Märdanä insan

0
25 ret oqıldı

…Bu 2000-jilniŋ dekabr' eyi, eniği, elimizniŋ mustäqillik mäyrimi nişanlinivatqan 16-dekabr' küni edi. Һava oçuq, Yarkänt şähiridimu ätigändila mäyrämniŋ dağduğisi başlandi. Märkiziy mäydanda nahşa-saz näğmisi yaŋrap turidu. Çirayliq kiyingän çoŋ-kiçikniŋ hämmisi degidäk şu yaqqa qarap qädäm täşrip qilmaqta. Ularniŋ qatarida gezitimizniŋ nahiyä boyiçä šz muhbiri mänmu bar edim. Kšŋlüm hatirҗäm, mäyräm täsiratida jürättim. Şu päyttä yarkäntlik ağinilärniŋ biri Pähirdin Mirzaev yenimğa yetip käldidä, çirayi šmsila gäp qildi:
Almutidin ätigändä şum hävär yetip käldi, Tursun ağinimizdin ayrilip qaptimiz…
Kütülmigän җudaliq jürigimgä qattiq zärbä bolup uruldi, qaram äҗäl yänä bir iradilik, ämgäkçan ağinimizni šz qoyniğa elip ketiptu. Kšp štmäy ikkimiz Almutiğa atlanduq. Jiğa-zerä bilän Tursunnimu ahirqi säpärgä uzattuq. Şuniŋdin beri bilinmäy 19 jil štüptu.
Ägär ağinimiz arimizda bolğan bolsa, moşu jilniŋ 6-sentyabr' küni šziniŋ 80 yaşliq tävälludini qarşi elip, dostliri bilän җuğiҗäm nişanlap štkän bolar edi, degän eçinişta boluvatimiz. Biraq şu küni hatirä dästihinida jiğilip, ağinimiz toğriliq äslimilirimizni eytimiz.
Tursun Nadäktä başlanğuç mäktäpni tamamliğandin keyin oquşini şähärdiki uyğur ottura mäktividä davamlaşturdi. Uni tamamliğandin keyin yänä oqup, şoferluq mutähässisligini egiläydu. Şuniŋdin keyin härbiy borçini štäp kelip, Almutidiki şähärlärara jük toşuydiğan avtokolonniğa işqa kirip, ämgäk paaliyitini başlaydu.
Mäzkür karhanida şoferlarniŋ ünümlük ämgäk qilişiğa barliq şaraitlar yaritilip, ular quvätlik maşinilar bilän täminlängän. Karhana rähbärligi Tursun Sopaşevqimu işäşlik yeŋi «KamAZ» maşinisini bäkitip beridu. Şundaq qilip, yaş jigitniŋ säpär yoli başlinidu. Quvätlik maşina rulini başquruş qäddi-qamiti palvanlarğa has Tursunğa alahidä yarişip turğandäk kšrünätti. U işqa pütkül vuҗudi bilän berilip, çapsanla kšzgä kšründi. Säpiri säpärlärgä ulişip, sabiq Keŋäş İttipaqida barmiğan şähiri qalmidi däp eytsam, mubaliğä bolmas. Uniŋ ämgäk yoli uzun jillarğa sozuldi. Һärqaçan ilğarlar qatarida bolup, birnäççä medal', kšpligän pähriy yarliqlar vä maddiy soğatlar bilän täğdirländi. Karhana mäbliği hesaviğa Tursun Sopaşev ilğarlar qatarida Keŋäş İttipaqiniŋ çoŋ şähärlirigä, şundaqla Germaniya, Çehoslovakiya vä Yugoslaviyagä turistliq säpärlärdä bolup, alahidä täsiratlar bilän käldi.
Tursun šzigä layiq җora tepiştimu bähitlik insan edi. U 1965-jili yarkäntlik qiz Svetlana Danahunova bilän tonuşup, ailä qurdi vä yoldişiniŋ hatirҗäm vä ünümlük ämgäk qilişiğa qolidin kelidiğan mümkinçiliklärni yaritip bärdi. Muhimi, ular quvnaq ailidä duniyağa kälgän üç pärzändini zamanğa layiq äzimätlärdin qilip qatarğa qoşti, nävrä sšydi. Һazir ular ata-anisiniŋ şanliq ämgäk yolini işäşlik davamlaşturmaqta. Ağinimizniŋ šyiniŋ bärikiti kätmidi, izi, çiriği šçmidi. Bu qutluq šydä biz, dostliri, pat-pat bolup Tursunni äsläymiz…

Abdukerim TUDİYaROV.

Bälüşüş

Javap qalduruŋ