qatarliq jigitlirimiz başliğan jutdaşlirimizniŋ şiҗaätlik ämgigi arqisida bir yerim ayniŋ içidä mäydançä täyyar boldi. Umumän, yaşlirimizğa atiğan «soğimizni» tapşuruşta jutumizniŋ heçbir turğuni çättä qalmidi. Һätta, šzliriniŋ ismini atimasliğimizni haliğan bäzibir taşa jutluq birnäççä qerindişimiz yerim milliondäk pulini berip kätti.
Mana moşundaq «Kšp tükärsä, kšl bolur» degän dana näqilgä ämäl qilğan “Dostluq” mähällisiniŋ turğunliri bu futbol mäydançisiniŋ eçiliş märasimini mäzkür jutta tuğulup, sportniŋ täräqqiy qilişiğa munasip tšhpisini qoşqan Azat Nurdinovniŋ hatirisigä beğişlanğan turnir bilän açti. Turnirğa 10 — 15 yaş ariliğidiki balilardin 23 komanda qatnaşti.
Ändi futbol mäydançisiniŋ täntänilik eçiliş märasimiğa jut ahalisidin başqa kšpligän mehmanlar iştrak qildi. Märasimda däsläp baş jigitbeşi Azat İbragimov sšzgä çiqip, kšpçilikni mäyräm bilän täbrikligäç, futbol mäydançisiniŋ bärpa boluşida atqurulğan işlarğa tohtilip, uniŋğa yardäm qolini sunğan barliq jutdaşliriğa rähmitini eytti. Andin mehmanlardin Almuta şähärlik Uyğur etnomädäniyät märkiziniŋ räisi Һosmanҗan Obulov, җumhuriyätlik Uyğur etnomädäniyät märkiziniŋ Almuta şähärlik şšbisi räisiniŋ orunbasari Dolquntay Abduhelil, ҖUEM yenidiki Jigitbaşliri keŋişiniŋ räisi Yarmuhämät Kebirov, Qazaqstan Җumhuriyiti Gimnastika federatsiyasiniŋ vitse-prezidenti Mahmut İskändärov Aqsaqallar keŋişiniŋ räisi Äli Ähmätov җamaätçilikniŋ hoşalliğiğa ortaqlişip, ularğa illiq tiläklirini izhar qildi. Şundaqla natiqlar “Dostluq” mähällisi turğunliriniŋ yaş ävlat väkillirini sağlam hayat tärizigä başlaş niyitidä ämälgä aşurğan uşbu işiniŋ başqilarğa ülgä ekänligini alahidä täkitläp, kälgüsidä moşu yärdä şuğullanğan balilar arisidin duniya çempionatliriğa qatnişidiğanlarniŋ yetişip çiqidiğanliğiğa işänçä bildürdi.
Turnir yäküni boyiçä ğalip çiqqan komandilar maddiy vä mäniviy soğilar bilän täğdirländi.
Ahirida ärvalar rohiğa atap näzir berildi.

Bälüşüş

Javap qalduruŋ