Bäynälmiläl-җäŋçi hatirisigä beğişlandi

0
325 ret oqıldı

Mäşür SASİQOV,
«Uyğur avazi»

Yeqinda Almuta şähiridiki «Dostluq» mähällisidä Ävezov nahiyälik Uyğur etnomädäniyät märkizi häm mähällidiki yaşlar komitetiniŋ (räisi Yalqun Tayirov) uyuşturuşi bilän bäynälmiläl-җäŋçi Äysavdun Naumetovniŋ hatirisigä beğişlanğan futbol musabiqisi bolup štti. Uniŋğa Almuta şähiri vä vilayitidin bolup, onğa yeqin komanda qatnaşti.
Musabiqä başliniştin ilgiri, Almuta şähärlik mäslihätniŋ deputati, A.Rozibaqiev namidiki 153-mäktäp-gimnaziyaniŋ mudiri Şavkät Niyazov, «Uyğur avazi» gezitiniŋ baş muhärriri Erşat Äsmätov, Ävezov nahiyäsi hakiminiŋ orunbasari Dastan Qayratulı, «Dostluq» mähällisiniŋ baş jigitbeşi Azat İbragimov vä başqilar Vätän aldiki borçini ada qiliş üçün 1979-jili härbiy säpkä çaqirtilğan «Dostluq» mähällisiniŋ turğuni Äysavdun Naumetovniŋ Avğanstan yeridä yüz bärgän şiddätlik җäŋlärniŋ biridä qährimanlarçä qaza bolğanliğini vä uniŋ җasariti munasip bahalinip, vapatidin keyin «Qizil Yultuz» ordeni bilän mukapatlanğanliğini mämnuniyät bilän tilğa aldi. Natiqlar vätän üçün җenini pida qilğan Äysavdun Naumetovtäk oğlanliridin dayim pähirlinidiğanliğini eytip, ularniŋ ärligi bügünki yaş ävlat väkillirigä ülgä ekänligini alahidä täkitlidi.
Şundaq qilip, oyun nätiҗisi boyiçä, Ämgäkçiqazaq nahiyäsiniŋ «Vinsovhoz» futbol komandisi ğalip çiqip, kubok vä «Ävezov nahiyälik Avğan veteranliri» җämiyätlik birläşmisiniŋ maddiy soğisini vä ottuz miŋ täŋgilik mukapitini utuvaldi. Ändi İİ orunğa Uyğur nahiyäsiniŋ “Aqtam” komandisi egä bolup, 20 täŋgä alsa, Almuta şähiri «Dostluq» mähällisiniŋ yaşliri üçinçi orunğa qol yätküzüp, 10 miŋ täŋgigä egä boldi.
Ahirida uyuşturğuçilar vätän aldidiki borçini ada qiliş yolida qähirmanlarçä qaza bolğan Äysavdun Naumetovniŋ hatirisigä beğişlanğan musabiqigä qatnaşqan barliq komandilar äzaliriğa minnätdarliq bildürdi.

Bälüşüş

Javap qalduruŋ