Ruslan TOHTAHUNOV: «Teatr – päqät artist bilänla teatr…»

0
380 ret oqıldı

Az künlärdin keyin Q.Ğoҗamiyarov namidiki dšlät akademiyalik Uyğur muzıkiliq-komediya teatri šziniŋ novättiki 86-mävsümini başlaydu. Şu munasivät bilän Uyğur teatriniŋ mudiri, Qazaqstan Jumhuriyitiniŋ hizmät kšrsätkän ärbabi Ruslan TOHTAHUNOVni sšhbätkä җälip qilduq.
– Ruslan Abduşüküroğli, 1934-jili 25-sentyabr' küni šz paaliyitini Җalal Asimov vä Abdulhäy Sadirovniŋ «Anarhan» muzıkiliq dramisi bilän başliğan Uyğur teatri bu künlärdä 85-davanğa kštirildi. Äşundaq şanliq tarihi bar milliy teatrimizğa ahirqi tšrt jilda siz rähbärlik qilip kelivatisiz. “Hälqimizniŋ duniyadiki yalğuz milliy teatri” degändä sizniŋ kšz aldiŋizğa nemilär kelidu?
– Uyğur teatri šziniŋ däsläpki qädimidinla hälqimizniŋ šlmäs tarihini, mädäniyitini, tili bilän än'änilirini tärğip qilip, millitimizniŋ iptihar mänbäsi süpitidä qudrätlik tärbiyä vasitisi rolini atqurmaqta. Һeçkim üçün sir ämäski, Uyğur teatriniŋ täräqqiyati intayin muräkkäp tarihiy väziyätlär qaynimiğa duç käldi. Ötkän äsirniŋ ottuzinçi jilliridiki ammiviy täqipläşlärdä, Uluq Vätän uruşi jillirida uyğur sän'ätkarliri iradilik bilän šzlirigä jüklängän väzipiniŋ hšddisidin utuqluq çiqti. Teatr sähnisidä milliy namayändilirimiz Sadir palvan, Mahmut Ğoҗamiyarov, Bilal Nazim, Abdulla Rozibaqiev, Ähmätҗan Qasimiy, Barçuq Arttekin, Bayançur, İparhan, Amannisahan, Abdureşithan, Lutpulla, Nazugum, Mahmut Qäşqäriy, Yüsüp Has Һaҗip, Abduqadir Damollam käbi yarqin obrazlar tamaşibin bilän üz kšrüşti. Teatrniŋ tarih sähipilirini varaqliğanda, säksän bäş jil içidä käspiy uyğur teatr sän'itiniŋ täräqqiyatiğa alämçä ülüş qoşqan barliq iҗatkarlarniŋ mehniti kšz aldimğa kelidu.
Qazaq yazğuçisi Säbit Muqanov: «On ikki muqam – uyğur hälqiniŋ «a» din tartip, «ya» häripigiçä bolğan hämmä nahşa-muzıka bayliğini šz içigä alğan qamus», däp täripligän ekän. YuNESKO täripidin duniya miqiyasidiki mädäniyät yadikarliqliri tizimidin orun alğan «On ikki muqamni» üginiş vä tärğip qilişta «Nava» fol'klor vä «Ruhsarä» ussul ansambl'liri җiddiy paaliyät jürgüzüvatidu.
Teatr – alahidä muräkkäp bir organizm. Bu künlärdä män mudir süpitidä javapkärligi bäk üstün, җiddiy җäriyanni šz beşimdin štküzüvatimän, desämmu bolidu. Һämmigä mälum, bultu teatrimiz benasi qayta quruluş işliri üçün yepilğan edi. Һazir remont işliri qizğin ketip baridu. Barliq injenerliq vä kommunikatsiya sistemiliri almaşturuluvatidu. Sähnimu yeŋilinidu. Yeŋi yoruqluq vä avaz üsküniliri ornitilidu. Teatrniŋ içimu pütünläy šzgiridu. Bena toluq remontlinip bolğandin keyin kollektiv yeŋi sähnidä, benada iҗadiyitini davamlaşturidu.
