Tamaşini qoyup, hälqim, oylanğin

0
161 ret oqıldı

Bügünki kündä iҗadiyät beğida dadil qäläm tävritip kelivatqan “Diyar” dehan egiliginiŋ başliği, şair-jurnalist, “Aziya bügün” gezitiniŋ baş muhärriri, “İlham” mukapitiniŋ sahibi, “Qälbim nidasi”, “Ahirqi yapraq”, “Dolana” şeirlar toplamliriniŋ muällipi Taşgül Danahunqizi Һeziyarova 1954-jili Ğulҗa şähiriniŋ märkizi Һärämbağda duniyağa kälgän. 1956-jili Qazaqstan diyariğa kšçüp çiqip, şu vaqittiki Çeläk nahiyäsiniŋ Qoram yezisiğa orunlaşqan. Ata-anisidin kiçik jitim qalğan Taşgül bir qolida kätmän, bir qolida qäläm tutup, šmürgä šziniŋ birkişilik dağdam yolini salğan. Ustazliri şairlar — Mšmün Һämraev, Äkräm Sadirov, Һevullam Gayitovtäk äҗayip insanlardin puhta bilim alğan Taşgül šziniŋ otluq şeirliri, älni oylanduridiğan maqaliliri bilän oqurmänlär qälbini tävritip kelivatidu.
Taşgül Һeziyarovaniŋ qazaq tilida yazğan maqalä, şeir, hekayiliri “Jetisu”, “Eŋbekşiqazaq”, “Alatau”, “Prezident jäne halıq” gezitlirida yoruq kšrgän. Moşu jilniŋ 20-sentyabr' küni şairä 65 yaşqa tolidu. Şu munasivät bilän uniŋ birtürküm şeirlirini oqurmänlär diqqitigä havalä qilivatimiz.

Vätän işqi
Az künlük rahät üçün šzgä älgä qilma häväs,
Җanni här yan atsaŋmu ular seni bizniŋ demäs.
Beşiŋğa kün çüşkändä pana bolar šz millitiŋ,
Bağrida qan jiğlisaŋ, šzgä äl balam demäs.

Tähtidä zar jiğliğan Babur vätän işqida,
Altun-kümüç ğäznidin täsälla tapqan ämäs.
Miŋ parä toğralsimu Lštün җadu bisida,
Vätänni däp җan bärdi, nomusin satqan ämäs.

Vijdansizlar tuğulğan yär qädrini nä qilur,
Yättä җahan җänniti bir siqim topraq ämäs.
Teriq käbi çeçilğanlar šz elidin baş urup,
Özgä äldin yardäm izdär, biraq ular qorqqaq ämäs.

Üzülüşkä az qalmaqta ümütsizlik jipliri,
Ulaş üçün uni heçkim arqan etip äşkän ämäs.
Mustäqillik üçün qurup täşna bolğan hälqimni
Suğiray däp Pärhat käbi šzgilär tağ täşkän ämäs.

Vätän topriğida jiğlap tuğulduŋ.
Özgilärni küldürüp,
Kätkändä külüp ketärsän başqilar jiğlisun, bäs.
“Özidin käçkän” namärtlär
kätkiniŋni bilmisun,
Sän käçsäŋ käçtiŋ Vätändin,
Vätän sändin käçkän ämäs.

