Märdanä jigitlär «Pärzäntkä» aldiraydu

0
27 ret oqıldı

Mäşür SASİQOV,
«Uyğur avazi»

Häyri-sahavätlik işlarğa kälgändä, bizniŋ millitimiz heçkimdin qalmay, qandaqla ähval yüz bärmisun, birinçilärdin bolup qol uçini sunuşqa aldiraydu. Ändi moşundaq işlarni än°änigä aylandurğan märt-märdanä jigitlirimiz arisida šzliriniŋ isim-näsibini ataşni äsla halimaydiğanlarmu bar.
Yeqinda äynä şundaq jigitlärniŋ birtopi šziniŋ mehir-şäpqiti tüpäyli atmişqa yeqin jitim baliğa baş-pana boluvatqan Aminäm haҗim Һaҗibaeva rähbärligidiki «Pärzänt» balilar šyidä tärbiyilinivatqanlarni Almuta şähiridiki «Finik» restoranida mehman qildi. Һayatida hoşalliq künlär tolimu az bu balilarğa şatliq dämlirini hädiyä qilişni haliğan jigitlär bu yärdä mol dästihan yeyipla qalmastin, ularniŋ kšŋüllirini kštiriş mähsitidä animatorlarnimu täklip qiptu. Asasän yançuği dšŋ puldarlar tamaqlinidiğan mundaq җaylarniŋ taamidin hšzürlinip däm tartqan balilar mul'tfil'm qährimanliri bilänmu kšŋülliri qanğiçä oynap-külüp, haduq çiqardi.
Üzidä qançä külkä yaŋrimisun, bäribir jüriginiŋ qetida bir yärdä qandaqtu miskinlik ipadilinip turğan bu balilarniŋ birkünlük hoşalliğini kšrginiŋizdä, ularni qanitiniŋ astiğa alğan Aminäm haҗim Һaҗibaevaniŋ qälbi däriya insan ekänligigä qayil bolisiz. Һä, ändi u yaqni qollap-quvätläp qoyuşni insaniy borçi hesapliğan häyri-sahavätlik jigitlärgä apirin äylimäy mümkin ämäs.
— Aminäm haҗim, bäzidä ata-ana bir-ikki, neri kätsä üç pärzäntniŋ hšddisidin aran çiqidu. Siz atmişqa yeqin balini qandaq tärbiyilävatisiz? — däp soriduq häyran qalğanliğimizni yoşuralmay. — Birinçidin, älvättä, meniŋ yardämçilirim bar. İkkinçidin, ularğa baş-pana boluşumğa uluq Alla taala egäm maŋa küç-quvät, mädät berivatidu. Ändi nainsap, turmuşniŋ aziraq eğirçiliqliriğa çidimay, käypi-sapaniŋ käynigä kirip, Alla bärgän pärzändini taşliğan ata-anilarniŋ balilirini män tärbiyilimisäm, ular kimgä keräk? Älvättä, baqidiğanlar tepilidu. Һškümätlik balilar šylirimu moҗut. Meniŋ balilirimniŋ alahidiligi, ularniŋ hämmisi İslam yolida tärbiyilinidu. Buni bizniŋ «Pärzänt» balilar šyiniŋ utuği däp işäşlik eytalaymän. Özäŋlärğa mälumki, dindin aziraq häviri bar bala heçqaçan yaman yolğa kirmäydu.
— Baya bir yärdä çoŋ meçit selivatimiz degändäk qilip qaldiŋiz?
— Şundaq, Naurızbay nahiyäsidä haşamätlik meçit selivatimiz. Uniŋda barliq şaraitlar moҗut. Mäsilän, kšpligän meçitlarda yoq, mähsus aҗizlar üçün bšlmilär yasilivatidu. Şu bšlmilärdä asasän namaz štäşkä kälgän baliliq ayallarniŋ pärzäntliri, aniliri Alla aldidiki pärzini toluq štigängä qädär, oynap turidiğan bolidu. Ularğa bizniŋ qizlirimiz qaraydu. Buniŋdin taşqiri, zamaniviy juyunuş, tärät eliş bšlmiliri bolidu.
— Bu yärdä, älvättä, «Şunçä balini beqivatqan adämniŋ meçit selişqa mäbläğni qäyärdin elivatidu?» degän soalniŋ tuğuluşi täbiiy…
— Yoşuridiğan heçnärsimiz yoq. Balilarniŋ tamiği bilän kiyim-keçigi tamamän häqsiz desäm, hatalaşmaymän. Çünki bizgä bu täräptin qol uçini sunuvatqan sahavätlik insanlar nahayiti kšp. Özimizdä birnäççä aşhana işläydu. Rast, ularni hazirçä vaqitliq yepip qoyduq. Şundaqla birmunçä payda tepiş mänbälirimizmu yoq ämäs. Bu yärdä kšpçilikkä eytarim bar. Bizgä häyrihahliq qilivatqanlar kšp vaqitlarda birla türlük närsä elip kelidudä, hä, biz šzimizgä keräk närsilärni setivalimiz. Ularğa «monu närsä bizgä hazirçä keräk ämäs, uniŋ orniğa pulini berivetiŋlar» desäk, hamiylirimiz bizni «pulğa amraq ohşaydu» däp oylaydekän. Äsla undaq ämäs. Balilarniŋ hämmä närsisi täl-tšküz bolğini durusqu ahir.
— Baliliriŋizniŋ arisida uyğurlar barmu?
— İlgiri nahayiti az bolidiğan. Jildin-jilğa ularniŋ sani kšpiyivatidu. Buniŋğa nemä säväp bilmidim, äytävir, millitimiz arisida pärzändini talağa taşliğanlarniŋ kšpiyişi eçinarliq. Һayatta nemä iş bolmaydu, biraq balisini jitim qilğan ata-anidin başqilarğa birär yahşiliqniŋ kelidiğanliğiğa şähsän män işänmäymän. Һazir, hatalaşmisam, bizdä onğa yeqin uyğur pärzändi tärbiyilinivatidu.
Märt akiliriniŋ arqisida başliri kškkä yätkän balilar ularniŋ yoliğa yänä täşnaliq bilän qaraydiğanliğini yoşurmidi. Öz novitidä bu märt-märdanä jigitlär ularni pat-pat yoqlap turuşqa vädä berişti.
Һä, bu jigitlärniŋ vädisidä çoqum turidiğanliğiğa işänçimiz kamil.

Bälüşüş

Javap qalduruŋ