Tamaq bilän kesäl davalaş

0
17 ret oqıldı

Uyğurlardiki tamaq bilän davalaş ağriqniŋ ähvaliğa qarap, yemäk-içmäkni muvapiq täŋşäş yoli bilän ämälgä aşurulidu. Yäni u pärhiz tutuş arqiliq ağriqniŋ organizmiğa toğra kälmäydiğan tamaqlarni çäkläş, härhil şipaliq yemäk-içmäklär arqiliq bädängä quvät berip, çapsaniraq saqaytişni mähsät qilğan.
Hälqimizdä ağriqni tamaq bilän davalaş usuli tšvändiki üç asasiy türgä bšlünidu:
Ğizayi mutlaq. Yäni päqät ozuqluq hususiyitigila egä yemäkliklär;
Davaiy ğizayi. Yäni aldi bilän şipaliq rolini, keyin ozuqluq rolini atquridiğan davaliq yemäkliklär;
Ğizayi davaiy. Yäni häm ozuqluq, häm şipaliq hususiyätkä egä yemäkliklär.
Ğizayi mutlaq yemäklikliklirigä suyuq, yumşaq, asan siŋidiğan, häҗimi az, quviti kšp yemäkliklär kiridu. Mäsilän, çala pişirilgän tuhum, kšphilliq dora-därmäk bilän täyyarlinidiğan gšş şorpisi, käklik, quşqaç, җüҗä gšşliri, moҗulğan üzüm şärbiti, anar, alma, amut, näşpüt qatarliq mevä muräbbäliri, buğday unidin täyyarlanğan taamlar, şovigürüç, seriqmay, kala süti, yumşaq pişirilgän qoy gšşi, beliq, paläk, yesviläk, şohla, süŋpiyaz qatarliqlar yatidu.
Davaiy ğizayi yemäkliklär qatariğa qizilgül, pinnä, räyhandin yasalğan muräbbä, badam, noqut, yaŋaq talqanliri ohşaş aldi bilän davaliq, uniŋdin keyin ozuqluq roliğa egä taamlarni kirgüzüşkä bolidu. Ändi ularniŋ şipaliq hususiyätlirigä kälsäk, gülqänt aşqazan, üçäy yolliriniŋ, häzim qiliş җäriyaniniŋ ravanlişişiğa iҗabiy täsir kšrsitidu, җigär, bšräk, špkä sil, špkä hava yolliriniŋ käŋiyip ketişi, špkä yällik işşiği, däm siqiliş kesällirini davalaşta alahidä zor ähmiyätkä egä. Muhimi, organizmni ozuqluq bilän täminläydu.
Ğizayi davaiy hususiyätkä egä çamğur, turup, sävzä, şohla, paläk, yesviläk qatarliq kšktatlar ozuqluq ähmiyiti bilän billä süydük haydaş, qävziyätni yoqitiş, säprani päsäytiş, iştihani eçiş väzipisini atquridu.

Bälüşüş

Javap qalduruŋ