Meniŋ bovam

0
15 ret oqıldı

Koçida nävrilirini ägäştürüp ketip barğan momay vä bovaylarni kšrsäm jürigim «җiğğidä» qilip, bovam bilän momamni äsläymän.
Män üç yaşqa tolğanda, bovam Karlin duniyadin štti. Jillar štkänsiri bovamniŋ qiyapitini kšz aldimğa kältürüş qiyinlaşmaqta. Boş vaqtimda bovamniŋ sürätlirini elip qaraymän, seğinimän.
Һär küni degidäk dadam bilän apam bovam-momamniŋ sšzlirini äsläydu. Ularniŋ eytişiçä, meniŋ bovam duniyadiki äŋ yahşi ata, äŋ yahşi bova bolğan.
Bovamniŋ dadisi Һaşir 1941-jili Uluq Vätän uruşiğa atlinip, 1943-jili vapat bolidu. Bovam ikki yeşida atisidin ayrilip, anisi Һäҗär momamniŋ qolida tärbiyilinidu. Һäҗär momam tevip bolğan ekän. Çoŋlarniŋ eytişiğa qariğanda, härqandaq kesälniŋ diagnozini däl tepip berättekän. Momam kiçik peyil, eğir-besiq häm aq kšŋül ayal bolğan ekän. Bovam Karlinmu şundaq kämtar, päqät uruq-tuqqanliriğila ämäs, başqa haҗätmänlärgimu yardäm qolini sunup štkän ekän. Bovam «Ämgäk» kolhozida mal fermisini başqurup, pensiyagä çiqqan.
Bovam 70 yeşida duniyadin štti. Ägär hayat bolğan bolsa, bu künlärdä 80 yaşqa tolatti. Yeqinda kiçik dadam Mahidin yezimizğa kelip, yaşlar arisida bovamniŋ hatirisigä sport musabiqisini štküzdi. Futbol, voleybol, küç elişiş, ağamça tartiş ohşaş oyun türliri boyiçä yaşlar šzara musabiqigä çüşti. Ğalip çiqqanlarğa ahçiliq soğilar berildi. Hälqimizdä «Ölükkä qilsaŋ šrläysän» degän maqal bar. Şuŋa šz novitidä, bizmu bovam vä momamğa atap näzir štküzduq.
Yaş dostlar! Moma vä boviliriŋlarni tirigidä hšrmätläŋlar, qädirläŋlar, demäkçimän. Momay vä bovayniŋ tärbiyisini elip, çoŋ bolğan nävirlär – duniyadiki äŋ bähitlik insanlardur!
Şahnaz ҺAŞİROVA,
Dolata ottura mäktiviniŋ 8-sinip oquğuçisi.
Uyğur nahiyäsi.

Bälüşüş

Javap qalduruŋ