Qälbkä mädät bärgän uçrişiş

0
116 ret oqıldı

Mana, häş-päş degiçä bizniŋmu mäktäp qoynidin uçum bolğinimizğa 60 jil toluptu. 1959-jili Çoŋ Aqsu yezisidiki ottura mäktäpni üç sinip bolup 76 näpär qiz-jigit tamamliğan eduq. Elimizniŋ Tunҗa Prezidenti – Elbası Nursultan Nazarbaevniŋ “Keläçäkkä nişan: mäniviy yeŋiliniş” maqalisida “Tuğulğan yär – härkimniŋ aççiq jiğisi bilän yärgä çüşkän, mäydisi bilän šmüläp, işäşlik qädäm basqan hasiyätlik makani, nurğunliğan insanniŋ hayat käçüridiğan šlkisi. Uni qäyärdila jürmisun, jüriginiŋ qetida saqlimaydiğan insan yoq” däp täkitlänginidäk, biz, uçumkarlarniŋ, hayat yolumiz härhil bolup, härhil җaylarda yaşap, ämgäk qilsaqmu, tuğulğan jutumiz – Çoŋ Aqsu, ana mäktivimiz härqaçan bizni šz qoyniğa tartip turidu. Mana, aridin 60 jil štkändin keyin ana mäktivimizni, jutumizni vä bir-birimizni kinäp, ana jutta didarlaştuq.
Bu jillar arisida sinipdaşlirimizniŋ nurğuniniŋ baqiliq bolup kätkänligi jürigimizdä qattiq eçiniş tuyğulirini oyğatti. Һayat sinipdaşlarniŋ bäziliri salamätliginiŋ yar bärmäsligidin mäzkür uçrişişqa qatnişalmaydiğanliğini eytip, üzür soraşti.
Bu qetimqi uçrişişqa 14 näpär sinipdaş qatnaşti. Ötkän dävrimiz, yäni yaşliğimizğa qaytip, jürigimizdä vuҗutqa kälgän illiq-issiq his-tuyğulirimiz bilän yanğandäk bolduq. Qälbimizdiki bu täbiiy halät bir-birimizgä çoŋ mädät äta qilğanliği häqiqät.
Sinipdaşlirimizdin Maris Varisov, Turdiğoҗa Şämşidinovniŋ bizni uşbu baş qoşuşqa dävät qilişi rohlandurdi. Sinipdişimiz Roshan bilän Asiyämniŋ šyidä didarlişişimizni ğenimät bilgän vä bir-birimizgä bolğan issiq munasivätlirimiz tehimu roşän ispatlidi. Taşkänt vä Almuta şähärliridin kälgän vä Uyğur nahiyäsidä istiqamät qilivatqan sinipdaşlirimizni sahiphanlar çoŋ täyyarliq bilän kütüvaldi. Mol vä bärikätlik dästihan üstidä štkän yaşliq hayatimizni vä bizgä tälim-tärbiyä bärgän ustazlirimizni äsliduq.
Vapat bolup kätkän Raziyäm Abitova, Nurvanäm İmrämzieva, Nurälähan Muhtärova, Avakri Arziev, Mäsimahun Mäŋsürov, Sävirdin Abitov, İvrayim Säydimov, Heliçäm Mähpirova, Şavdun Һeytbaqiev, Ähmät Zordinov, Sinçihan Setäkova, Bahavdun Nadirov, Yaqup Mäsütov, Rabiyäm Abdullaeva vä başqimu ustazlirimizniŋ rohiğa atap, qur°an oquduq. Һazir hayat ustazlirimizğa uzaq šmür vä mustähkäm salamätlik tiliduq.
Ätisi ana jutumiz Çoŋ Aqsudiki “Rasul” toyhanisida uçrişişimizni davamlaşturduq. Uniŋğa ustazlirimizdin päqät Turdi aka Muhametov qatnişiş imkaniyitigä egä boldi. Ustazimiz oquğuçilirini kšrüp, hoşalliğini yoşuralmidi. Һämmimizgä amanliq, uzaq šmür tilidi.
