Häliqni tävrätkän komzäk

0
93 ret oqıldı

Yoldaş MOLOTOV,
«Uyğur avazi»

Ötkän häptidä iҗtimaiy torlarda Uyğur nahiyäsiniŋ Ğalҗat yezisida tepilğan komzäk toğriliq ähbarat çaqmaq tezligidä taraşqa başlidi. Äynä şu hävärlärdä däsläp yezidiki bir šydä quruluş işlirini jürgüzüvatqanlarniŋ tepilğan komzäkni kšrsitivatqan videosi tarqidi. Kšp štmäyla äynä şu tepilğan komzäk içidin çiqqan «altunlarniŋ» sürätliri, barliq vaqiäni «šz kšzliri» bilän kšrgän «guvaçilarniŋ» җanliq avazdiki uçurliri kelişkä başlidi.
Şularğa asaslansaq, gäp boluvatqan komzäktin 40 kilogrammdin oşuq altun çiqqanmiş, komzäktin äpiyün tepilğanmiş, komzäktä «1630-jil, Ğoҗämbärdi» degän yeziq barkänmiş, yeza tšvinidä politsiya hadimliri turuvelip, šzgilärni Ğalҗatqa kirgüzmäyvetiptäkmiş, ğalҗatliqlar ammiviy räviştä ğäznä izdäşkä kirişip ketiptumiş vä hakazilar.
Ätisi komzäktä heçnemä bolmay, päqät kiçik bala җäsädiniŋ süyäkliri bar ekän degän hävär käldi. Täkitläş lazimki, bu hävärlärniŋ hämmisi miş-mişlardin ibarät boldi. Şuŋlaşqa biz äynä şu “komzäkni tepivalğan”, istipadiki polkovnik Sultanmurat Kebirovqa telefon arqiliq muraҗiät qilduq.
— Öyümizgä su kirgüzüş üçün koça täräpni koliğan eduq. Biraz koliğandin keyin yoğan komzäkni tepivalduq, — dedi Sultanmurat.— Jutdişim häzil süpitidä uni videoğa çüşirip, tonuşlarğa ävätivetiptu. Şuniŋdin keyin härhil miş-mişlar tarqilişqa başlidi. Buniŋğa šzimizmu häyran qalduq. Äynä şu komzäkni tepivalğan şähs süpitidä däydiğinim, tarqilivatqan hävärlärniŋ hämmisi yalğan. Biz tepivalğan komzäktin topa vä hazirqi aldin-ala tähmin boyiçä, kiçik baliniŋ süyäkliri çiqti. Başqa heçnemä yoq. Mana ikki kün ilgiri İşiktä dšlätlik mädäniy-tarihiy qoruq-mirasgahiniŋ hadimi A.Amarğaziev kelip, tepilğan komzäkni tätqiq qiliş üçün elip kätti. Ändi alimlar uni üginidu. Komzäkniŋ “sirini” şulardin soraş keräk. Mana bolğan vaqiä moşu.
Şundaq qilip, bir häptä davamida häliqni häläykümgä salğan “komzäk vaqiäsiniŋ” häqiqiti moşundaq. Ändi alimlarniŋ tätqiqat nätiҗilirini kütimiz.

Bälüşüş

Javap qalduruŋ