Bizniŋ Armanҗan

0
27 ret oqıldı

Sportniŋ bu türigä bäzidä adämniŋ tilimu kälmäydu. Djiu-djitsu. Bu duniyadiki äŋ ammibap sport türliriniŋ biri ekän. Qiziq yeri, uniŋ bilän Gollivudniŋ yultuzlirimu, ämäldarlarmu şuğullinidu. Uquşsaq, uni Qazaqstanğa elip kälgän šzimizniŋ uyğur jigiti bolup çiqti. Tonuşup qoyuŋlar: Armanҗan Rozahunov. Üç aliy mälumatqa egä. “Narhoz” universitetini, Ädliyä institutini tamamlap, hazir Sport vä turizm akademiyasidä tähsil kšrüvatidu. «Alliance» sport akademiyasini prezidenti, Qazaqstandiki Djiu-djitsu assotsiatsiyasiniŋ vitse-prezidenti. Sportniŋ bu türi boyiçä duniya çempioni. Qazaqstandiki vä Ottura Aziyadiki däsläpki qara bälbağ egisi. Һazir u sportniŋ mäzkür türigä qiziqquçilarni mäşiqländürüş bilän şuğullinivatidu. Yättä jilniŋ içidä 20 duniya, 5 Evropa, 1 Aziya vä 1 Paramerika oyunliriniŋ çempionini täyyarlap çiqti. Yeqinda uniŋğa Mädäniyät vä Sport ministrliginiŋ “Qwrmetti sport qızmetkeri” tšş bälgüsi tapşuruldi.

Bähtişat SOPİEV,
«Uyğur avazi»

Ata-anisiniŋ Armini
Yarkänttä tuğulğan bu jigitni ata-anisi keläçigidin çoŋ ümüt kütüp «Armanҗan» däp atiğan ekän. Armanҗan ata-anisi arzu qilğandäk, tetik, äqillik jigitlärdin bolup šsidu. U uyğurlarniŋ arisidin çiqqan kšrnäklik җämiyät ärbabi Turğanҗan Rozahunovniŋ oğli. Turğanҗan İmäroğli keŋäş dävridä Panfilov nahiyäsidä kšpligän җavapkär hizmätlärni atqurdi. Keŋäş İttipaqi parçilanğandin keyin Yarkänttä «İpäk yoli» turistik şirkitini täsis qildi. Keyiniräk Almutiğa kšçüp kelip, җumhuriyätlik Uyğur mädäniyät märkizidä paaliyät elip bardi. Märkäz räisiniŋ orunbasari süpitidä nurğun işlarni ämälgä aşurdi. Ahirqi jilliri «İnayät» җämiyätlik täşkilatini qurup, käŋdairilik çarä-tädbirlärniŋ beşida boldi.
– Abu-Dabi şähiridä štkän duniya çempionatiğa kätkän edim, – däp äsläydu Armanҗan. – Kšp štmäyla dadamniŋ vapati toğriliq hävär käldi. Bu meniŋ üçün orni tolmas yoqitiş boldi. Dadamniŋ armini – nävrilirini häliqara ringlardin kšrüş edi. Äpsus, u künlärgä yetälmidi. İkki oğlum härbir «җeŋini» bovisiğa beğişlaydu. Momisi Һavagül hämmimizgä mädätkar bolup, dayim yenimizda.

Arman şähär
Armanҗan ottura mäktäpni tamamlap, Almutiğa kelip aliy oquş orniğa çüşidu. Armini – yeŋidin qäd kštirivatqan Astana şähiridä işläş edi. U Astana şähirigä berip, «Tsesna kapital» aktsionerliq җämiyitidä başqarma räisiniŋ mäslihätçisi lavazimida işläydu. İkkinçi aliy oquş ornini tamamlaydu.
– Däsläpki künlärdin başlapla elimiz paytähti šziniŋ gšzälligi bilän meni šzigä mähliya qildi, – däydu Armanҗan. – Şuŋlaşqa bolsa keräk, uniŋğa bolğan muhäbbitim başqiçä. Qäyärgila kätmäy, moşu şähärgä qaytişqa aldiraymän.

