Bayseyitliqlarniŋ izgü işliri

0
445 ret oqıldı

Raşidäm RÄҺMANOVA,
«Uyğur avazi

Mana yazliq tätilmu ayaqlişip, yeŋi oquş jili başlandi. Ämgäkçiqazaq nahiyäsi Bilim bšlüminiŋ mälumatliri boyiçä, nahiyäniŋ 84 mäktividä biyil 49 830 bala bilim alidiğan bolidu. Uniŋ içidä 5430 bala – 1-sinip oquğuçisi.
Nahiyä mäktäpliri arisidiki uyğur tilida bilim beridiğan bilim därgahliriğa kelidiğan bolsaq, mäktäp muällimliri, nahiyälik Uyğur etnomädäniyät märkizi, ata-anilar komiteti, җämiyätlik işlar aktivistliriniŋ küç çiqirişi nätiҗisidä uyğur sinipliriğa biyil 300gä yeqin bala toplandi. Äpsus, uyğur ahalisi ziç җaylaşqan, uyğur sinipliri moҗut, amma şuniŋğa qarimay, 1-sinipqa bala toplanmiğan yezilarmu yoq ämäs. Şundimu bu aldinqi jillardikigä qariğanda biraz artuq bolup, mäktäplirimizniŋ işidiki ilgiriläşlärdin deräk beridu.
Nahiyädiki birdin-bir taza uyğur tilidiki bilim därgahi – Bayseyit yezisidiki İ.Tayirov namidiki uyğur ottura mäktividä äŋ kšp bala toplandi. Uşbu yeza turğunliriniŋ 99,9 payizini millitimiz väkilliri täşkil qilidu häm birla mäktäp moҗut. Biraq, şuniŋğa qarimay, bäzibir ata-anilar pärzäntlirini hoşna yezilardiki mäktäplärniŋ rus sinipliriğa toşup oqutidu. Kšŋülni hoşal qilidiğan yeri – kšpçilikniŋ küç çiqirişi bilän ularniŋ sani biyil helä kemidi.
Atap ketiş keräkki, İ.Tayirov namidiki uyğur ottura mäktivi – nahiyädiki ilğar bilim därgahliriniŋ qatariğa kiridu. 2018-2019-oquş jili mäktäptin 37 bala uçum bolup, ularniŋ tšrti «Altın belgi» sahibi ataldi. Birtutaş milliy testqa qatnaşqan 11 oquğuçiniŋ barliği aliy oquş orunliriğa çüşti.
Mäktäp yezidiki tiҗarätçilär vä sahavätlik insanlar täripidinmu qollap-quvätläşkä egä. Mäsilän, biyil Gülҗamal Ziyamova, Tursunay Üsänova, Nurdšlät Tohtiyarov, Dilşat Abdurasulov, İkrim Gayitov, Һasanҗan Üsänov, Diläräm İminova, Gülbadäm Ziyamova, Muradil Savutov käbi milliy maarip җankšyärliriniŋ vä «Pçelka» dehan egiliginiŋ hamiyliğida birnäççä kabinet җiddiy җšndäştin štti. «Zamaniviy ustazlar bšlümi» vä «Metodikiliq kabinet» eçildi. Ular zamaniviy qural-yaraq vä konferents-üstäl häm orunduqlar bilän täminländi. Uyğur mädäniyät märkiziniŋ Bayseyit yezisidiki şšbisi, ayallar keŋişi vä jut aktivisti Renat Sadirovniŋ uyuşturuşi bilän yeziniŋ bir top yaşliri «Mäktäpkä — yol» aktsiyasini štküzüp, biyil 1-sinipqa barğan 75 baliğa däptär, qerindaş vä başqimu keräk-yariğini elip, jitim-yesirlarğa maddiy yardäm kšrsätti.
Nasirovlar ävladiniŋ hamiyliğida qazaq tili kabineti җiddiy җšndäştin štüp, Uluq Vätän uruşiniŋ veterani Şayim Nasirovniŋ nami berildi häm mul'timediyalik tahta, komp'yuter, proektor vä başqimu vasitilär bilän toluq җabduqlandi.
– Älvättä, çoŋlarniŋ juquri käypiyat bilän soğilarni tapşurup, «Yahşi oqi» däp eytişliri qarakšzlirimizniŋ beşini kškkä yätküzdi. Ularniŋ hoşalliğida çäk bolmidi, – däydu mäktäp mudiri İl'yar Nurhaliqov jutdaşliriğa minnätdarliğini bildürüp.
– İşinimizki, bayseyitliq qerindaşlirimizniŋ bu aliyҗanap işliri başqilarğa ülgä bolup, anatilliq siniplardiki pärzäntlirimizniŋ sani kšpiyidiğan bolidu.
Ämgäkçiqazaq nahiyäsi.

Bälüşüş

Javap qalduruŋ