Һärbir jigitbeşi 50 gezitqa yazidu

0
30 ret oqıldı

Yoldaş MOLOTOV,
«Uyğur avazi»

Һazir elimizdä qärällik näşirlärgä muştiri toplaş qizğin davamlişivatidu. Mälumki, 2020-jilğa muştiri toplaşni nätiҗidarliq uyuşturuş mähsitidä «Uyğur avazi» geziti mähsus ştab qurup, jil davamida җiddiy işlarni ämälgä aşuruşqa başliğan edi. Moşu vaqit içidä ştab äzaliri Panfilov, Uyğur, Ämgäkçiqazaq, Talğir, Җambul nahiyäliridä vä Almuta şähiridä җamaätçilik väkilliri bilän uçrişişlarni štküzdi.
Bu qetim Almutidiki Sultanqorğan mähällisiniŋ jut-җamaätçiligi bilän äynä şundaq uçrişiş štti. Uniŋğa jutniŋ jigitbaşliri, hanim-qizlar keŋäşliriniŋ räisliri, jut aktivistliri qatnaşti. Mäzkür jiğinni kirişmä sšz bilän açqan «Äla Sultanqorğan» җämiyätlik biläşmisi räisiniŋ orunbasari Tayir Moldabekov jiğilğanlarni uniŋ mähsiti bilän tonuşturup, sšzni «Uyğur avazi» gezitiniŋ baş muhärriri Erşat Äsmätovqa bärdi.
— Biz «Uyğur avazi» gezitiniŋ muştiri toplaş boyiçä mähsus ştabini bu işni yeŋiçä uyuşturuş üçün qurduq, — dedi Erşat Mollahunoğli. — Mart eyidin başlap ştab äzaliri uyğurlar ziç yaşavatqan 67 yezini arilap çiqti. Şu җaylarda ştabniŋ şšbiliri quruldi, ular hazir җiddiy işlävatidu. Biz moşu uçrişişlar davamida häliqniŋ ehtiyaҗlirini üginişkä tiriştuq, moҗut mäsililärni muhakimä qilip, häl qilişqa kiriştuq. Mäsilän, Panfilov nahiyäsidä gezitniŋ muştirilarğa šz vaqtida yätküzülmäsligi, hätta, umumän, tarqatmasliği uzundin beri häl qilinmay kelivatatti. Keyin nahiyälik Uyğur etnomädäniyät märkiziniŋ räisi Rizaydin Äysaevniŋ uyuşturuşi bilän gezit, basmihana, poçta vä muştirilar arisida konstruktivliq dialog štti. Bu uzun jillar davamida häl qilinmiğan җiddiy mäsilä şu uçrişişta häl qilindi. Demäk, härqandaq mäsiligä җiddiy häm qät°iy yandaşsaq, yeşiş mümkin ekän. Sultanqorğan mähällisi — šmlügi yaraşqan çoŋ jutlarniŋ biri. Ötkän jili Sultanqorğanda «Uyğur avazi» gezitiğa 750 adäm muştiri boldi. Ayrim mälumatlar boyiçä, bu jutta 50 miŋ qandaşlirimiz turidekän. Şu turğudin qariğanda, gezitniŋ 750 muştiriniŋ boluşi az bolsa keräk. Jutta çoŋ rezervlar bar. Şularni toğra paydilansaq, nur üstigä nur bolatti. Ändi gezitniŋ işi, uniŋ süpiti toğriliq soallar, pikirlär bolsa, märhämät, biz җavap berişkä täyyar.
Uniŋdin keyin sšz alğan jutniŋ baş jigitbeşi Ğäyrät Mämätäliev, peşqädäm jurnalist Nurdšlät Muradilov, jigitbaşliri Tayir Urayimov, Ramil Şaripov, Yoldaş Һevullaev, Turğan Yoldaşev vä başqilar moşu mäsililärgä munasivätlik šz pikirlirini izhar qildi. Andin sšzni «BeNT» aktsionerliq җämiyiti mudirlar keŋişiniŋ räisi, tonulğan metsenat Dilmurat Kuziev aldi.
— Uyğurlarniŋ millät süpitidä saqlinip qelişi üçün birinçi novättä, milliy maarip, mätbuat, teatr haҗät, — dedi Dilmurat Pirmuhämätoğli. — Qazaqstanda buniŋ üçün yahşi imkaniyätlär yaritilivatidu. Ulardin ünümlük paydiliniş šzimizniŋ qolida. Sultanqorğanda gezitniŋ 750 muştiri bar ekän. Bu az. Şuŋlaşqa işläş keräk. Moşu yärdä Sultanqorğandiki ottuz üç jutniŋ jigitbaşliri oltiridu. Silärni jut saylidi, demäk, silärni tiŋşaydu. Öymu-šy kirip gezitqa yezişqa bolidu. Uyğurlar arisida iҗtimaiy ähvali naçar aililär az. Ägär şundaqlar bolsa, juttiki tiҗarätçilär yardäm bärsun. Undaq jigitlärmu nurğun. Män «Һärbir jigitbeşi šz jutida 50 gezitqa muştiri toplaş keräk degän» täklipni bärmäkçimän. Moşuni jiğin protokoliğa kirgüzüp, oçuq avaz beriş arqiliq qobul qiliş lazim. Bügün mana gezitniŋ rähbärliri, hadimliri käptu. Pursättin paydilinip, silärgä demäkçimänki, ägär muştirilar sanini kšpäytimiz desäŋlar, addiy häliqniŋ ehtiyaҗini üginiŋlar, tiҗarätçi tili bilän eytqanda, häliq setivalidiğan mähsulat tävsiyä qiliŋlar. Һärbir jutta häliq arisida abroyi bar, işi vä hayat yoli başqilarğa ülgä bolğidäk şähslär kšp. Şularni kšpläp yeziş keräk. Häliqqä yeqin bolsaŋlar, häliq silärni qollaydu.
Jiğinni yäkünligän «Uyğur avazi» gezitiniŋ baş muhärriri Erşat Äsmätov Sultanqorğan mähällisidä gezitniŋ muştiri toplaş boyiçä mähsus ştabini quruş qarari qobul qilinğanliğini eytti. Moşuniŋğa muvapiq tonulğan tiҗarätçi Dilmurat Kuziev ştabniŋ Almuta şähiri boyiçä uyğunlaşturğuçisi, «Äla Sultanqorğan» җämiyätlik birläşmisiniŋ räisi Kärimҗan Qurbanov Sultanqorğan mähällisi boyiçä ştab başliği bolup saylandi. Uniŋdin taşqiri jutniŋ bir top aktivistliri mäzkür ştabniŋ äzaliğiğa qobul qilindi.
Jiğin ahirida Dilmurat Kuzievniŋ härbir jigitbeşi 50 gezitqa yeziş toğriliq täklivi avaz beriş arqiliq yäkdilliq bilän qobul qilindi.

Bälüşüş

Javap qalduruŋ