«Altun küz» mäyrimi

0
60 ret oqıldı

Raşidäm RÄҺMANOVA,
«Uyğur avazi»

Mälumki, äzäldin dehançiliq bilän şuğullinidiğan äҗdatlirimiz etizdiki barliq hosul jiğilip bolğan talqan-tškti mäzgil – küz päslidä «Һosul mäyrimini» uyuşturup kälgän. Yeqinda Ämgäkçiqazaq nahiyäsi Azat vä Qäynäzär yeziliriniŋ hanim-qizlar keŋäşliri ata-bovilirimizniŋ äşu än°änisini qayta tikläş mähsitidä Talğir şähirigä җaylaşqan «Nurlan» kafesida «Küz mäyrimini» uyuşturdi. Milliy kiyimlärni kiygän ular başliriğa räŋmu-räŋ yopurmaqlardin taҗlarni taqidi.
Hälqimiz tarihidin mälumki, millitimizniŋ qiz-җuganliri burundinla çirayliq kiyinip, qaş-kirpiklirini särämҗan tutup jürüşni adätkä aylandurğan. Şuŋlaşqimu millitimizdä «Henä qoyuş mädäniyiti», «Һosma qoyuş mädäniyiti» ohşaş än°änilär qeliplaşqan. Azat vä Qäynäzär yezisiniŋ hanim-qizliri yeziniŋ nuraniy anilirini mehmanğa täklip qilip, bağlirida qalğan hosma yopurmaqlirini jiğişturup kelişni vä hälqimizniŋ hosma qoyuş mädäniyiti häqqidä yaşlarğa ügitişni iltimas qildi. Mäyrämniŋ täntänilik qismi başlanğiçä anilar qaş-kirpiklirigä hosma qoyuşqa başlidi. Andin bir-birigä zoqlinip qarap, hosminiŋ äҗayip «içkänligini» eytip, kšŋüllirini huş qildi.
«Nurlan» kafesiniŋ mudiri Gšhärbüvi Baratova käçni eçip, juqurida atalğan än°änilär häqqidä çüşänçilär bärdi. Andin tonulğan nahşiçi Nazira Kärimova nazuk җanlar üçün zamaniviy vä häliq nahşiliridin çaçqa çaçti.
Däsläpki täbrik sšz Ämgäkçiqazaq nahiyälik Uyğur etnomädäniyät märkizi räisiniŋ orunbasari, Hanim-qizlar keŋişiniŋ räisi Nurbüvi Nasirovağa berildi. U bügünkidäk äҗayip çirayliq vä tärbiyäviy ähmiyätlik çarä-tädbirni uyuşturğuçiliriğa sämimiy minnätdarliğini bildürüp, uyğur hosmisiniŋ daŋqi duniyayüzigä tariğanliğini mämnuniyät bilän eytip, amerikiliq alimlarniŋ hosmidin Hanim-qizlar üçün kosmetikiliq qerindaş işläp çiqarğanliğini tilğa aldi.
Azat toluqsiz ottura mäktiviniŋ mudiri Roşängül Җapparova, Azat vä Qäynäzär yeziliri hanim-qizlar keŋäşliriniŋ räisliri Gülbähräm Teyipova bilän Җšhärbüvi Nadirova häm başqilar mehmanlarğa rähmät eytip, aililirigä hatirҗämlik, dehanlarğa mol hosul tilidi. Җämiyätlik işlarniŋ aktivistliridin Rahiläm Musaeva «Küz käldi» şeirini oqusa, Ğunçäm Sopieva, Adalät Hudaybärdieva uyğur häliq ussullirini namayiş qildi.
Nuraniy anilar bilän mäyrämniŋ jiraq-yeqindin kälgän mehmanliri mäzmunluq štkän «Altun küz» mäyrimidin alğan täsiratliri bilän bšlüşüp, uyuşturğuçilarğa apirin eytişti.
Ämgäkçiqazaq nahiyäsi.
Muällip çüşärgän sürätlär.

Bälüşüş

Javap qalduruŋ