Tuğulğan jutqa muhäbbät

0
43 ret oqıldı

«Vätänpärvärlikniŋ äŋ ilğar ülgisi – tuğulğan yärniŋ tarihini mäktäptä oqutuştin başlisa, nahayiti yahşi bolidu. Tuğulğan yärniŋ härbir seyi vä idiri, tağliri bilän däriyaliri tarihtin uçur beridu. Һärbir yär nami toğriliq talay rivayätlär vä hekayilär bar… Tuğulğan yärgä bolğan muhäbbät tuğulğan älgä – Qazaqstanğa degän vätänpärvärlik his-tuyğuğa ulişidu».

(Elbası N.Ä. Nazarbaevniŋ «Keläçäkkä 
nişan: mäniviy yeŋiliniş» maqalisidin). 

Dšlät rähbiriniŋ «Keläçäkkä nişan: mäniviy yeŋiliniş» särlävhilik maqalisida härbir qazaqstanliqniŋ šzi tuğulup šskän «kiçik Vätinidä» qandaq işlarni atquruşi keräkligi häqqidä eniq yezilğan. Yeqinda Ämgäkçiqazaq nahiyäsiniŋ qazaq, uyğur häm türk millätliriniŋ väkilliri iҗil-inaq yaşaydiğan, ismiğa җismi yaraşqan Dostluq yezisida moşu juttin çiqqan almutiliq tiҗarätçi Marlan Sıdıqov yeza meçitiniŋ yenida näzirhana seliş üçün 500 miŋ täŋgä ianä qilip, märhum ata-anisi Bekbergen vä Mizamhan, akisi Keŋesniŋ rohiğa atap çoŋ näzir bärdi. Yaşlarni salamätlik hayat tärzigä җälip qiliş, yeza sportini täräqqiy ätküzüş mähsitidä 20 — 30 yaş ariliğidiki futbolçilar arisida futbol turnirini uyuşturdi. «Dostluq» futbol komandisiniŋ 15 äzasiğa mähsus forma elip bärdi.

Raşidäm RÄҺMANOVA,
«Uyğur avazi»

Turnirğa nahiyäniŋ Çeläk, Malivay, Bayanday, Birlik, Bijanov, Dehan, Qizil Şäriq, Qaraturuq, Açisay, Qazaqstan, Täşkänsu vä Dostluq yeziliridin 14 komanda qatnaşti. Turnir Qaraturuq yeza okrugi hakimiyitiniŋ qollap-quvätlişigä egä bolup, ikki kün davamlaşti. Okrug hakimi Ermek Samsıbekov turnirniŋ täntänilik eçiliş märasimiğa qatnişip, yaşlarni ilhamlandurğan tiҗarätçigä minnätdarliğini bildürdi vä futbolçilarğa utuq tilidi.
Qoşumçä qiliş lazimki, Qaraturuq okrugiğa qaraşliq Dostluq yezisi 2013-jili zamaniviy mäktäp benasiğa erişti. 300 orunluq mäktäpniŋ quruluşiğa 289 million täŋgä särip qilindi. Uniŋğa Sotsialistik Ämgäk Qährimani Altınbike Bertaevaniŋ ismi berildi. Qazaq, uyğur vä türk millätliriniŋ väkilliridin tärkip tapqan 630 ailä bu soğini çoŋ hoşalliq ilkidä qarşi aldi. Yeziniŋ şu çağdiki jigitbeşi Һaşimҗan Sadirov rähbärligidä nahiyälik Uyğur etnomädäniyät märkiziniŋ Dostluq yezisidiki şšbisi, hanim-qizlar, yaşlar vä aqsaqallar keŋäşliri, ata-anilar komiteti mäktäp aldiğa 300 tüp härhil gül kšçätlirini oltarğuzdi. Һeçqaçan sportzal bolmiğan mäktäptä ändi voleybol, basketbol, boks vä başqimu sektsiyalar eçildi. Yeza turğunliri täripidin 200 maşina qum-taş tškülüp, «naçar» koçilarni rätkä kältürüldi. 9 kšrük selinip, 6 koça asfal'tlandi. Yezidiki sport mäydançisi vä uniŋ yenidiki istirahät beği bärpa boldi. Һazir härqandaq mädäniy çarä-tädbirlär şu yärdä štmäktä.
2017-jili kona mäktäp җiddiy remonttin štüp, balilar bağçisi eçildi. Һškümättin 163 million täŋgä bšlünüp, Dostluq yezisiniŋ 21,186 çaqirim su trubiliri avuşturuldi.
«Yaşlar jili» dairisidä märhum jutdaşlar rohiğa beğişlanğan turnirni Qaraturuq yeza okrugi hakiminiŋ orunbasari Bauırjan Soqurov yäkünläp, ğalip çiqqan komandilar bilän “äŋ yahşi” oyunçilarni mukapatlidi. Şundaq qilip, Qazaqstan (sürättä) yezisiniŋ komandisi I, Täşkänsu yezisiniŋ komandisi II, Açisay yezisiniŋ komandisi III, Qaraturuq yezisiniŋ komandisi IV orunğa erişti.
Ahirida Auğanbay haҗim Qıpşaqov yaşlarğa duasini bärsä, turnirniŋ hamiyi Marlan Sıdıqov šzigä yar-yšläk bolğan Dostluq yezisiniŋ jigitbeşi Räpiqҗan Ämätovqa, nahiyälik Uyğur etnomädäniyät märkizi Dostluq yeziliq şšbisiniŋ räisi Halbüvi Duganovağa, Hanim-qizlar keŋişiniŋ räisi Baharäm İmambärdievağa, Yaşlar keŋişiniŋ räisi Dilmurat İlievqa minnätdarliğini izhar qilip, sportçi yaşlarniŋ keläçäktä buniŋdinmu egiz çoqqilardin kšrünüşigä tiläkdaşliq bildürdi.
Turnirniŋ ahiri qazaqstanliq estrada yultuzliri Serikbol Saylaubekulı, Şıŋğıs Quralbaev, Aybar Serkebaev, Samat Janğazin, Ömirqul Aqniyazov vä «Madagaskar» topiniŋ qatnişişidiki kontsertqa ulaşti.

Ämgäkçiqazaq nahiyäsi.

Bälüşüş

Javap qalduruŋ