Ändiki mähsät — Olimpiada

0
28 ret oqıldı

Yeqinda HHҖniŋ Uhan şähiridä härbiylär arisida häliqara sport musabiqiliri štti. Uniŋğa duniyaniŋ 109 dšlitidin 9 miŋdin oşuq sportçi qatnaşti. Mäzkür musabiqidä Qazaqstanniŋ boks boyiçä tallanma komandisi yahşi nätiҗilärgä erişti. Komanda 7 medal', şuniŋ içidä 2 altun, 2 kümüç vä 3 bronza medal' yeŋivaldi. Bu yärdä Qazaqstan tallanma komandisi tärkividä bolğan Dilmurat Meҗitov šz salmaq däriҗisidä ikkinçi orunni egilidi. Şu munasivät bilän biz Dilmurat Miҗitovniŋ şähsiy mäşiqländürgüçisi Dolqun Kamekovni sšhbätkä җälip qilduq.

Yoldaş MOLOTOV,
«Uyğur avazi»

— Dolqun aka, Dilmuratniŋ novättiki utuğiğa qandaq baha bärgän bolar ediŋ?
—Hitayda štkän musabiqä çoŋ turnir bolup hesaplinidu. Dilmuratniŋ moşu musabiqigä qatnişişiniŋ šzi uniŋ däriҗisini kšrsätsä keräk. Kšrgän bolsaŋlar, çaräkfinalliq җäŋdä ringtiki sud'ya Äzärbäyҗan boksçisiniŋ qolini kštärgän edi. Bizniŋ komanda väkilliri därhal qarşi çiqip, sud'yalarniŋ җäŋni qaytidin videoda kšrüşini täläp qildi. Sud'yalar җäŋni kšrüp, häqiqätänmu Dilmuratniŋ yäŋgänligini etirap qilişti.
Finalda Dilmurat belorussiyalik Dmitriy Asanov bilän küç sinaşti. Bizniŋ boksçi räqividin bir qädär juquri hünär kšrsätkän bolsimu, äpsus, sud'yalar başqiçä pikirdä boldi. Şähsän šzämniŋ pikri, Dilmurat mäzkür musabiqidä munasip hünär kšrsätti. İkkinçi orunmu mana moşundaq musabiqilärdä çoŋ utuq bolup hesaplinidu.
— Dilmurat bilän qaçandin beri işlävatisän?
— Män ilgiri kikboksing bilän şuğullandim vä yaşlarni şu sport türi bilän mäşiqländürdüm. Şagirtlirim arisidin birnäççä duniya çempionliri çiqti. Keyin birätola boksqa šttüm. Çünki boks Olimpiada oyunliriğa kiridu. Arminim — Olimpiada çempionini tärbiyiläş.
Dilmurat bilän 2008-jildin beri işläp kelivatimän. Däsläp ottuz bala kälgän. Şularniŋ arisidin birla Dilmurat tallinip çiqti. Uniŋda sunmas iradä, qaytmas roh bar. Äŋ muhimi, täbiiy talant, nahayiti ämgäkçan, җismaniy küçlük, tehnikisi yahşi, ğalibiyätkä degän intilişi zor. Şuŋlaşqa utuqqa yetivatidu.
— Utuq demäkçi, Dilmuratniŋ utuqliri häqqidä eytip štsäŋ?
— Dilmurat 2009 — 2015-jillar ariliğida Almuta şähiriniŋ birnäççä qetim çempioni. 2015-jili bolsa, Qazaqstan çempioni ataldi. Uniŋdin taşqiri 2013-jili Ukraininiŋ Odessa şähiridä, 2014-jili Hitayda, şu jili Moskvada štkän än°äniviy turnirlarniŋ ğalibi. Şundaqla «Astana Arlans» komandisi tärkividä, çempion ataldi. Biyil elimiz Spartakiadisida ğalip çiqti. Mäzkür turnir däriҗisi boyiçä Qazaqstan çempionati bilän täŋ. Bu turnir ğalipliri elimizniŋ tallanma komandisi tärkivigä kiridu. Qaidä boyiçä, boksçilar on salmaq däriҗisidä hünär kšrsitidu. Älvättä, Spartakiadiğa qatnişiş aldida härbir region sportçiliri arisida tallaş musabiqiliri štidu. Şu musabiqilärdä ğalip çiqqanlarla Spartakiadiğa qatnişiş yollanmisini alidu. Demäk, küçlük boksçilarla ringqa çiqidu. Dilmurat šz salmaq däriҗisidä (64 kg.) Almutida birinçi orunni egiligän. Hoşal qilğini, şagirtim moşu turnirda elimiz boyiçä 64 kilogramm salmaq däriҗisidä äŋ küçlük boksçi ekänligini yänä bir qetim dälillidi. Almuta komandisi tärkividä päqät Dilmuratla utuqqa yätti. U şuniŋdin keyin Qazaqstan Җumhuriyitiniŋ milliy tallanma komandisi tärkivigä kirdi. Ändi Dilmurat milliy tallanma komanda tärkividä çoŋ häliqara musabiqilärgä qatnişivatidu. Hitaydiki musabiqä şuniŋğa misal.
— Keläçäktä qandaq planliriŋlar bar?
— Elimizdä boksta riqabät küçlük. Qazaqstanda 64 salmaq däriҗisidä üç küçlük boksçi bar — Dilmurat Miҗitov, Zakir Safiullin, Samatali Tšltaev.
Һämmimizgä mälumki, hazir Olimpiadiğa tallaş başlandi. Olimpiadiğa yollanma eliş turnirliriğa qatnişiş üçün yahşi nätiҗilärni kšrsitiş keräk. Keyinki häptidä biz Aqtavğa atlinimiz. Dekabr'da Qarağandida Jarılğapov hatirisigä beğişlanğan häliqara än°äniviy turnirğa qatnişimiz. Moşu turnirlarda yahşi hünär kšrsätsä 2020-jili Hitayda fevral' eyida vä ätiyazda Evropida štidiğan Olimpiada litsenziyasi üçün musabiqilärgä qatnişimiz degän planimiz bar. Moşu turnirlarda mukapatliq orunni egilisä, Olimpiadiğa qatnişiş mümkinçiligi päyda bolidu. Dilmurat üçün bu yahşi pursät. Bu pursätni qoldin bärmäsligimiz keräk. Uniŋ üçün nurğun tär tšküş täläp qilinidu. Meniŋ mähsitim vä arminim — Olimpiada çempionini tärbiyiläş. Moşu arminimğa yetidiğinimğa ümütüm bar.
— Һazir käspiy boksta qazaqstanliq boksçilarniŋ ismi yahşi tonuş. Dilmuratniŋ käspiy boksqa ketiş oyi barmu?
— Dilmurat hazir yaş. Çoŋ musabiqilärdä täҗribä toplavatidu, istiqbali yahşi. Uniŋ mähsiti işqivaz boksta mümkinqädär utuqqa yetiş, šzini tonutuş. Älvättä, Dilmuratniŋ hünirini kšrüvatqanlar, diqqät näzäridä tutuvatqanlar, uniŋ iqtidarini bilidu. Bizgä Amerikidiki käspiy boks klubliridin birnäççä täkliplär boldi. Amma uniŋğa aldiraş yoq. Asasiy mähsitimiz — Olimpiada. Şuniŋdin keyin yänä oylinip kšrärmiz.
— Sšhbitiŋgä rähmät.

Bälüşüş

Javap qalduruŋ