Şükri däymiz
Amalsiz kškligändäk kavak teräk,
Kamsitiş, qisimlarğa çidam keräk.
Birlikniŋ tuğin tikkin, äziz hälqim,
Seniŋdä bolsa ägär vijdan-jüräk.
Qilmiğin mälivazliq millitiŋgä,
Abroy tap, dağ çüşärmä qimmitiŋgä.
Kim ediŋ, kim bop qaldiŋ oylan, hälqim,
Allamu berär päyli, niyitiŋgä.
“Kšp tiligi kšl degän” kona sšz bar,
Arimizda bšlgünçi qara yüz bar.
Kšrüngänniŋ depini çalivärsäk,
“Yeği yandin kältürär” yat vä šz bar.
Jügräydu qamçilisaŋ qaşaŋ etiŋ,
Tağlarni parçilaydu tamçä, eqin.
Däriyalar hasil bolar bulaqlardin,
Öm bolsaq, arman qilğan mänzil yeqin.
Soallarğa heçbir җavap alalmidim,
Dutarni qolğa aldim, çalalmidim.
Җahanğa daŋliq hälqim, namliriŋni,
İzdäpmu häritidin tapalmidim.
Özgä äl yazar bizniŋ yeziq bilän,
Äҗdatlar sšzi tamğa, siziq bilän.
Duniya soriğan häliqniŋ ävlatliri
Kün štküzär toy-mäşräp, çaqçaq bilän.
Hälqimniŋ çaŋqaq däşti çšllirigä
Һava bolduq güldüri bar, yamğuri yoq.
Ävlatlar täğdirini oylimaymiz,
Şükri däp štkän küngä qarnimiz toq.
Nemä üçün yaralduq biz bu җahanğa,
Hälqimiz štmüşini qazalmisaq.
Özgilär yoqtin bar qip yaşiğanda,
Biz qolda barimizni yazalmisaq.
Bu aläm sizdin, bizdin artip qalar,
Nä degän şah-sultanlar kelip-kätkän.
Ävlatqa nemä qilduq ülgä bolar,
Hainliq tüvimizgä bizniŋ yätkän.
Quruq sšzdä tağni taqqa parçilaymiz,
Zuğuyluqni qaptin-qapqa qaçilaymiz.
Hälqimni bağliğan rişti jipin
Säzdürmäy üzüş üçün qayçilaymiz.
Qarahaniy dšlitini qurğan äҗdat,
Duniyağa daŋliq alim, dana bilän.
İbn-Sina, Qäşqäriy, Yüsüp Hastäk,
Yahşilar štkän äqil, sana bilän.
Hurapiyliq yätti bizniŋ tüvimizgä,
Şükri deduq çakar bolğan künimizgä.
Kšydürüp mäşhur dastan kitaplarni,
Özimiz düşmän bolduq šzimizgä.
Özimiz düşmän bolduq šzimizgä,
Yahşilar kšrünmäydu kšzimizgä.
Ana tildin ayrilsaq, qarar bät yoq,
Çümpärdä tartimizmu üzimizgä.
Yahşiliq kütmä, hälqim, samalardin,
Omulup jürimizğu tamalardin.
Qädrin bilmäy jürüp alimlarniŋ,
Ayrilip qalmaqtimiz danalardin.
Bolar äl siylar ustaz, şairini,
Yazğuçi, sän°ätkar, sšz mahirini.
Yoq yärgä çaçqan pulniŋ soriği bar,
Yahşiğa tar qilmayli dairini.
İbrät al tänä-tapa däkkilärdin,
Mänpiyät hasil ämäs yäkkilärdin.
Vätän üçün namiziŋda tiläk tilä
Näççä barğan Mukarämu-Mäkkilärdin.
Şamalğa kätmäs şunda tapqan sovap,
Alla berär päyli niyätkä qarap.
Ävlatlar qarğişiğa uçrimamduq,
Äҗdatlar eqidisin qilsaq harap.
Öz millitiŋ šzgä äldä yatlişidu,
Piçaqmu işlätmisäŋ datlişidu.
Bäzilär bar bayliqniŋ käypin sürüp,
“Vätän” däp yalğandin vaqirişidu.
Nadanliq millitiŋgä çüşkän salmaq,
Täräqqiyat tarazisi kštirälmäs.
Bilimlik bolğan älniŋ namlirini
Tarihniŋ boranliri šçirälmäs.

