Nan — altun kan

0
14 ret oqıldı

Nan — uyğurlarniŋ kündilik turmuşida istimal qilidiğaan adättiki yemäklikliriniŋ biri bolupla qalmay, bälki toy-tškün, näzir-çiraqlirida vä başqa mehmandarçiliqlirida asasiy ähmiyätkä egä qädriyätliridin hesaplinidu. Säpärdimu u ozuq väzipisini atquruş bilän billä himayiçi, hämra rämzi bolup kälgän.
Ötkän äsirniŋ 80-jilliridin buyan arheologlar tarihiy Vätinimizdiki 2500 — 3000 jilliq tarihqa egä Qumul Qaradšvä, Çärçän Zağunluq, Piçan Subeşi vä Turpan Astanä qäbirstanliqliridin nan parçilirini tepip, hälqimizniŋ nan mädäniyitiniŋ näqädär uzun tarihqa egä ekänligini ispatliğan. Şuŋlaşqimu navayliq qedimidin tartip uyğurlarniŋ asasliq tiҗaritiniŋ biri bolup kälgän.
Uyğurlarda nanniŋ türliri nahayiti nurğun. Ular şäkligä qarap «Çoŋ nan», «Girdä nan», «Pom nan», «Kakça», «Petir toğaç», «Uşşaq toğaç», işlätkän huruçiğa qarap «Süt nan», «May nan», «Piyaz nan», «Künjüt nan», «Siyadan nan» däp bšlüngän. Keyinki vaqitlarda ularniŋ qatarini çiqqan yerigä qarap: «Kuça neni», «Turpan neni», «Tohsun neni», «Lopnur toğiçi» ohşaş kšpligän zamaniviy türliri toluqturup kälmäktä.
İlgiri härbir uyğur ailisidä tonur bolup, härqaysi šz aldiğa nan yaqatti. Һä, hazir bolsa, täräqqiyatqa ägişip, şähärdila ämäs, hätta yezilardimu nanni setivelip yäydiğan bolduq. Bu hayatliq mänbäsigä ehtiyaҗ üstün bolğaçqa, bügünki kündä navayliq käspimu yahşi rivaҗ tapmaqta. Nätiҗidä uyğur neni šzimizniŋla ämäs, başqa häliqlärniŋmu sšyümlük taamiğa aylanmaqta.

Bälüşüş

Javap qalduruŋ