Ötmüşkä kšz taşlisaq, Abdulҗan Bäraev tarihiy Vätinimizdin kšçüp çiqip, Çoŋ Aqsuda 7-siniptin 10-sinipqiçä biz bilän oqudi. Taşkänt şähiridiki aliy oquş ornini tügätkändin keyin, Moskva şähiridä tehnika pänliriniŋ namziti, keyiniräk doktorluq dissertatsiyasini yaqlidi. U hazir kšpkä tonulğan professor, tehnika pänliriniŋ doktori, birnäççä ilmiy vä bädiiy ämgäklärniŋ muällipi.
Moşu qurlarniŋ muällipi Taşkänt Politehnika institutiniŋ Energetika fakul'tetini tamamlap, “Energonaladka” mähkimisidä injener, andin brigada injeneri lavazimlirida işlidi. Taşkänt -GRES, Sirdäriya-GRES vä Tahiyataş-GRESliriğa çoŋ kurator lavazimida, andin keyin härbiy naladkiğa štüp, Şämäy şähiridiki 2-Tank zavodida injener, şundaqla AQŞ – SSSR otturisidiki OSV – 2 kelişimi asasida SSS – 80 raketilirini uҗuqturuş üçün Sarı-Özek poligonida paaliyät elip bardi.
Roshan Yüsüpova “Arzu” — ansambliniŋ hulini salğanlarniŋ biri. Mäzkür ansambl' qurulğan däsläpki jillirida sän°ät kollektivi Moskvada štkän häliqara festival'ğa qatnaşqanliğini sän°äthumarlar yahşi bilidu. Mana şu festival'ğa Roshan “Çinä-tähsä ussuli” bilän qatnişip, tamaşibinlarni qayil qilğan vä laureat atalğan.
Turdibüvi Mämirova Taşkänt universitetiniŋ Biologiya vä Zoologiya fakul'tetini tamamlap, Haliqabad şähiridiki mäktäplärniŋ biridä däsläp ustaz, keyin mäktäp mudiriniŋ orunbasari hizmitini atqurğan. Aminäm Sadiqova Uyğur nahiyäsiniŋ Çonҗa yezisidiki avtobazilarniŋ biridä baş buhgalter lavazimida ta hšrmätlik däm elişqa çiqqiçä işligän.
Klaräm Şavdinova bilän Tursunbüvi Mäsimova tibbiy hadimlar. Häliq salamätligini saqlaş yolida mehnät qildi.
Һelimäm Ämätova pütkül aŋliq hayatini soda sahasiğa beğişlidi.
Maris Varisov Çoŋ Aqsu yezisi “Ämgäk” kolhoziniŋ härhil sahalirida işläp, hšrmätlik däm elişqa çiqqan.
Süriyäm Säydimärova Alaqä tehnikumini tamamlap, Çonҗa vä Kätmän yeziliridiki poçtida işlidi. Heliçäm Zakirova bilän Җännät Ähmätova šy işidiki ayallardin bolup, pärzänt quçup, balilirni aŋliq, savatliq qilip tärbiyiläp, hayatqa uçum qildi.
Abduvaҗit İmirov vä Turdiğoҗa Şämşidinovlar egilik işliriğa paal arilişip, bu künlärdä dehançiliq, çarviçiliq, tiҗarätçilik bilän şuğullinivatidu.
Atmiş jildin keyin uçraşqan sinipdaşlar mäzkür çarä-tädbirni Çoŋ Aqsu yezisidiki Mädäniyät šyiniŋ aldiğa ornitilğan ot jüräk, vätänpärvär vä talantliq şair Lutpulla Mutällipniŋ häykili aldida hatirä sürätkä çüşüş bilän ayaqlaşturduq.
Hulläs, biz uşbu baş qoşuştin keyin härbirimizniŋ besip štkän yoliniŋ härhil ekänligini bilduq. Älvättä, härbirimizniŋ hayat yoli – çoŋ bir tarih. Çünki hämmimizniŋ älniŋ ihtisadiy-iҗtimaiy vä mädäniyät sahalirida pidakaranä ämgäk qilip, täräqqiyat üçün birkişilik ülüş qoşqanliğimiz şübhisiz.

Mahmut NURAHUNOV.
Uyğur nahiyäsi.

Bälüşüş

Javap qalduruŋ