Yoqsizçiliq kämtar qilip šstürdi

0
40 ret oqıldı

Vaqit nemä degän jügrük! Tehi tünügünla yaş jigit-qiz bolup, җämiyitimiz hayatiniŋ hämmä sahaliridiki täräqqiyatqa birkişilik hässimizni qoşup, künimiz moşundaq hoşal-horam štidiğandäkla his qiliveduq šzimizni. Bügün bolsa, bova-moma atilip, çeçimiz aqirip, qeşimiz kümüç räŋ alğanda štkän künlärni äsläş kündiki adätkä aylinip qalidiğan ohşaydu. Mundaq deyişimdiki säväp, uzaq jillar davamida dadam Seyitahun Mäşürov ämgäk qilğan bügünki “Uyğur avazi” gezitiniŋ härbir sanini kšzümniŋ qariçuğidäk saqlap, uniŋ sarğiyişqa başliğan sähipilirini varaqliğanda, meniŋda äşundaq oy päyda bolidu. “Yoqsizçiliq… kämtar qilip šstürdi”, “Bizniŋ Äsqär dohtur”, “Qoli yenik vraç” vä başqimu äynä şundaq adämgä arambähşlik hädiyä qilidiğan mavzularda elan qilinğan maqalilarni qayta-qayta oquş tehi yeqindila yüz bärgän vaqiälärni, huddi bügün yüz bärgändäk, yadiŋğa salidu. Därhäqiqät, bügünki “Uyğur avazi” härbir uyğurniŋ avazi bolup yaŋravatqandäk bilinidu adämgä.
Bäzilär män bu maqalida sšz qilmaqçi bolğan Äsqär Abdirimoğli Abdirimov šzämniŋ šmürlük җüpti ekänligini bilip, başqiçä pikirdä boluşi mümkin. Lekin, şähsän šzäm şuni yahşi bilimänki, yerim äsirgä yeqin vaqit davamida är-ayal bolup yaşiğaçqa, Äsqärniŋ täbiät äta qilğan barliq hislätliri maŋa yahşi mälum. Qisqiçä eytsam, šz käspigä bolğan sadaqätlik, meditsina sahasiğa ait barliq tehnologiyalik yeŋiliqlarni šzläştürüşkä bolğan intiliş, tinmay izdiniş vä, äŋ muhimi, kämtarliq uniŋ şähs süpitidä şäkillinişigä asasiy zämin boldi. Ägär män juqurida mavzulirini atap štkän maqalilarni yänä bir qetim kšzdin käçürsäk, uniŋ näq şundaq ekänligigä toluq kšz yätküzimiz.
Bügün hayatiniŋ 70-davaniğa kštirilgän, äl-jut arisida alahidä hšrmätkä bšlängän, šz käspiniŋ mahiri, täşkiliy qabiliyiti juquri rähbär, Qazaqstan Җumhuriyitigä ämgigi siŋgän vraç Äsqär Abdirimovniŋ şähsiy hayatidiki bu hoşalliq sänäni atlap štüp ketişni šzämniŋ šmürlük җüptümgä bolğan sadaqätsizlik süpitidä qobul qilip, ailimizniŋ mäŋgülük bir äzasiğa aylanğan “Uyğur avazi” geziti arqiliq qälb ämrimni izhar qilişni toğra kšrdüm.
Äsqär Abdirimoğli 1949-jili Almuta vilayitiniŋ Podgornoe (hazirqi Qirğizsay) yezisida duniyağa käldi. 1978-jili Almuta dšlät meditsina institutiniŋ Davalaş fakul'tetini utuqluq tamamlap, 1984-jilğiçä Uyğur nahiyäsiniŋ Ğalҗat yezisidiki ağriqhanida baş vraç hizmitini atqurdi. Moşu yezida işläş җäriyanida Äsqär bay hayatiy täҗribigä egä boldi, juquri käspiy mutähässis süpitidä şäkilländi, rähbiriy lavazimda boluşniŋ qir-sirlirini ügändi. Şuniŋ nätiҗisidä Ğalҗat uçastkiliq ağriqhanisi Uyğur nahiyäsi boyiçä ilğarlar sepidin çüşmidi. Nahiyä dairisidä štkän meditsina sahasiğa beğişlanğan härqandaq seminar yaki konferentsiya bolsun, doklad bilän sšzgä çiqiş Äsqärgä jükländi. Qisqiçä eytsam, Äsqärniŋ isim-şäripi pütkül vilayätkä mälum boldi. Näq şu säväptin bolsa keräk, 1984-jili u Almuta şähärlik kšpsahaliq klinikiliq ağriqhaniğa nevrolog-vraç lavazimiğa täklip qilindi. Moşu yärdä işläp jürüp, şähärdiki jüräk-qan-tomur kesälliklirini davalaş boyiçä qisqa kursni tamamlap, mähsus sertifikatqa egä boldi.
Buni täpsiliy eytivatqinimniŋ sävävi, Äsqär Ğalҗatta işläp jürgän vaqitliridila äynä şundaq kursta oquşni, šzi tonumisimu, sirttin bilidiğan ataqliq kardiolog-vraçlarniŋ qolida bilim elişni, ularniŋ täҗribisini üginişni arman qilatti. Kämtarliq çämbiridin çiqip kätsämmu, şuni eytmaqçimänki, Äsqärniŋ bu armininiŋ royapqa çiqişiğa barliq şärt-şaraitni qolumdin kelişiçä yaritişqa tirişqanliğim üçün bügün šzämni bähitlik his qilimän. Çünki näq äynä şu kurstin keyin Äsqärniŋ paaliyitidä yeŋi yšniliş yüz bärdi, käspiy mutähässis süpitidä äl-jut arisida hšrmiti aşti, jiraq-yeqindiki bemarlar Äsqärniŋ qolida davalinişni arman qilip käldi.
Eytivatqanlirimniŋ hämmisi quruq sšz ämäs. Rossiya Federatsiyasiniŋ, Büyükbritaniyaniŋ, Aziyaniŋ birmunçä älliriniŋ salamätlikni saqlaş sahasidiki mähkimiliri täripidin berilgän sertifikatlar bilän litsenziyalär Äsqärniŋ meditsina sahasidiki kšpqirliq paaliyitiniŋ yarqin bir dälili süpitidä saqlinivatidu. Qoşumçä qilsam, “Almutida Äsqär isimliq šzimizniŋ vraçi bar ekän, şuniŋ davasini alayluq” däp ättäy izdäp kälgän qerindaşlirimiz uyğurlar ziç istiqamät qilivatqan Almuta vilayitiniŋ härbir yezisidin degidäk tepilidu. Äynä şundaq insan bilän šy-otaq bolup, pärzänt sšyüp, nävrä quçup štkinimgä šzämni bir šmür bähitlik his qilimän.
Maŋa äynä şundaq bähitni hädiyä qilğan Äsqär Abdirimoğliğa eytar minnätdarliğim çäksiz. Mana moşu minnätdarliğimni “Uyğur avazi” arqiliq izhar qilişim şähsän maŋa arambähş dämlirini hädiyä qilidu.
Gülşat MÄŞÜROVA.
Talğir nahiyäsi.

Bälüşüş

Javap qalduruŋ