«Varis» kollektsioner hozurida boldi

0
88 ret oqıldı

Yeqinda biz, “Varis” ädäbiy-iҗadiy birläşmisiniŋ äzaliri, ataqliq kollektsioner Azat Һekimbägniŋ şähsiy salonida bolup, çoŋqur täsirat ilkidä bolduq. Bu yärgä kälginimizdä, qandaqtu-bir äyminiş häm hoduquş tuyğulirida bolğinimiz rast. Biraq Azat aka Һekimbäk aldimizğa çiqip, bizni illiq qarşi alğan päyttä bayiqi ändişilirimiz birdinla yoqap, šzimizni ärkin his qilduq.
Azat aka uçrişişniŋ däsläpki minutliridila bizgä şähsiy galereyadä meŋiş-turuş qaidisini tonuşturdi. Dit bilän tizilğan äsir-ätiqilärniŋ tarihidin sir çekidiğan salon qandaqla adämni šzigä birdinla җälip qilip, jiraq štmüşlärni çarlitatti. Jigitlärniŋ diqqiti därhal kona qural-yaraqlarğa çüşsä, hä biz, qizlar, zärgar buyumlar bilän tamğa ilinğan sürätlärgä qiziqtuq. Azat aka buni säzgändäkla “qoluŋlar bilän tutup kšrsäŋlar bolidu” däp, bizni tehimu hayaҗanlandurdi. «Unvan-ataqliri yetip-aşidiğan, abroy-inaviti tolimu üstün insan šzini başqiçä tutidiğandu» däp oyliveduq. Yaq, u tolimu kämtar, täpäkküri çoŋqur, mädäniyätlik, yaşlar bilän yaşçä, çoŋlar bilän çoŋçä muamilä qilidiğan şähs ekän. Uniŋ sšzläp bärgän qiziqarliq vaqiäliri, bizgä bärgän mäslihätliri yaşlarni därhal šzigä ram qilivaldi. Qisqisi, biz u küni alahidä rohiy ozuq elip qayttuq.
Mälumki, Azat aka “Varis” ädäbiy-iҗadiy birläşmisi tärkividiki yaşlarni däsläpki kündin tartip qollap-quvätläp, ularniŋ kitaplirini näşir qilişqa qol uçini sunup kelivatidu. Bu qetim Azat Һekimbägniŋ yaşlarğa täyyarliğan yänä bir yeŋiliği barkän. 2020-jili, “Yaşlar jiliniŋ” yäküni süpitidä, ädäbiyat sahasida alahidä mukapat tayinlaşni niyät qilivetiptu. Birinçi mukapat üçün 300 000 täŋgä, ikkinçi mukapat üçün 200 000 täŋgä vä üçinçi mukapat üçün 100 000 täŋgä miqdarida soğa bälgüligänligidin hävärdar qildi. Andin u härbirimizgä šziniŋ yeqinda näşir qilinğan kitaplirini soğa qildi.
— Män ataqliq mädäniyät ärbabi Azat aka Һekimbägniŋ antik buyumlar saloniğa ilgiri iş babi bilänla kälginim bolmisa, bu җayni uzaq ziyarät qiliş pursitigä egä bolmiğan edim. Bu qetim «Varis» ädäbiy-iҗadiy birläşmisi äzaliri bilän birliktä qedimiy buyumlar, räsimlär, äsär-ätiqilär, kitaplar vä başqimu štmüş tarihqa ait närsilärni kšzdin käçürüş imkaniyitigä egä boldum. Azat Һekimbägniŋ saloniğa kiripla, uniŋdiki qandaqtu-bir sirliq vä tilsim muhitniŋ äsirigä çüşüp qalğanliğimiz tüpäyli, uçrişişniŋ şäkil-qaidilirimu ästin çiqip ketiptu. Çünki bizni jiraq tarihniŋ sadalirini yaŋritip turğan härhil buyumlar, bolupmu hälqimiz tarihiniŋ parçilirini äkis ättüridiğan kona äsär-ätiqilär hayaҗanğa salğanliği rast. Bu yärdiki härbir buyumniŋ tarihi šzi bir tarih ekän…
Uçrişişniŋ beşidila, bizni illiq qarşi alğan Azat aka, baş qoşuşniŋ ahiriğiçä bizgä sän°ät, iҗadiyät adämliriniŋ vä šziniŋ hayati, iҗadiy paaliyiti häqqidä qiziqarliq hekayilärni sšzläp bärdi. Ädäbiyat, sän°ät sahaliridiki šzgiçiliklär, iҗatniŋ qir-sirliri häqqidiki pikir-mulahiziliri bilän bšlüşüp, yaşlarğa untulmas däqiqilärni hädiyä qildi, — däydu yaş şair Vil'yam Molotov.
Şairä Aida Ähmätova «Uyğurniŋ tarihini bir bšlmigä qaçiliğan Azat aka Һekimbäkkä minnätdarliğim çäksiz. Bizniŋ hälqimiz qedimiydin tarihqa vä mädäniyätkä bay häliq. Bu yärdiki härbir buyumni qiziqiş bilän qarap çiqtim. Uçrişişqa kälginimgä intayin hoşal boldum. Azat aka bilän bolğan sšhbät jürigimdin çoŋqur orun aldi» desä, Dilfuza Rozieva šz oyini mundaq izhar qildi: «Öz hälqini çäksiz sšygän Azat aka Һekimbäg päqät šziniŋ ailisiniŋ tarihtiki ornini biliş üçün izdinipla qoymay, bälki uyğur hälqiniŋ täräqqiyatiğa vä şundaqla šz zamanisiniŋ aldinqi qatarliq insanliridin bolğan Velivay Yoldaşev vä Һakimbäg ğoҗa qatarliq şähslärniŋ hayatini qetiqinip üginiş üçün tinmay izdängini meni täsirländürdi».
– Ataqliq kollektsioner-antikvar, rässam, җämiyät ärbabi, şair, metsenat Azat Mirzatoğli Һekimbäkniŋ hozurida mehmanda bolup, çoŋqur täsiratlar ilkidä qaldim. İçki duniyarim, oy-hiyallirim äҗayip hissiyatqa bšländi. Tonulğan rässamlarniŋ ämgäkliri, härhil millät väkilliriniŋ zebu-zenätliri, qoça-qomuçlar, piçaq-qiliçlarni, kitaplarni kšrüp, šzämni, huddi çoŋ bir tarihiy mirasgahta jürgändäk, bähitlik his qildim. Azat Mirzatoğli antikvar buyumlarniŋ qisqiçä tarihini sšzläpla qoymay, biz, yaşlarğa, šziniŋ hayat täҗribisi, šmürgä bolğan kšzqaraşliri bilän bšlüşti. Şundaqla yaş şair-yazğuçilarğa rässam süpitidä härqandaq bezäş işlirida räŋlärni vä näqişlärni muvapiqlaşturuş toğrisida bärgän bebaha mäslihätliri şähsän män üçün paydiliq boldi, — däydu Hurşidäm Һezimova.
Umumän, Azat aka Һekimbäk uyğurlar arisida moşu sahada utuqqa erişkän yalğuz şähs. Uniŋ ämgäkliri hälqimiz mädäniyitigä qoşulğan zor tšhpä ekänligi talaşsiz.
Gülnaz SÄYDULLAEVA.

Bälüşüş

Javap qalduruŋ