Altun medal' taqqan altun ana

0
84 ret oqıldı

Raşidäm RÄҺMANOVA,
«Uyğur avazi»

Yeşi 80gä taqiğan anilirimizniŋ qaysisi bilän paraŋlaşmaŋ, «altun balam, appaq qizim» däp ärkilitipla ketidu. Ularğa qarap, adämniŋ zoqi kelidu. Kam degändä bäş, bolmisa 10 – 12 pärzäntni duniyağa äkälgän, ularni җämiyätkä layiq insanlardin qilip tärbiyiligän, härbir nävrä vä çävrisigä mehrini tšküp turğan. İnstitut vä universitetlarni tamamlimisimu, gäp-sšzi ornida, mädäniyätlik vä çirayliq muamilä qilişni bilidu. Mana şundaq anilarniŋ biri – bayseyitliq Mizangül Abdurasulova. Tšrt oğul bilän tšrt qiz tapqan, altun medal' taqqan Altun ana!
Yeqinda Mizangül ana bilän yezida štkän bir märasimda tonuşup qalduq. Uquşsaq, bu künlärdä 80 yaşqa qädäm taşlaptu. Kšpbaliliq aniniŋ hayati yaşlarğa ülgä ekän. Şuŋlaşqimu, uni bügünkidäk şanliq märikisi bilän täbrikläp, u häqqidä maqalä yezişni toğra kšrduq.
Mizangül Abdurasulova Bayseyitta ismi kšpkä tonulğan dutarçi Abdurasul Obulovniŋ ailisidä tuğuluptu. Çoŋlar biliduki, Abdurasul ata sän°ätkä intayin yeqin bolup, šziniŋ bilginini pärzäntliri häm nävrilirigä ügitip ketişkä tirişqan edi. Şuŋlaşqa bolsa keräk, uniŋ nävriliri Һaşimҗan (äpsus, u buniŋdin birnäççä ay ilgiri yol halakitidin qaza tapti), Velahun vä Һasanҗan Nasirovlar nahşa häm saz-näğminiŋ siriğa çoŋqur çšküp šsti. Һaşimҗan bilän Velahun akilar sän°ätkä bšläkçä qiziqip, Bayseyitta täşkil qilinğan «Hoşalliq» ansambliniŋ tärkividä sän°ätçi süpitidä šsüp-yetilip, šzliriniŋ hayatini moşu saha bilän bağlaşturdi.
Һaşimҗan aka Çeläk yezisidiki balilar muzıka mäktividä hizmät qilsa, Velahun aka nami sän°ät muhlisliriğa yahşi tonuş «Diyar» topiniŋ äzasi boldi. Abdurasul atiniŋ qabiliyiti ävrisi, Һaşimҗanniŋ nävrisi Elnora İliyarovaniŋ boyiğimu tarap, hazir talantliq qiz «Hoşalliqniŋ» tärkivigä kirdi. U – Abdurasul ata bilän Helçäm aniniŋ çoŋ qiziniŋ oğulliri. Ändi biz sšz qilivatqan Mizangül ana bolsa, ularniŋ ikkinçi qizi. U ottura mäktäptin keyin oquş orunliriğa berip bilimini davamlaşturuşqa imkaniyiti yar bärmigänliktin, «Bartoğay» tamaka sovhozida altä-yättä jil işçi bolup işläydu. Şundaq künlärniŋ biridä çoŋlar uniŋğa aşpäzlär kursini tügitivelişni mäslihät qilidu. Mizangül qisqa muddätlik kurstin keyin yezidiki «Aygül» balilar bağçisiğa işqa orunlişip, ta hšrmätlik däm elişqa çiqqiçä şu yärdä ämgäk qilidu. Ülgilik ämgigi üçün 1987-jili Pähriy yarliqqa erişip, «Qähriman şähärlärni» ziyarät qiliş üçün yollanma alidu.
Mizangül ana 52 yaşqa kälgändä yoldişi, uzun jillar tamaka brigadisida brigadir bolup işligän İlahun Zäynavdinov vapat bolidu. Şuniŋdin keyin balilarniŋ barliq eğirçiliği aniniŋ zimmisigä çüşidu. U täğdir siniğidin sürünmäy štüp, oğul-qizliriniŋ hämmisini oqutup, šylük-oçaqliq qilidu. Mana moşundaq insapliq balilarni tärbiyiligän Mizangül ana «Altın alqa» sahibi däp tonulup, Qazaqstan Җumhuriyiti Mustäqilliginiŋ 25 jilliği munasivätlik Pähriy yarliq bilän mukapatlandi.
– Ahalisini 100 payiz millitimiz väkilliri täşkil qilğan yeziniŋ balilar bağçisida hizmät qildim, – däydu ana pähirliniş ilkidä. –Gšdäklärniŋ elivatqan tärbiyisini kšrüş üçün pat-pat tilşunas alimlar kelidiğan. Birdä alimä Büvihan hädä Älahunova «Aygülgä» qädäm täşrip qilip, uyğurtilliq balilar bağçiliri bilän mäktäplirimizni kšzümizniŋ qariçuğidäk saqlişimizni җekip, pärzäntlirimizni ana tilimizda oqutuşimizni soriğan edi. Balilar bağçisiniŋ şu çağdiki başliği Һozura Yulçieva vä bağçiniŋ barliq hadimliri alimäniŋ gäplirigä qoşulduq. Pärzäntlirimniŋ barliğini, hätta 26 nävrämnimu ana tilida oquttum. Ularniŋ gayi birliri şähärdä tursimu, balilirim nävrilirimni šzgä tilliq mäktäplärgä bärmidi. 27 çävräm bar, şükri! İşänçim kamilki, ularmu šz tilida bilim alidiğan, šz hälqigä, tuğulup šskän Vätinigä hizmät qilidiğan bolidu!
Һä, pütkül vuҗudi vätänpärvär vä millätpärvär his-tuyğuliriğa tolup-taşqan Mizangül ana pensiyagä çiqqandin keyin ayallar keŋişi tärkividä yeziniŋ baş jigitbeşi Ğlajdin Һosmanov, aktivistlar Risalät Nurhaliqova, Gšhärbüvi Baratova vä başqilar bilän birqatarda mäktäpkä balilarni җälip qiliş, milliy näşirlirimizgä muştiri toplaş vä başqimu җämiyätlik işlarğa paal arilişip, yezisiniŋ, jutiniŋ täräqqiyatiğa birkişilik hässisini qoşup kelivatidu.
Sšhbitimizni muştiri toplaş ätrapida yäkünligän ana: «Uyğur avazini» mäktäptin tartip oqup kelimän. Hälqimiz hayatidiki, dšlitimizdiki yeŋiliqlardin ana tilimizda hävär yätküzidiğan sšyümlük gezitimiz tähriratida oğlum Zäynahun birnäççä jil hizmät qildi. Һazir җay-җaylarda muştiri toplaş boyiçä ştabliri qurulup, gezitimiz oqurmänlirini kšpäytiştä qizğin işlar ämälgä eşivatidu. Biz uyğur bolğanliğimiz üçün çoqum «Uyğur avaziğa» yezilişimiz keräk”, däp rohimizni kštärdi.

Ämgäkçiqazaq nahiyäsi.

Bälüşüş

Javap qalduruŋ