Qäşqär
Salam saŋa, qedimiy Qäşqär,
Mahmut, Yüsüp šskän makanim.
Muqamlarniŋ hapizi bolğan,
Bulbul qonğan tämbür-satarim.
Çšçäklärdäk štmüş qoyniğa,
Başlap kirär mävlanä şähär.
Küräşlärdä qäddiŋ ägmigän
Baş qähriman märdanä Qäşqär.
Äziz hälqim täşnaliğiğa,
Kävsär berär buliği Qäşqär.
Märdanä qiz-oğlan yaratqan,
Uluqlarniŋ uluği Qäşqär.
Qançä juysun җudun-çapqunlar,
Uprimastin turisän, Qäşqär.
Uyğurumniŋ bayriği šzäŋ,
Täräqqiyat hulisän, Qäşqer.
Äҗdatlarniŋ qan vä täridä,
Bärpa bolğan, äy sirliq makan.
Duniya soriğan haqanlar eli,
Һšrmitiŋgä tiz pükkän җahan.
Tilğa kelip topriğiŋ, teşiŋ,
Һäqiqätni eytar bir küni.
Qätl bolğan şuŋqarliriŋniŋ
Päläklärdin aŋlinar üni…

Uyğurum
Millät bolup tuğulup,
Yetilmigän uyğurum.
Öz eliŋdä kindigiŋ
Kesilmigän uyğurum.
Özgä äldä särgända,
Bolariŋni tuymidiŋ.
Dävlät bolup qatarğa
Qetilmiğan uyğurum.
Ölümdinmu qorqmastin,
Kškräk kerip dolqunğa.
Vijdaniŋni bayraq qip,
Setilmiğan uyğurum.
Bir mähsätni kšzläysän,
Şäpqät tiläp Alladin.
Rähim qilmas räqipkä
Beqinmiğan uyğurum.
Jut-mälä bop šmlişip,
Yar-yšläksän hoşnaŋğa.
Ay-dala, tağ-tüzlärgä,
Çeçilmiğan uyğurum.
Keläçäktin ğäm qilip,
Һäsrät-qayğu yüzüŋdä.
Tuman basqan asminiŋ
Eçilmiğan uyğurum.
Yättä qat yär tegidin,
Qezip kariz bulaqlar.
Çšlni bostan äyligän
Özi täşna uyğurum.
Ziminiŋdin kolanğan,
Altun-kümüç bayliqqa.
Yatlarni egä qilip,
Namiŋ başqa uyğurum.
Täräqqiyat tügminin,
Peqiratqan bir šzäŋ.
Җäŋgä mingän tulpariŋ
“Küräŋ qaşqa uyğurum”.
Çinğizhanni җahanğa,
Tonutqan sän, uyğurum.
Moŋğullarğa yeziqni
Oqutqan sän, uyğurum.
Miŋ hil taam yaritip,
Hillap yegän uyğurum.
Şayä bilän ipäktin
Kimhap kiygän uyğurum.
Käşip qilğan qäğäzni,
Äldin burun, uyğurum.
Aläm äŋgüştäri sän,
Tilim taşqa, uyğurum.

Quşlar qaytip baridu
Kšk asmanni çaŋ kältürüp,
Quşlar qaytip baridu.
Ana yärniŋ otluq mehri
Һär sävdağa salidu.
Boranlarğa qarşi turup,
Tälpünidu Vätängä.
Makaniniŋ harariti
Җan bärgändur soğ tängä.
Äҗdadiniŋ salğan izi,
Ularğa yol kšrsitär.
Qaram täğdir, qatal šlüm
Qançisini šksütär.
Biraq qaytmas arqisiğa,
Alğa qarap intilar.
Tuğulğan yär bostanini,
Bir kšrüşkä intizar.
Ötti deŋiz, okeandin,
Täŋ yerimi qirilip.
Yol azavi ayriliştin,
Jüräk-bağri serilip.
Ana yärgä yätkiniçä,
Qanatliri talidu.
Kšk asmanni çaŋ kältürüp,
Quşlar zarlap baridu.
Mänziligä yätkinidä
Atti yärgä šzini.
Hoşalliqta topisiğa
Sürkäp üz vä kšzini.

Yol azavi, ayrilişlar,
Dağ salsimu diliğa.
Bir mähsätni kšzligändäk,
Sšzlişär šz tilida.

