Konkurs ğalipliri mukapatlandi

0
128 ret oqıldı

Muällimlär küni harpisida “Qazaqstan” Märkiziy kontsert zalida Җumhuriyätlik “Äŋ yahşi pedagog” konkursiniŋ ğaliplirini mukapatlaş märasimi bolup štti.
Konkurs uyuşturuluvatqan säkkiz jilda uniŋğa 35 127 muällim qatnişip, mäktäp yeşiğiçä vä ottura, tehnikiliq häm käspiy bilim beriş sistemisida işlävatqan 432 pedagog “Äŋ yahşi pedagog” bälgüsigä erişip, miŋ ayliq hesap kšrsätküçi miqdarida ahçiliq mukapatqa erişti. Biyil konkursqa qatnaşqan üç miŋdin oşuq muällim arisidin 64 adäm ğalip çiqti.
Täntänilik mukapat tapşuruş märasimi Roza Rımbaeva, Arujan Sain, Nurlan Älimjanov vä Dimaş Qudaybergenniŋ muällimlär namiğa video arqiliq muraҗiät qilişidin başlandi.
– Muällimlär küni – häqiqätänmu umumhäliq mäyrimi. Bu küni biz muällimlirimiz namiğa qançilik minnätdarliq sšzlirini eytmayluq, u haman az bolidu. Män šzämniŋ däsläpki muällimim Lyudmila Valentinovnani äskä alimän. U maŋa alahidä munasivät qilidiğandäk bilinätti. Bilimänki, sinipdaşlirimniŋ hämmisi şundaq oyda edi. Şundaq ekän, siniptiki härbir baliniŋ šzini alahidä his qilğini bu – näq pedagog talanti, degän sšz. Mämlikitimizdä şundaq muällimlär nahayiti nurğun. Äynä şular tüpäyli hazir bizniŋ mämlikitimiz utuq qazinivatidu, – däp täbriklidi käsipdaşlirini Qazaqstan Җumhuriyitiniŋ bilim vä pän ministri Ashat Aymağambetov. Ministr muällimlärgä salamätlik, utuq-muvappäqiyät, oquğuçilar minnätdarliğini ata-anilarniŋ çüşinişini tilidi. U şundaqla “Pedagog märtivisi toğriliq” birinçi qanunniŋ qobul qilinişi vä muällimlärniŋ iş häqqini aşuruş üçün byudjetta kšzdä tutulğan 3 trillion täŋginiŋ dšlätniŋ muhim mäsililärgä diqqät ağduruşini ispatlaydiğan çoŋ utuq ekänligini täkitlidi.
Andin keyin Ashat Aymağambetov vä Parlament deputatliri Baqıtjan Jumağulov, Murat Baqtıyarulı, Dinar Nšketaeva, Äbdimanap Bekturğanov vä Natal'ya Jumadildäeva “Äŋ yahşi pedagog – 2019” Pähriy unvaniğa sazavär bolğanlarni mukapatlidi.
Biyilqi täntänilik çarä-tädbirniŋ yänä bir alahidiligi –“Qazaqstan muällimi” mukapitiniŋ tapşuruluşidur. Uni Qazaqstan Ekologiyalik täşkilatlar assotsiatsiyasi prezidiuminiŋ räisi Äliya Nazarbaeva tapşurdi.
– Mäktäp – bu bena ämäs, mäktäp – bizniŋ muällimlirimiz. Män moşu sähnidin hämmiŋlarni muällimlirimizni hšrmätläşkä, ularni qädirläp-bahalaşqa çaqirimän. Kälgüsi ävlatni oqutuş ohşaş çoŋ җavapkärlik şularğa jüklängän. Ularniŋ väzipisi bilim arqiliq balilirimizğa mämlikätni sšyüş, çoŋlarni hšrmätläş, yahşi vä paydiliq adämlärdin boluş ohşaş qädriyätlärni siŋdürüştin ibarät. Silärgä, qimmätlik pedagoglar, qiyin vä җavapkärlik ämgigiŋlar üçün minnätdarliq bildürimän, – däp muraҗiät qildi muällimlärgä Äliya Nazarbaeva.
Ahirida şuni qoşumçä qilimizki, Җämiyätlik ähmiyätkä egä täşäbbuslarni täräqqiy ätküzüş fondi täsis qilğan mukapatqa erişkänlärniŋ äŋ yahşi on ämgigi kelär jili martta Dubayda štidiğan “Duniya muällimi-2020” häliqara konkursiğa ävätilidu.

Bälüşüş

Javap qalduruŋ