– Siz bügün teatrdiki hizmitiŋizgä qanaätlinämsiz?
– Һazirçä qilğan işimdin qanaätlinivatimänmu yaki yoqmu eniq җavap berälmäymän. Teatrda mudirniŋ väzipisini atquruş, umumän, teatrda işläş intayin qiziq ekän. Kollektivta ikki yüzgä yeqin hadim bolsa, ularniŋ šzigä has ikki yüz türlük müҗäzi bar. Һär küni kabinetqa türlük- tümän problemilar bilän hadimlar novät kütüşidu. Ayliq maaş, mukapat pulliri, turuşluq šy mäsilisi, iş җäriyanidiki bäzibir kelişmäsliklär, muälliplärniŋ qälämhäqqi, şähsiy turmuştiki problemilar. Ularniŋ härbirini diqqät bilän tiŋşaymän, andin mäsilini nätiҗidarliq qilip yeşişkä tirişimän, qolumdin kelişiçä yardäm qilimän.
– Һämminiŋ yadida bolsa keräk, buniŋdin top-toğra jigirmä bäş jil ilgiri, yäni 1994-jili teatrimiz vaqitliq yepildi. Şu päyttä biz, teatr kollektivi, koçida qalduq. Päqät elimizniŋ Tunҗa Prezidenti Nursultan Nazarbaevniŋ tapşurmisi, Mädäniyät ministrligi, Almuta şähärlik hakimiyät, hälqimiz içidin yetilip çiqqan bir türküm sanaätçi, tiҗarätçilär, җay-җaylardiki häliq ammisiniŋ yeqindin qollap-quvätlişi bilän yättä jilğa sozulğan quruluş rekonstruktsiya işliri utuqluq ayaqlaşti. 2002-jili 1-oktyabr' küni yeŋi benaniŋ eçiliş märasimiğa Nursultan Nazarbaev qatnaşti. Teatrimizniŋ bu qetimqi qayta quruluş işliriniŋ asasiy sävävini çüşändürüp štsiŋiz?
– Bu soalğa җavap beriş üçün teatrimiz benasiniŋ intayin uzun tarihini äsläp štüşkä toğra kelivatidu. 1935-jili NKVDniŋ 480 orunluq Mädäniyät šyi bolğan bu benani, birinçi duniya uruşidin keyin moşu yärdä qalğan yapon mähbusliri nahayiti puhta yasiğan ekän. Päqät 1969-jildin tartip mäzkür bena Uyğur teatriğa berilgän. Benada heçbir tehnikiliq mümkinçiliklär yoq. Mäsilän, sähnä aylanmaydu, tšvän çüşmäydu yaki juquriğa kštirilmäydu. Orkestr yamisimu şu ähvalda. Sähnigä yoruqluq vä avaz beridiğan tehnikiliq җabduqlar 1934-jildin beri moşu kämgiçä bir qetimmu toluq җšndäştin štmigän, mutlaq yeŋilanmiğan. Uniŋ üstigä kona çedirdin yamğur tamçilavärgäçkä, sähniniŋ šp-çšrisi pütünläy çirip, kardin çiqqan. 1994 — 2002-jillardiki rekonstruktsiyadä bena birqädär yeŋilanğan bolsimu, teatr üçün äŋ muhim bolğan sähnini җšndäş işliri keyingä qaldurulğan ekän. Sävävi, cähnini qaytidin zaman täläplirigä layiqlap yasap çiqiş üçün nahayiti kšp mäbläğ lazim bolğan. Demäk, elimizdiki şu bohrançiliq jillirida hškümät organliri bu pulni aҗritip berälmidi. Şundimu biraz vaqittin keyin sähnini toluq җšndäş üçün hškümät mäbläğ bšlidiğan bolup kelişilgän ekän. Bu qetimqi quruluş işiniŋ qolğa elinişida Qazaqstanniŋ häliq artisti, teatrimizniŋ bädiiy rähbiri Murat Abdrimoğli Ähmädiev kšp küç çiqardi. Parlament Mäҗlisiniŋ Byudjet