Bšriniŋ zari
Zamanäm qayan kätti män yaşiğan,
Ormanniŋ şahzadisi däp atiğan.
Tüvümgä qeriliqniŋ yätkinimu,
Därman yoq putlirimda titräp turğan.
Qayanda mändin hämmä qorqqan zaman,
Qoğlisam aŋ vä quşlar qalmas aman.
O, Täŋrim, künümniŋ şu bolğinimu,
U künlär särap bolup, qaldi arman.
Һuvlisam şir vä yolvas çšçär edi,
Topumdin ürküp üni šçär edi.
Toplinip maŋsaq ägär yär silkinip,
Marallar tağu-taşqa mškär edi.
Qeni şu dävran sürgän ärkin zaman,
Aç-zerin, mağdirim yoq, räŋgim saman.
Barmu däp izim basar qäysär sirtan,
Arqamğa ümüt bilän baqtim haman.
Yenimdin dostlar ketip, yatlar qaldi,
Çil bšrä yampişimğa eğiz saldi.
Bozigi kšrüngänniŋ yattim halsiz,
Gäksilär kšzlirimni çoqup aldi.
Yenimğa eşäk käldi hoşal haŋrap,
Qiyğitar tuyaqlirin täŋläp qarap.
Rähim qil, Kšk täŋrisi, җenimni al,
Eşäkkä täpküzmigin, qilma har.
Kšzlirim kšrmisunçu horliğanni,
Tülkä vä qarğiliriŋ morliğanni.
Mädät bär, täŋrim, maŋa adaqqi rät,
Ävladim kälsun aŋlap huvliğanni…
Kšk bšrä isiyanliq qiqas saldi,
Han-täŋri tağlirida sada qaldi.
Kün qayrip tün pärdisin zärb bilän,
Һär täräptin ävlatliri oyğanğandi.
Kšk bšrä isiyanliq qiqas saldi,
Җor boldi ätraptiki kšp bšrilär.
Ävladi barliğidin mäğrurlinip,
Özini taşlidi u yar tegigä.

Yahşilar barmu arimizda?
Etini boştin-boşqa kişnätmigän,
Hälqini šzgilärgä çişlätmigän,
Zuğuyluq heylisini işlätmigän,
Yahşilar barmu bizniŋ arimizda?

Biriniŋ beşin dässäp šrlimigän,
Şumluqniŋ qoqas-otin püvdimigän,
Mänsäp üçün
dostidin yüz šrimigän,
Yahşilar barmu bizniŋ arimizda?
Yatlarniŋ maŋğan yolin dorimiğan,
Duniya däp dostqa ora kolimiğan
Talantlarniŋ aldini torimiğan,
Yahşilar barmu bizniŋ arimizda?
İman-insap pärqini bilidiğan,
Salam bärsäŋ sämimiy külidiğan,
Hälqim däp biligini türidiğan
Yahşilar barmu bizniŋ arimizda?
Millätniŋ täğdirigä kšyidiğan,
Ana tilni çin qälbidin sšyidiğan,
Qedimiy tarihini bilidiğan,
Yahşilar barmu bizniŋ arimizda?
Nadanliq zänҗirini üzidiğan,
Bilimniŋ däriyasida üzidiğan,
Zamanniŋ näpäsini sezidiğan,
Yahşilar barmu bizniŋ arimizda?
Birlikniŋ uyutqisi bolidiğan,
Bir mähsät, bir ittipaq quridiğan,
Vätängä qalqan bolup turidiğan
Yahşilar barmu bizniŋ arimizda?
Һäq-nahäq, aq-qarini ayriydiğan,
Yamanni yahşiliqqa çillaydiğan
Hälqimniŋ jiğisini jiğlaydiğan,
Yahşilar barmu bizniŋ arimizda?
Adäm vä aläm
Adämlär, җahanniŋ hšsni, adämlär,
Һayatqa iz salar jügrük qädämlär.
Birliri säyyah bop alämni käzsä,
Bäzilär atilar därviş, qäländär.
Birliri qopirar tağu-taşlarni,
Bäzilär älämdä tškär yaşlarni.
Birliri Mäkkigä ziyarät qilsa,
Bäzilär qatildur, kesär başlarni.
Birliri Vätän däp yalğan tovlaydu,
Bäzilär bšridäk tündä huvlaydu.
Birliri äl üçün җenidin käçsä,
Bäzilär ularni äsläp qoymaydu.
Birliri häqiqät yolida qurvan,
Bäzilär ularğa tuzaqlar qurğan.
Birliri yaşliğin qiyip mähsätkä,
Özgilär bädiligä tškär issiq qan.
Birliri šzini danişmän sanar,
Hälqiniŋ oyini qismay qulaqqa.
Birliri koçida amitin olar,
Baylarniŋ puliğa işqi-piraqta.
Birliri çät äldä bolsa särgardan,
Bäzilär šz yeridä miskin gada.
Birliri ağzida sayriğan bilän,
Kšŋül duniyasi turhundäk qara.
Biri tal šstürär, birliri qoray,
Bäzilär makansiz, biridä saray.
Biriniŋ tär tšküp tapqan puliğa,
Tekinhor, tamagär yaşaydu talay.
Birliri mahtaydu taҗu-tähtini,
Bäzilär tapalmay särsan bähtini.
Birigä amätniŋ šzi kep qonsa,
Bäzilär üzidu payman ähdini.

