Yaşlar jilidiki yahşi işlar

0
72 ret oqıldı

Yeqinda “Räqämlik yaz – 2019” programmisi tüpäyli bir top yaşlar šzliri arman qilğan işlarğa orunlaşti. Mäzkür programma yaş vä talantliq mutähässislärni “Samruq Qazına” fondi şirkätliriniŋ topiğa tallavelişqa mümkinçilik yaratti.

Nasirahun ROZAHUNOV,
“Uyğur avazi”

Fond başqarmisiniŋ räisi Ahmetjan Esimov bu programmiğa iҗabiy baha bärdi. Çünki SAP, Microsoft, Oracle, Cisco, HP, IBM, Huawei ohşaş çoŋ şirkätlärniŋ mähsulatliri bilän işläp, täҗribä toplaş programminiŋ äҗayip alahidilikliriniŋ biri. Buniŋdin taşqiri programma “Jas Samruq” layihisi dairisidä ämälgä aşuruluvatidu. Ändi mäzkür layihä bolsa, Yaşlar jilida aliy oquş orunlirini tamamliğan yaşlarni qollap-quvätläşkä vä täräqqiy ätküzüşkä beğişlanğan.
IT sahasidiki tehnologiya häm çapsan konirap, häm çapsan yeŋilinivatidu. Şundaq ekän “Räqämlik yaz – 2019” programmisi mämlikitimizniŋ talantliq yaşliriğa ämäliyatta šziniŋ bilim däriҗisini namayiş qiliş imkaniyitini berivatidu.
Üstimizdiki jili programminiŋ şärtliri helä muräkkäpläşti.
Şuniŋğa qarimay, 78 stajer šzliriniŋ küçlük täräplirini namayiş qildi vä mämlikitimizniŋ äŋ yahşi IT mutähässisliridin ämäliy iş-täҗribisini elip, riqabätçan boluş üçün ilğar yeŋiliqlarni qandaq paydilinişni ügändi, – däydu “Samruq-Qazına” Milliy paravänlik fondi” aktsionerliq җämiyitiniŋ räqämläştürüş vä transformatsiya boyiçä başqurğuçi mudiri Däuren Kereybaev.
“Räqämlik yaz – 2019” programmisiniŋ ikkinçi basquçi IT tehnologiyasi sahasidiki altä yšnilişni šz içigä aldi. Yaş mutähässislär 17-iyun'din 29-avgust ariliğida Qazaqstanniŋ birqatar yetäkçi şirkätliridä stajirovkidin štti. Һärbir stajer üç ay davamida 50 miŋ täŋgidin stipendiya elip turdi.
Ahirqi basquçta studentlar bir häptä davamida häqiqiy biznes-väzipilärni häl qiliş üstidä ämgäk qildi. Ularniŋ on biri fond şirkätliriniŋ topiğa turaqliq işqa qobul qilindi. Ular stajerlardin şirkät hadimliriğa aylandi.
Şuni qoşumçä qiliş keräkki, štkän jili 73 yaş IT mutähässisniŋ 33 stajirovkidin muvappäqiyätlik štüp, işqa qobul qilinğan edi. Bu programma fondta yahşi än°änigä vä aliy oquş ornini tamamliğan yaşlar üçün muvappäqiyätlik startqa aylandi. Keläçäktä yänimu nurğun yaşlarniŋ işqa orunlinişini kütimiz.

Bälüşüş

Javap qalduruŋ