vä maliyä komitetiniŋ räisi Gul'jan Qaragusova teatrimizğa käldi vä biz uniŋğa teatrimizniŋ işläş üçün nahayiti hätärlik bolğan sähnisini, uniŋ ätrapi, sähniniŋ asti, bügünki zamaniviy teatrlarniŋ heçqaysi işlätmäydiğan kona tehnikisini kšrsättuq. Mundaq ähvalni kšrgän Gul'jan Janpeisqizi vä komitettiki on ikki näpär deputat «Uyğur teatrini qayta rekonstruktsiya qiliş mäsilisini keyinki jilniŋ byudjetiğa kirgüzüş keräk» degän hšҗҗätkä qol qoydi häm üçjilliq byudjetqa kirgüzdi. 2018-jili iyul' eyida quruluş işlirini başliduq. Ötkän vä biyilqi jillarğa bšlüngän mäbläğni toluği bilän šzläştürduq. Şuniŋ nätiҗisidä tehi yeqinda artistlirimiz qayta remontlanğan repititsiya zallirida šzliriniŋ mäşiqlirini başlidi. Novättä sähnä pütünläy yeŋilinip, zamaniviy muräkkäp tehnologiyalik җabduqlar bilän täminlinidu. Şundaqla tamaşibin zali, vestibyul' häm foyemu toluq yeŋilinidu. Qolayliq zal, ikki qävätlik balkon, lodja – bularniŋ hämmisi zamaniviy teatr täläplirigä җavap beridiğan bolidu.
– Yeŋilanğan teatrimiz benasiniŋ kšrünüşi qandaq stil'da bolmaqçi? Memarçiliq yeŋiliqliri häqqidä eytip štsiŋiz?
– Tatrimizniŋ rekonstruktsiya işlirini Qazaqstandiki yetäkçi memarlarniŋ biri Şšhrät Yüsüpov ämälgä aşurğan ekän. Bu qetimmu šz hšddisigä aldi. Şšhrät aka asasän Turpandiki «Miŋ šy» yadikarliqliriniŋ ülgisini paydilanmaqçi. Memarniŋ bu layihisini bizmu qollap-quvätliduq. Memar seğiztopiliq tamlarğa oyup yasalğan räsimlärni toluq äkis ättürgän halda, «Miŋ šylärdiki» räsimlärniŋ äsli nushilirini «tirildürüşkä» tirişivatidu. Teatrniŋ bu qetimqi inter'eriniŋ asasiy materiali – seğiz topidin quyulğan ham kesäk bolup hesaplinidu. Bu arqiliq yeŋilanğan milliy teatrimiz benasiğa qädäm täşrip qilğan adämlär, vestibyul', foyeda äҗdatlirimizniŋ İslam jämiyitigiçä, yäni budda dävrigä täälluq qayta tiklängän mädäniyitimizniŋ esil durdaniliri bilän tonuşidu. Ham kesäktin qopurulğan tamaşibin zaliniŋ tamliri, balkonniŋ asti täripidiki vestibyul' bšlümidiki bezäklär Kuçadiki «Qizil miŋ šy» tamliridiki toluq saqlanğan bezäklärniŋ kšçärmisidur. Uniŋ mähsiti – şu yadikarliqlarniŋ kšçärmisi bilän «Miŋ šy» nämunilirini bügünki ävlatlarğa tonuşturuş.
Layihiniŋ ikkinçi qismida İslam duniyasi (X–XVİ äsirlär) mädäniyitiniŋ nämuniliri orun aldi. Bu yärdä Baburnamä äsäri nämuniliridin paydilinilidu. Ular şu dävirdiki hayat, mädäniyät, sän'ät arhitekturisini täsvirläydiğan miniatyurilardin ibarät. Uşbu syujetlar muzıkiliq äsärlär, ussullar vä başqilarni namayiş etidu. Bularniŋ hämmisi hazirçä päqät layihidä šz ipadisini tapqan. Uyğur teatri benasiniŋ yeŋi inter'er ülgisi tamaşibinlarniŋ tälivigä җavap beridu, däp ümüt qilimiz.