Baliliq arman
Uniŋ baliliq armini ataqliq sportçi boluş edi. Şuŋlaşqa u bäş yeşidin sport bilän şuğullinişqa başlaydu. Yättä yeşida futbol sektsiyasigä baridu. On yeşida ärkin küräş bilän şuğullinidu. Bularniŋ heçqaysisi iҗabiy nätiҗä bärmigändin keyin boksni tallavalidu. Boks sektsiyasiniŋ yepilip ketişigä bağliq sportniŋ bu türiniŋmu ahiri çiqmaydu. Şundaq qilip, Arman sportta bir yeŋiliq izdäşkä tirişidu.
– On üç yeşimda sinalğudin bir yäkmu-yäkni kšrüp qaldim. U «qaidisiz yäkmu-yäk» däp atilidekän. Bu «җäŋlär» Amerikida braziyalik Greyslar ailisiniŋ uyuşturuşi bilän štüptu. Bu ailä äzaliri boks, karate, ärkin küräş sport mäktäplirini arilap, ularda şuğullinivatqan balilarni «җäŋgä» täklip qilidu. Çuği ançä çoŋ ämäs Roysa isimliq Greyslarniŋ biri boyi 2 metr, salmiği 100 kilogramm bolğan üçini tiz püktüridu. Bu sportniŋ «Djiu-djitsu» türi ekän. Uniŋ yapon tilidin uttur tärҗimisi “yumşaq küç sän°iti” degän mänani bildüridu. Һäqiqätänmu şundaq. Şu vaqitta sportniŋ bu türi meniŋdimu qiziqiş päyda qildi. U dzyudoğa ohşap kelidu. Şuŋlaşqa män dzyudo bilän şuğullandim. Amma uniŋdin qanaät hasil qilmidim. Şuŋlaşqa maŋa işimni taşlap Braziliyagä ketişkä toğra käldi.

Arman alğa başlaydu
– Braziliyaniŋ älçihanisi arqiliq Greyslarniŋ birini Qazaqstanğa täklip qilip, seminar uyuşturdum, – däydu Armanҗan. – Keyin uniŋ bilän Londonğa berip, sportniŋ bu türi bilän şuğullandim. Şuniŋdin keyin Braziliyadä Greyslarniŋ çoŋiniŋ mäktividin šttüm. Helä vaqitqiçä Braziliyadä turdum.
2010-jili Greyslarniŋ yardimi arqiliq djiu-djitsuni Qazaqstanğa elip käldim. Braziliyaliklärniŋ yardimi bilän «Alliance» sport akademiyasini açtuq. Һazir u yärdä miŋdin oşuq bala mäşiqlinidu. Bügünki kündä akademiyaniŋ Nur-Sultanda, Almutida, Aqtavda vä Yarkänttä şšbiliri moҗut.
Bu sport däsläp elimizgä kälgändä heçkim çüşänmigän edi. Һazir Hudağa şükri, sepimiz kšpiyivatidu. Bügünki küngä qädär tšrt bala qara bälbağ egisi ataldi. Män vä şagirtlirim häliqara ringta Qazaqstanniŋ bayriğini kškkä kštirişkä tirişivatimiz. Җay-җaylardiki şšbilärniŋ paaliyiti җanlinivatidu. Bizgä kelip, sportniŋ bu türi bilän şuğullanğuçilarğa işigimiz dayim oçuq. Moşuniŋdin biraz vaqit ilgiri balilar šyidä tärbiyilinivatqan Galina Duvanova isimliq qizni elip kälduq. U on bäş, hätta jigirmä jil djiu-djitsu bilän şuğullinip kelivatqan sportçilardin alahidä päriqländi. Şvetsiyadä štkän duniya çempionatida üçinçi orunni egilidi. Ötkän jili Aziya çempionatidimu bronza medal'ni yeŋivaldi. Qazaqstan çempioni boldi. Moşularniŋ hämmisini kšrüp, “onjilliq ämgigim bekarğa kätmäptiğu”, däp oylapmu qoyimän. Elimizda sportniŋ täräqqiyatiğa alahidä kšŋül bšlüvatidu. Bolupmu yaşlarniŋ sport bilän şuğullinişiğa şarait yetärlik. Päqät alğa, alğa intiliş keräk. Çünki arman alğa başlaydu…

Bälüşüş

Javap qalduruŋ