Birliri baliğa zar bop štidu,
Bäzilär koçiğa taşlap ketidu.
Birliri tänhaliq därdini tartsa,
Bäzilär šyini väyran etidu.
Birliri minbärdä avamni aldar,
Zoravan šçini yahşidin alar.
Kämbäğäl bir parçä nanğa zar tursa,
Piŋsiqlar pulini çät älgä salar.
Moşundaq muräkkäp yaralğan adäm,
Bağriŋni hänҗärdäk tilidu äläm.
Çidimay insanniŋ niyät-päyligä,
Oqida çir peqirap aylinar aläm.
Oylima
İğvagärlik, qilma dostum,
tündä teç yatay desäŋ,
Yahşiliq qil haҗätmängä bähitkä baqay desäŋ.
Yamanliqniŋ arisidin sämimiylik izdigin,
Bu alämdä kšrälmäslik
kesilin tartmay desäŋ.
Jiğliğanniŋ yeşin sürtkin,
balaŋ kšz yaş tškmisun,
Käypi-sapa deŋiziğa ğäriq bolup çškmisun.
Tirigidä ilim izdäp äҗriŋni qat hälqiŋgä,
Ötkiniŋdä “nemä qildi?” däp, adämlär sškmisun.

Yenip turğan çiraqni šçirişni oylima,
Yamanliğan hoşnaŋni kšçirişni oylima.
Beşiŋğa kün çüşkändä yardäm bärgän dostlardin
Saŋa amät kälgändä šzgirişni oylima.

Bu duniyağa hämmimiz sinaq üçün yaralğan,
Bir Allaniŋ aldida tapşurimiz emtihan.
Ömrüŋ çaqmaq misali — bir yenipla šçisän,
Qançä uluq bolsaŋmu vapa qilmas bu җahan.