— Ruslan Abduşüküroğli, sähnimiz qandaq yeŋi zamaniviy tehnologiyalär bilän täminlinidu?
– Bu künlärdä sähnä kompleksi Rossiyadä toluq jiğilip, yasilip boldi. Az kündä täyyar sähnini äkelip ornitimiz. Sähnä üçün keräk bolğan barliq tehnologiyalik җabduqlar Evropa, Amerikidin mähsus buyrutma bilän kältürüldi. Tamaşibin zalidiki, balkon, lodjidiki orunduqlarmu alahidä buyrutma bilän täyyarlinivatidu. Märmärdin yasalğan plitkilar bolsa, Misirdin kältürülmäktä. Yeŋi tehnologiya boyiçä sähnä peqiraydu, orkestr oltiridiğan җay tšvän çüşirilidu vä kštirilidu. Yeŋilanğan sähnidä yamğur yaki qar yeğivatqan, boran çiqqan, ot kätkän effektlarni toluq kšrsitiş mümkinçiligi bolidu. Mundaq qurallar bolupmu zamaniviy tehnologiyalärgä iştiyaq bağliğan yaş ävlatqa nahayiti yeqin vä çüşinişlik. Tavuş, yoruqluq, videoinstallyatsiya, sähnä tehnikisiniŋ härikiti bilän virtual üç šlçämlik makanni yaritip, tamaşibinni kšpäytäläymiz vä bu, meniŋ oyumçä, härqandaq spektakl'larni, kontsertlarni sähniläştürüş üçün yaritilidiğan äҗayip şarait. Bu hil avtomatik räviştä işläydiğan tehnologiyani başquridiğan käspiy mutähässislär: avaz rejisseri, yoruq bärgüçi, rejisserniŋ yardämçisi vä sähnä maşinistlirini oqutup täyyarlavatimiz. Yeqinda Qazaqstan Җumhuriyiti Parlamenti Mäҗlisiniŋ deputati, Qazaqstan hälqi Assambleyasi Keŋişiniŋ äzasi, җumhuriyätlik Uyğur etnomädäniyät märkiziniŋ räisi Şahimärdan Nurumov teatrimizniŋ iҗadiy kollektivi bilän uçrişip, «dügläk üstäl» ätrapida sšhbätläşkändin keyin, teatr benasidiki quruluş işliriniŋ ketip berişi bilän tonuşti. Deputat quruluş җäriyanida päyda bolğan härqandaq problema bilän muraҗiät qilişimizni eytti.
– Teatrimiz remontqa yepilğiniğa qarimay, bu künlärdä teatr kollektivi šz iҗadiyitini tohtatqini yoq. Şu toğriliq eytip štsiŋiz?
– Teatrimizda kšp jillardin beri işlävatqan abonement sistemisi davamlişivatidu. Һazir hämmä närsä qimmätlävatidu, lekin bizniŋ 2019 – 2020-jillarğa bälgülängän abonementlarniŋ bahasi burunqi däriҗisini saqlap qaldi. Bir abonementta җämi bäş oyun bolup, uniŋ ikkisi spektakl', qalğan üç qoyulum kontsertlardin ibarät. Oyunlirimiz asasän Ğ.Musrepov namidiki Balilar vä šsmürlär teatri, Tuzdıbastav, Avat, Uzunyağaç, Qäynäzär mähälliliridiki Mädäniyät šyliridä bolmaqçi. Yeŋijilliq «Täbässüm» häzil-külkä kontsertliq programmimizni bu qetim 20-21-dekabr' künliri Җumhuriyät Sariyida štküzimiz. Yeŋi mävsümdä yeŋiliq kšp. Mäsilän, tamaşibinlirimiz N.Abboshonniŋ (rejisser Yalqunҗan Şämiev) «Tänha yultuz» җiddiy komediyasi, Şekspirniŋ «Romeo Djul'etta» (rejisser Yalqunҗan Şämiev) tragediya, Alimҗan Bavdinovniŋ «Qäşqärdä mäş'äl» (rejisser Äziz İskändärov) tarihiy dramisi, Niyazҗan Tursunovniŋ bädiiy rähbärligidiki «Nava» ansambliniŋ «Muqamçilar» muzıkiliq äsärini (muällipi Ähmätҗan Һaşiri, rejisser Murat Ähmädiev), El'mira Säydullaevaniŋ rähbärligidiki «Ruhsarä» ussul ansambliniŋ «Ussul sehiri» namliq (rejisser El'mira Säydullaeva) kontsertniŋ prem'erisini kšrüş imkaniyitigä egä bolidu. Ularni şähirimizdä qaysi teatr boş bolsa, şu sähnilärdä tamaşibinğa kšrsitimiz, degän oyimiz bar.
