Dehanlar Kšktalda baş qoşti

0
51 ret oqıldı

Panfilov nahiyäsiniŋ Kšktal yeza okrugidiki «Koktal Agro» җavapkärligi çäklängän yoldaşliğiniŋ dehanliri bu jili 500 miŋ tonna hosul elişini kšzlävatidu. Bu häqqidä mäzkür egilikniŋ etizliğida štkän häliqara seminarda eytildi.

Gšhärbüvi İSMAYİLҖANOVA,
«Uyğur avazi»

İtaliya, Qizğizstan, Özbäkstan älliridin vä Almuta vilayitiniŋ Uyğur, Ämgäkçiqazaq nahiyäliridin kälgän yeza egiligi hadimliriniŋ aldida sšzgä çiqqan Panfilov nahiyäsiniŋ hakimi Talğat Ömiräliev tävädä yeza egiligi sahasida elip berilivatqan işlarğa täpsiliy tohtaldi. Bolupmu «etiz mälikisi» däp täriplinip, bahaliq ziraät süpitidä alahidä imtiyaz berilivatqan kšmüqonaq mäydaniniŋ jildin-jilğa käŋiyip, oma işliriniŋ başlanğanliğidin hävärdar qildi.
— Panfilov nahiyäsidä dehançiliq bilän çarviçiliq – işläpçiqirişniŋ häl qilğuçi amili bolup hesaplinidu. Şuniŋ üçünmu täväniŋ täräqqiy etip, güllinişi – birinçi novättä moşu ikki sahağa bevasitä munasivätlik. Ämäliyatta šz ipadisini tepivatqan yeŋi tehnologiyalar bilän ilğar täҗribilärni җariy qiliş arqiliq yärniŋ ünümdarliğini, malniŋ näsildarliğini aşuruş mäsililiri kün tärtividin çüşmäy, uniŋğa alahidä ähmiyät berilip kelivatidu, – däp täkitlidi hakim.
Biyil nahiyädä kšmüqonaq 26 miŋ gektarğa terilip, pärviş qilindi. Talğat Ömiräliev kšmüqonaqni tamçilitip suğiriş arqiliq, štkän jili mol hosul yetiştürgän «Koktal Agro» etizliğida štüvatqan seminarniŋ qatnaşquçiliriğa hosulni šz vaqtida jiğişturuş üçün küzniŋ härbir künini ğenimät bilip, süpätlik ayaqlaşturuşiğa tiläkdaşliq bildürdi.
— Däsläptä 80 gektar yärni tamçilitip suğirişni qolğa elip, uniŋ här gektaridin 160 tsentnerdin hosul alduq. Ötkän jili bolsa, uniŋ mäydanini 300 gektarğa yätküzduq. Bu, demäk, adättiki suğiriş arqiliq 700 gektar mäydandin elinğan hosul bilän baravär boldi. Biz äynä şu ilğar tehnologiyalärni ämäldä, täҗribidä sinap, paaliyitimizni qädämmu-qädäm käŋäytivatimiz, — dedi «Koktal Agro» җavapkärligi çäklängän yoldaşliğiniŋ rähbiri Jänibek Ohapov.
Almuta vilayätlik yeza egiligi başqarmisiniŋ başliği Mahsut Japparovniŋ täkitlişiçä, vilayät boyiçä 2 şähär vä 15 nahiyädä 5000 dehan egiligi bu bahaliq ziraätni šstürüş bilän şuğullinidu. Bu jili här gektaridin 68 tsentnerdin hosul eliş mähsät qilinivetiptu. Uniŋ üçün hämmä şarait bar. İmkaniyät yaritildi. Mineralliq oğutlar šz vaqtida berilip, dehanlar yeŋi ilğar tehnologiyalärdin paydilinip, pärviş qildi. Etiz märdaniliriğa, җümlidin 1385 dehan egiligigä 706 tonna kšmüqonaq uruğini setiveliş üçün 287,7 million täŋgä subsidiya berildi.
Vilayätlik yeza egiligi başqarmisiniŋ başliği nahiyälik yeza egiligi başqarmiliriğa terilğu mäydanlirini yänimu käŋäytip, egiliklärni süpätlik uruq bilän täminläş väzipisini jüklidi.
Etizdiki seminarniŋ ahirida lotereya oyunliri oynitilip, dehanlar etiz-eriq işliri üçün haҗätlik närsilärni utuvaldi.

Panfilov nahiyäsi.

Bälüşüş

Javap qalduruŋ