Qorqimän
Yahşilar ketip barar arimizdin,
Ayrilip qalmaqtimiz barimizdin.
Teşimiz pütün bolup jürgän bilän,
Jüräklär parä ahu-zarimizdin.
Qarğidäk qaq etimiz kšŋül huşlap,
Mutähämlär jürär äynä mäydä muşlap.
Esimizniŋ barida äqil tapmay,
Özimizgä arttuq yänä därtni qoşlap.
Bilimsiz insan kšŋli qaraŋğu tün,
Äqilsiz turhunidin çiqmas tütün.
Qoluŋdin yaqqan otniŋ islirida,
İçimiz buruqtum, sirtiŋ tütün.
Yorutup qälbimizni jürälmäymiz,
Büyükkä šrligänni kšrälmäymiz.
Yalğandin heҗayğanni dorap jürüp,
Özimiz ärkinginä külälmäymiz.
Badam dopa yaraşqan rast, beşimizğa,
Milliy ğurur tamçisi yoq qenimizda.
Qaŋşiğan pistäk işttäk zuğuylar bar,
Päytin tapsa marap çişlär yenimizda.
Bäzilär dost däp tutar sahtilarni,
Sahtilar yaqturmaydu adillarni.
Puli bar, vijdani yoq insanlar kšp,
Kšzgä ilmas alim, dana, yahşilarni.
Mal-duniya bu alämdä kimdin qalmas,
Tapqiniŋ täyyartapqa qalar miras.
Uzun šmür süräy desäŋ — yahşiliq qil,
Yahşilar otta kšymäs esil almas.
İkki dostni yahşi qil yaman bolsa,
Jitimlarni yšligin amal bolsa.
Öz balaŋdin kšrmigän yahşiliqni,
Äşu jitim qayturidu aman bolsa.
Yetişkän utuqlar az yätmigändin,
Eräŋsiz biz oy-parasät yätmigändin.
“Җäŋdin keyin batur kšp” degän sšz bar,
Qorqimän arttin miltiq bätligändin.
Qorqimän arttin miltiq bätligändin.
Öz millitin šzi hšrmät ätmigändin.
Başqa tilni çala-pula oquvelip,
Ana tilin kšzgä ilmay sätligändin.
Qorqimän zuğuy bilän yalaqçidin,
Tarihimni bulaydiğan qaraqçidin.
“Yahşilarni, horlavetär” däp qorqimän
Zoravanniŋ quli bolğan tayaqçidin.
Qorqimän boran bilän şuvurğandin,
Arqidin kelip piçaq urğanlardin.
Därtlärdin qäddiŋ yadäk egilgändä,
Bepärva çättä qarap turğanlardin.
Qorqimän uzun yolluq säpärlärdin,
Kšrünmäs bala-qaza hätärlärdin.
Uçup-çiqip qonarini bilmäydiğan
Bäzibir kelin atliq “käptärlärdin”.
Qorqimän bäzän hätta balilardin,
Duniyapäräs kšŋli qara alilardin.
Ata-ana tirik turup, šy talişip,
Һar-nomustin җuda içi qarilardin.
Qorqimän šzäm bilän hätta sändin,
Qaçanmu ayrilarmiz qayğu-ğämdin.
Vätänniŋ azatliğin kšrmäy turup,
Armanda ketärmizmu bu alämdin.
Dostlarğa mädhiyä
Huş käpsilär Qazaqstan diyariğa,
Kšz-kšz qilip sän°itimniŋ bayliğini.
Biz tepişqan täntänilik uluq toyda,
Kštiräyli dostluqniŋ bayriğini.
Käl, dostum, quçaq eçip qarşi alay,
Yaŋritip qazaq-uyğur nahşisini.
Aq başliq Alitağniŋ etigigä,
Jiğip kälduq şairlarniŋ yahşisini.
Miŋ tolğinip ussul başlar uyğur qizi,
Muqamlarda äҗdatlarniŋ ahu-zari.
Dombrağa җor qilğin ravaviŋni,
Çalğinä, җaraŋlisun polat tari.
Quvät bärgän sazğa täşna jüräklärgä,
Sän°ät yaqar otluq mehir hämmä dilğa.
Dostluqniŋ gimniğa çalğin yänä,
Җor bolup tağu-taşlar kirsun tilğa.
Kšrgin, duniya, türk-uyğur dostluğini,
Kšk bayriği läpildigän astanam bar.
Daŋqini pütkül җahan bilidiğan,
“Qazaqstan” namliq meniŋ baş-panam bar.
Abay yoli
Seni oqup štti meniŋ yaşliğim
Misralarniŋ sirliriğa çškäy däp.
Jürigiŋdin eytqan dana sšzüŋni
Qälbimniŋ bätlirigä pükäy däp.

Seni küyläp qäläm alsam qolumğa,
Җür°ätsizlik tosar meniŋ yolumni.
Öz hälqiŋniŋ täğdirigä kšyünüp,
Sänğu yäŋgän nadanliqni, zulumni.

“Abay” desä, tonar duniya qazaqni,
Ular kšrgäç mähkümlüktä azapni.
Qäläm bilän çiqip otluq mäydanğa,
Uluq Abay başliğandi ğazatni.