Gastrol'luq paaliyitimizgä kälsäk, «Nava» ansambliniŋ repertuaridin «On ikki muqam» asasiy orunni egiläydu. Ansambl'niŋ aldiğa qoyğan mähsitimu bu qedimiy klassik äsärimizni keläçäk ävlatlarğa miras qilip qalduruştin ibarät. Moşu jili «Nava» ansambli, dramaturg Ähmätjan Һaşiriniŋ qälimigä mänsüp «Muqamçilar» (rejisser Murat Ähmädiev) namliq sähnä äsärini Türkiyaniŋ Stambul, İzmir, Bursa şähärliridä namayiş qildi. Teatrimizniŋ drama truppisi Dürnäm Mäşürovaniŋ «Täğdir qismiti» dramisi vä šzbäk dramaturgi N.Abboshonniŋ «Tänha yultuz» komediyasi bilän Panfilov, Uyğur, Ämgäkçiqazaq nahiyälirigä gastrol'ğa utuqluq berip qaytti. Yeqinda Qazaqstan Җumhuriyitiniŋ Mädäniyät vä sport ministrligi Qazaqstan hälqi Assambleyasi vä Qostanay şähiri hakimiyitiniŋ qollap-quvätlişi bilän V Qazaqstan etnoteatrliriniŋ җumhuriyätlik festivali bolup štti. Mäzkür festival'ğa Uyğur teatri «Apät» spektakli bilän qatnaşqan edi. Mäzkür äsär muällipi vä rejisseri – Qazaqstanniŋ hizmät kšrsätkän ärbabi Yalkunҗan Şämiev festival'niŋ “Üzdik rejisserlıq jwmıs» nominatsiyasi boyiçä laureat ataldi.
Bu künlärdä drama artistliri Һakimҗan Gülievniŋ «Dättikam» komediyasi (rejisser Äziz İskändärov), «Nava» fol'klor, «Ruhsarä» ussul ansambl'liri bolsa, dramaturg Ähmätjan Һaşiriniŋ qälimigä mänsüp novättiki «Çäpbayat» muqami üstidä işlävatidu.
– Yeqinda elimiz Prezidenti Qasım-Jomart Toqaev šziniŋ Qazaqstan hälqigä yolliğan “Konstruktiv җämiyätlik dialog – Qazaqstanniŋ turaqliqliği vä güllinişiniŋ asasi” namliq Mäktübidä hškümät täräptin mədəniyət sahasidiki hizmätçilärgä yetərlik dəriҗidə kšŋül bšlünməyvatqanliğiğa alahidä tohtaldi. «Ularniŋ maaşi keyinki jilliri tamamən šsmidi. Şuniŋ aqivitidin mədəniyət hadimliri, bolupmu yaş mutəhəssislər yenikçiligi bar turuşluq šy programmiliriğa qatnişalmaydu. Kelər jildin başlap Һškümət mədəniyət hadimliriniŋ maaşini kštirişi lazim. Şundaqla bilim beriş və salamətlikni saqlaş sahaliridiki məҗburiy iҗtimaiy yenikçiliklər mədəniyət sahasiniŋ vəkillirigimu berilişi kerək» däp täkitlidi Prezident. Andin biyil elimizniŋ Tunҗa Prezidenti – Elbası Nursultan Nazarbaevniŋ täşäbbusi bilän «Yaşlar jili» atilip štüvatidu. Sän'ät sahasidiki yaşlar mäsililirigimu näzär taşlaydiğan vaqit pişip yetildi, däp oylaymän. Umumän, teatrimizdiki yaş sän°ätkarlarniŋ iҗtimaiy ähvali, eniğiraq eytsaq, baş-pana mäsilisi qandaq yeşilivatidu?
