Är-ayal vraçlar

0
65 ret oqıldı

Mälumki, bügün elimizda yaşlarniŋ bilim elişiğa alahidä ähmiyät berişi tüpäyli Qazaqstanniŋ aliy vä ottura bilim beriş därgahliri bilän mäktäplärdä oquvatqan student-oquğuçilirimizniŋ hayatqa, ilim-pänniŋ yeŋi qir-sirlirini üginişkä bolğan intilişi tüp-asasidin šzgärdi. Ular šzliri üçün yaritilğan bu imkaniyät-şaraitlardin ilhamlinip, yeŋi pällilärdin kšrünüşkä qiziqişqa başlidi.
Äynä şundaq yaşlarniŋ qatariğa män är-ayal Nariman Äliev bilän Ayidäm Abduvarisovalarniŋ ailisini kirgüzgän bolar edim. Ularniŋ här ikkilisi addiy yeza mäktividä ana tilida oqup, bügünki kündä salamätlik saqlaş sahasida käspiy mutähässis süpitidä älgä hizmät qilivatidu. Nariman Qizil Ğäyrät yezisidiki 19-ottura mäktivini 2004-jili äla bahalar bilän tamamlap, 2005-jili S.Asfendiyarov namidiki Qazaq milliy meditsina universitetiğa oquşqa çüşidu. 2011-jili mäzkür bilim därgahini muvappäqiyätlik tamamlaydudä, şu jili «Diplommen auılğa» dšlät programmisi boyiçä, ämgäk paaliyitini Almuta vilayitiniŋ Aqsu nahiyäsigä qaraşliq Jansügürov yezisidiki ağriqhanidin başlaydu vä şu yärdä 2016-jilğiçä hururg-vraç bolup işläydu.
Nariman Dilmuratoğli meditsina sahasiğa ändila qädäm basqan yaş mutähässis boluşiğa qarimay, šziniŋ ünümlük ämgigi nahiyä rähbärligi täripidin juquri bahalinip, 2014-jilniŋ «Äŋ ilğar yaş hururgi» atalsa, Almuta vilayätlik Salamätlik saqlaş başqarmisiniŋ kšpligän Täşäkkürnamilär bilän Pähriy yarliqlarni elişqa muyässär bolidu.
Yaş mutähässis 2016 – 2018-jillar ariliğida magistraturida oqup, şu jili Almuta şähärlik 4-ağriqhaniğa hirurg-transfiziolog bolup işqa orunlişidu. Bilim vä täҗribisini tehimu mukämmälläştürüş mähsitidä Nariman Äliev Sankt-Peterburg şähiridiki «RNİİTO» Verdina namidiki ilmiy-tätqiqat institutida adäm ustihanlirini davalaş, yäni ustihan kletkilirini bank usuli boyiçä saqlap qeliş vä paydiliniş җäriyanida adäm skletidiki zähmilängän uçastkilarğa tirik ustihan kletkilirini seliş uslubini mukämmäl üginidu. Almutiğa qaytip kelişi bilän ağriqhanida äynä şu usullarni paydilinişni yolğa qoyidu.
Täkitläş keräkki, mundaq ustihan kletkilirini davalaş sistemisi duniya boyiçä 26 äldä, yäni kšpinçä Evropida käŋ qanat yayğan bolup, bu meditsinidiki yeŋiliq däsläp Almuta bilän Qariğanda şähärliridä işqa qoşuldi. Ändi Almuta şähiridiki äŋ çoŋ ağriqhanilarniŋ biridä ustihan kletkilirini yeŋiçä davalaş vä rivaҗlanduruşta yaş uyğur jigitiniŋ tšhpisiniŋ mol ekänligi hämmimizni zoqlandursa keräk.
Nariman Älievniŋ räpiqisi Ayidäm Abduvarisovamu käspi boyiçä vraç-kardiolog. U yaq 1988-jili Uyğur nahiyäsiniŋ Ğalҗat yezisida duniyağa kälgän. Şu yärdiki ottura mäktäpni äla bahalarğa tügitip, җumhuriyätlik fizika-matematika mäktividä oquydu. 2005-jili S.Asfendiyarov namidiki Qazaq milliy meditsina universitetiğa oquşqa çüşidu. Uni tamamliğandin buyan, Almuta vilayätlik kšpsahaliq klinikiliq ağriqhanida kardiolog-vraç bolup ämgäk qilivatidu. Һayatini adämlärniŋ salamätligini saqlaşqa beğişliğan bu ikki yaşniŋ keläçigidin çoŋ ümüt kütidiğanliğimiz eniq. Därdigä dava izdigän härqandaq bemarniŋ «qoluŋğa därt bärmisun, balam» degän bir eğiz sšzidin keyin tartqan җapa-mäşäqiti untulidiğan käsip egiliri šzliri yätkän bu utuqlar bilänla çäklänmäydiğanliğini, yänimu izdiniş üstidä ekänligini yoşurmaydu. Demäk, Qazaqstan meditsina sahasiniŋ härtäräplimä šsüp, täräqqiy qilişiğa ülüşini qoşuvatqan bu inaq ailigä päqät yahşiliqlarniŋ yar boluşini tiläymiz.
Ahirida eytarimiz, «ana tilimizniŋ keläçigi yoq» degän bemäna pikirliri arqiliq šz pärzäntlirini ana tilida oqutuştin baş tartivatqan qerindaşlirimiz juqurida biz sšz qilğan är-ayal häqqidä oqup, biraz oylinip qalidiğanliğiğa işänçimiz kamil.
Җamaldin ÄLİEV.
Talğir nahiyäsi.

Bälüşüş

Javap qalduruŋ