Mäyli štsun jillar bilän äsirlär,
Abay sšzi yahşiliqni täsvirlär.
Һär qurida qalğan šçmäs tamğidäk
Qazaqlarniŋ basqan yoli, täğdirlär.

Abay ata, izdäp käldim qäbriŋni,
Uyğurlarniŋ güldästisin yapay däp.
Sän yaralğan Qazaqstan diyarin
Şoh yaŋriğan nahşilarğa qatay däp.

Oylanğin
Tamaşini qoyup, hälqim, oylanğin,
Bu duniyada tilla jiğip toyğan kim.
Bayliqniŋ käypin sürüp uhlimay,
Öp-çšräŋgä qarap bir päs oyğanğin.
Ärlär bar pulni-pulğa çaqidiğan,
Ärlär bar oŋda çüşüp yatidiğan.
Ärlär bar duniyasini hälqi üçün,
“Dättikam” däp tävkağa atidiğan.
Agah bolğin dostlarniŋ sahtisidin,
Yalğançiniŋ saŋa eytqan “pahtisidin”.
Hoşamätçi jügräydu oltiralmay,
Su çiqqandäk baydin alğan yahtisidin.
Zuğuy adäm gšrdimu teç yatmaydu,
Tirik bolsa käŋ alämgä patmaydu.
Yahşini yaman qiliş — bar hüniri,
Uniŋsiz käç kirip, taŋ atmaydu.
Qiliçni tutalmiğan urar taşqa,
Җapakäş äl barmekin bizdin başqa.
Һär yärdä çšlni bostan qilğan bilän,
Minniti zähär saldi içkän aşqa.
Alsa huda alidiğu җeniŋni,
Ölginiŋdä qurut yäydu teniŋni.
Һä, tarihiŋ mäŋgü yaşap qalidu,
Ägär, hälqim, yoqatmisaŋ tiliŋni.
“Һoşşärigä” ussul oynap, dap çelip,
Sän°ätnimu ärzänlitip barimiz.
Һayat çağda qädirlimäy märtlärni,
Arqisidin saqal siypap qalimiz.

Һayat täşvişliri
Han bolğin mäyli yättä iqlimğa,
Kšŋül sariyiŋ dayim bolsun käŋ.
Baqida yoqtur taҗu-täht saŋa,
Qäbirdä yatqanda hämmimizla täŋ.
Pul bilän šlçimä hämmä adämni,
Bayliqtin juquri insanlarmu bar.
Minnätlik eşiŋniŋ zähiri tola,
Yahşilar qälbigä bärmigin azar.
Dehan çalğisini qişta bilimäs,
Yahşiniŋ qädri yanda bilinmäs.
Uluq şairni šldi demigin,
Nami tiriktur, härgiz kšmülmäs.
Rähimi kšptur uluq Allaniŋ,
Qähritan qiş štsä, kelidu bahar.
Qisqa šmrüŋdä addiy mehman bol,
Arqaŋda yahşi işliriŋ qalar.
Uzun säpärdä sinilidu at,
Dostniŋ yahşisi düşmänliktin yat.
Därtmänniŋ därdigä yätkin, qerindaş,
Sovapliq iş bilän gšzäl bu hayat.
Һäqiqät yalğanni ilpät demäydu,
Danalar munapiq eşin yemäydu.
Hälqin jüräktin sšygän äzimät
Adavät otida härgiz kšymäydu.
Adämlärdin ränҗimä, dostum,
Һärbiriniŋ jüräk siri bar.
Millät yolida ot bolup kšyär
Kam degändä yüzdin biri bar.
Allaniŋ šzi qadir säpirimdä,
Ah jüräk çidar qançä därtlirimgä.
Kšzümdin aqqan yaşqa qäläm çilap,
Misradin marҗan tizdim däptirimgä.
Mänzil jiraq, ketip barimän,
Qayğu-häsrät tosar yolumni.
Ömür — däriya, eqip barimän,
Rähim qilsaŋ, sunğin qoluŋni.

Bälüşüş

Javap qalduruŋ