– Һäqiqätänmu hazir elimizdä ayliq maaşi äŋ tšvän – mädäniyät sahasiniŋ hadimliri ekän. Artist sähnigä çiqqanda, uni turmuşidiki heçqandaq problemilar qiynimasliği keräk. Teatr — päqät artist bilänla teatr bolalaydu Artistniŋ turuşluq šyi bolup, ayliq maaşi ailisini asraşqa yetişi haҗät. U sähnidä päqät iҗadiyätni oylişi muhim. Yeqinda QҖ Mädäniyät vä sport ministri Aqtotı Rayımqulova Almuta şähiridä ziyalilar bilän uçraşti. Ministrniŋ täkitlişiçä, kelär jildin başlap mädäniyät sahasidikilärniŋ ayliq maaşi 40 payizğa šsidu. Yäni, teatr artistliriniŋ ottura hesaptiki ayliq maaşi 231 miŋ täŋgä bolidu. Mädäniyät vä sän'ät sahasidiki hadimlarniŋ turuşluq šy ähvalini yahşilaş mähsitidä ularniŋ turuşluq šygä erişişi üçün 3 million 700 miŋ täŋgä ätrapida byudjetliq nesiyä berilidiğanliği täkitländi. Bu – yaş sän°ätkarlarniŋ keläçigi üçün intayin muhim amillarniŋ biri. Teatrimizdiki yaşlarniŋ besim kšpçiligi pätir yallap turuvatidu. Ular tapavitiniŋ kšp qismini iҗarigä tšlävatidu. Şuŋlaşqa yaş artistlar asasiy işidin sirt, toy vä başqimu märasimlarda pul tepişqa mäҗbur. Biz, rähbärlär, ularğa «sän nemişkä toyğa barisän?», däp eytişkä tilimiz qisqa boluvatidu. Äslidä artistlarniŋ toyğa barğiniğa män qarşi.
— İlgiri teatrdin kätkän artistlarni işqa täklip qiliş oyliriŋizmu ämälgä eşivatqandäk…
— Şundaq. Dilşat Amanbaev ohşaş käspiy mahariti juquri akterniŋ teatrdin sirt jürgini meni helä vaqitqiçä bearam qilğan edi. Һeli märhum Muhit Һezimov «Mahmut Qäşqäriy» namliq tarihiy dramini sähniläştürgändä, baş qähriman rolini päqät Dilşat Amanbaev oynişi keräk, degän täläpni qoydi. Şuniŋ arqisida biz teatr mämuriyiti akterni teatrğa qayta täklip qilduq. Mahmut Qäşqäriy rolini u juquri däriҗidä oynidi. Uniŋdin sirt Dilşat Dulat İsabekovniŋ «Muragerler» dramisida baş qähriman Sızğanov, Alimҗan Bavdinovniŋ «Qäşqärdä mäş°äl» (Äziz İskändärov) tarihiy dramisida Abduqadir Damollam obrizinimu utuqluq yaratti. Dilşat Amanbaevtäk akterlar teatrniŋ mahtinişi desäm, hatalaşmaymän.
Ussulçi Zohra Kärimovani şähsän šzäm qaytidin işqa täklip qilğan edim. Umu yeqinda qaytidin teatrğa käldi. Demäk, tamaşibinlirimiz Zohraniŋ milliy ussulliridin, horeograf süpitidä u sähniläştüridiğan kontsertlardin bährimän bolidiğiniğa işinimän.
– Ruslan Abduşüküroğli, teatrimizdiki yänä qaysi mäsililär sizni bearam qilidu?
