Aqtamda – yeŋi meçit

0
68 ret oqıldı

Därhäqiqät, mämlikitimizniŋ Tunҗa Prezidenti – Elbası N.Ä. Nazarbaevniŋ «Keläçäkkä nişan: mäniviy yeŋiliniş» maqalisi yoruq kšrgändin buyan elimizdä yeŋi bir oyğiniş päyda bolup, kšpligän izgü işlar ämälgä aşti häm eşivatidu. Bolupmu, «Tuğan jer» programmisi asasida tilğa alarliq šzgirişlär yüz bärmäktä. Tuğulğan yeriniŋ güllinişi üçün küç çiqirip, jutdaşliriniŋ alqişiğa erişivatqan vätändaşlirimiz yetärlik. Şularniŋ biri – aqtamliq Nurlan Tepeev.

Sabiräm ÄNVÄROVA,
«Uyğur avazi»

Nurlan Qazanqapoğli Tepeev – «QazNTStroy» şirkitiniŋ mudiri. U rähbärlik qilivatqan kollektiv jitimlar bilän qerilar šyigä, Uluq Vätän uruşi veteranliriğa, iҗtimaiy turmuş şaraiti tšvän häm kšpbaliliq aililärgä izçil yardäm kšrsitivatidu. Şuniŋ bilän qatar, Nurlan Tepeevniŋ rähbärligidä kšpligän yeŋi ob°ektlar qäd kštirip, paydilinişqa berilmäktä. Talğir nahiyäsiniŋ Tuzdıbastav yezisidiki bağçä bilän Ämgäkçiqazaq nahiyäsiniŋ Bayterek yezisidiki meçit äynä şular җümlisidindur. Mana ändi bu märt-märdanä insanniŋ rähbärligidä Aqtam yezisida yeŋi meçit selinip, yeqinda uniŋ eçiliş täntänisi bolup štti.
Aqtam yezisiniŋ märkiziy koçiliriniŋ biriniŋ boyida qäd kštärgän yeŋi meçit birdin kšzgä çüşidu. Һaşamätlik därgahniŋ içimu, sirtimu mäptunkar. Kšrgän adämniŋ zoqi kelip, äҗayip täsiratqa bšlinidu. Meçitniŋ eçiliş märasimiğa qatnaşqanlar däl şundaq hissiyatni baştin käçürdi. U sezimni sšz bilän izhar qiliş mümkin ämäs. Zaman tälivigä layiq qäd kštärgän yeŋi meçit hoylisimu kšrkäm bezändürülgän. Meçitniŋ eçiliş täntänisigä jiraq-yeqindin kälgän adämlärniŋ sanida çäk bolmidi.
Däsläp nahiyäniŋ baş imami Daniyar Raqışev qur°an tilavät qildi. Şuniŋdin keyin däsläpki sšz Uyğur nahiyälik mäslihätniŋ kativi Nuräkim Esjanğa vä hšrmätlik mehmanlar Zärip Bidaybekov bilän Toğızbay Nurseitovlarğa berildi.
– Elimizniŋ Tunҗa Prezidenti – Elbası Nursultan Äbişoğli Nazarbaevniŋ «Keläçäkkä nişan: mäniviy yeŋiliniş» namliq çoŋ strategiyalik maqalisi yoruq kšrgändin keyin, dšlitimizdiki här yeziniŋ, här šlkiniŋ vätänpärvär jigitliri ana jutiğa kelip, moşundaq izgü işlarni qolğa almaqta, – dedi nahiyälik mäslihätniŋ kativi Nuräkim Esjan. – Biyilqi jilniŋ šzidila biz bu yšniliştä birmunçä işlarni ämälgä aşurduq. Yäni qährimanimiz Mšrdün Teyipov bilän nami mäşhur şähs Sädiğoja Moşanoğliniŋ ana jutliriğa häykilini ornitip, büyük namayändilirimizniŋ 100 jilliq sänäsini җumhuriyät däriҗisidä atap šttuq. Bu ikki toy moşu šlkiniŋ süyini içip çoŋ bolğan uyğur bilän qazaqniŋ dostluğini kšrsätti. Bolupmu, qoş sänäniŋ juquri däriҗidä štüşigä tuğulğan yerini untumiğan vätänpärvär insanlirimizniŋ siŋärgän ämgigi az bolmidi. Bügünki hoşalliqniŋ säväpkari bolğan Nurlan qerindişimizmu şular qatarida.
Andin natiq nahiyä hakiminiŋ illiq salimini yätküzüp, nahiyälik hakimiyät namidin meçitqa giläm soğa qildi.
Zärip Bidaybekov bolsa, Nurlan Tepeevniŋ ailisi häqqidä tohtilip, Qazanqap aqsaqalniŋ aliyҗanap hislätliri pärzäntliriniŋ boyiğa tariğanliğidin sšyünidiğanliğini yätküzdi. Keyin sähnä tšrigä Nurlan Tepeevniŋ anisi bilän akisini täklip qilip, uçisiğa çapan yapti.
Meçitniŋ eçiliş märasimida izgü-tiläklirini izhar qilğuçilar qatarida Qazaqstan Musulmanlar diniy başqarmisiniŋ väkili Arman Bekbosınov, Ämgäkçiqazaq nahiyäsiniŋ Bayterek yezisidiki «Qosqwlaq ata» meçitiniŋ imami Äbdiğani imam vä QMDB yuristi Sağitjan Däuletiyarovlarmu boldi.
Aqtam yezisiniŋ hakimi Esbol Manapov, jigitbeşi Nurahun Duganov, mäktäp mudiri Oktyabr' Һezmahunovlar yeŋi meçitniŋ hulini tikligän jutdişiğa çäksiz minnätdarliğini izhar qilsa, Tohtasın Qorğasbaev Nurlan Tepeevqa jut namidin at mingüzüp, hšrmät kšrsätti.
Ahirida sšz novitini alğan Nurlan Tepeev meçitniŋ selinişiğa jutdaşliriniŋ yardimi zor bolğanliğini täkitläp, işniŋ beşida bolğan şähslärgä minnätdarliğini bildürdi.
Yeŋi meçitniŋ lentisini qiyiş hšrmiti jut mštivärliri Mätkerim Qaraqoyşiev, Suniyatsun Qämäev vä diniy zat Arman Bekbosınov bilän yeza hakimi Esbol Manapovqa buyridi. Aqromalliq anilar çaçqisini çaçqandin keyin, jiğilğan җamaät muqäddäs därgahniŋ bosuğisidin atlidi.

Bälüşüş

Javap qalduruŋ