– Teatrimizda šz yeşimini kütüvatqan problemilar yetärlik. Mäsilän, quruluş pütkändin keyin zamaniviy tehnikini başquruşni bilidiğan mutähässislärniŋ yoqluği meni oylanduridu. Şundaqla Uyğur teatriniŋ keläçäk rejissurisi häm sähnä rässamçiliğimu җiddiy mäsililärniŋ biri. Muzıkiliq äsärlärdiki baş qähriman rolini oynaydiğan yaş aktrisa yoq. Helä jillardin beri nahşiçi Luiza Rozahunova barliq baş rol'larni oynap kelivatidu. Buniŋ üçün biz Luizağa päqät minnätdarmiz. İkkinçidin, härqandaq iҗadiy kollektivniŋ päqät sämimiy tänqit bilän šsüp, rivaҗ tapidiğini hämmimizgä mälum. Moşu җähättin alğanda, hazir teatrdiki spektakl', kontsertlarni käspiy turğudin tählil qilip, baha beridiğan teatrşunaslar yoq, bumu šz aldiğa çoŋ problema. Akterlarmu spektakl'din keyin sağlam, sämimiy tänqitkä muhtaҗ. Öz päytidä Ähmätҗan aka Qadirov teatrimiz tarihini, iҗadiy paaliyitini җiddiy tählil qilip käldi. Bu künlärdä Ähmätҗan akiniŋ yeşimu ulğiyip qaldi. Һazir hšrmätlik däm elişta. Uniŋ yolini, ilmiy- tätqiqat işlirini davamlaşturuvatqan teatrşunas yoq. «Nava» fol'klor ansambliniŋ orkestr tärkivi birqatar käspiy bilimgä egä sazändilär bilän toluqlandi. Lekin keläçäk ussulçilar tärkivinimu yaşlar bilän toluqturuş mäsilisi bar.
– Ruslan Abduşüküroğli, şuniŋ bilän billä teatrni rivaҗlanduruş üçün yahşi qoyulumlar keräk, şundaq ämäsmu?
– Şundaq. Äslidä, häqiqiy dramaturgiyaniŋ salmiği eğir, mänasi çoŋqur, häliqqä eytidiğan oyi, beridiğan tärbiyisi mol boluşi keräk edi. Şundaq qoyulumni kšrgän tamaşibin tävrinip, rohiy läzzät elip, tävrinip qalidu. Äpsus, bügünki kün problemilirini qozğaydiğan yahşi äsärlär bizdä nahayiti az. Buniŋ teatrimizniŋ «saqaymas ağriği» ekänligini etirap qilişimiz keräk.
Teatrimiz «muzıkiliq komediya» däp atilidu. Bügünki repertuarimizda muzıkiliq komediya nemişkä yoq? Çünki şu janrda iҗat qilivatqan dramaturg, kompozitorlar yoq. Teatr – tirik organizm däydekänmiz, nurğun çigiç mäsililär moҗut. Lekin ularniŋ härqaysini yeşiş – u teatr rähbärliginiŋ väzipisi. Bu yolda män yalğuz ämäs, bädiiy rähbär bar. Andin keyin bädiiy keŋäş, dramaturglar keŋişi moҗut. Demäk, biz birliktä moҗut problemilarni iҗabiy häl qilişqa tirişimiz.
– Ruslan Abduşüküroğli, mäzmunluq sšhbitiŋiz üçün rähmät. Moşu pursättin paydilinip, yeqinda elimizdiki bir türküm ziyalilar qatarida Sizni Prezidentimiz Qasım-Jomart Toqaevniŋ Täşäkkürnamisi bilän mukapatlanğanliğiŋiz üçün Uyğur teatri kollektivi häm tamaşibinlirimiz namidin qizğin täbrikläymiz. Kälgüsi işliriŋizğa zor utuq tiläymiz.
— Çoŋ rähmät.
Sšhbätläşkän Gülbahar NASİROVA.

Bälüşüş

Javap qalduruŋ