Һazirçä 20 komanda mälum

0
109 ret oqıldı

Һämmigä mälumki, kelär jili 12-iyun' – 12-iyul' künliri ariliğida futbol boyiçä XVI Evropa çempionati štidu.

Biyilqi qit°ä birinçiliginiŋ alahidiligi şuniŋdin ibarätki, u ilgärki çempionatlardäk bir yaki çegaridaş ikki äldä ämäs, bälki qit°äniŋ on ikki mämlikitiniŋ 12 şähiridä štküzülidu. UEFAniŋ iҗraiy komiteti däsläpki Evropa çempionatiniŋ štküzülginigä 60 jil toluşi munasiviti bilän äynä şundaq qararğa käldi. İҗraiy komitetniŋ qarariğa muvapiq, çempionatqa Angliya, Äzärbäyҗan, Vengriya, Germaniya, Daniya, İrlandiya, İspaniya, İtaliya, Niderlandiya, Rossiya, Rumıniya vä Şotlandiya sahiphanliq qilidu. Biraq täkitläş keräkki, bu birqetimliq harakterğa egä bolup, 2024-jilqi novättiki çempionat adättiki tärtiptä uyuşturulidu.
Şundaq qilip, biz aldimizdiki çempionat uçrişişlirini London (yerim finallar, final), Sankt-Peterburg, Baku, Rim, Myunhen (topluq basquç vä çaräk final oyunliri), Amsterdam, Kopengagen, Dublin, Buharest, Budapeşt, Glazgo, Bil'bao (topluq basquç vä 1/8 final oyunliri) ohşaş şähärlärdin kšräläymiz.
Eytmaqçi, kelär jili štküzülginigä 60 jil tolidiğan däsläpki qit°ä çempionatida SSSR tallanma komandisiniŋ birinçi orunni egiligänligi çoŋ ävlat futbol işqivazliriniŋ yadida bolsa keräk. Şu çağda tärkividä Lev Yaşin, İgor' Netto, Slava Metreveli, Valentin İvanov, Viktor Ponedel'nik, Mihail Meshi, Valentin Bubukin käbi oyunçilar maharät kšrsätkän SSSR komandisi Parijniŋ «Park de Prens» stadionida štküzülgän finalda Yugoslaviyani 2:1 hesavi bilän yeŋivalğan edi. Bu oyunda yugoslavlar birinçi bolup poŋzäk kirgüzgini bilän, ikkinçi taymda Mihail Meshi hesapni täŋläştüridu. Ändi reglament boyiçä bälgülängän qoşumçä vaqitta, yäni 112-minutta Viktor Ponedel'nik ikkinçi poŋzäkni kirgüzüp, SSSR tallanma komandisi däsläpki qit°ä çempioni atalğan edi.
Ändi kelär jili štküzülidiğan çempionatniŋ tallaveliş turniriğa kälsäk, jutdaşlirimiz bu qetimmu šz topidiki äŋ naçar kšrsätküçkä egä komandiniŋ biri ataldi. Äslidä futbol işqivazliri bizniŋ komanda bu qetim UEFA dairisidä däsläpki qetim šz topida üçinçi orunni egilişi mümkin, däp ümüt qilğan edi. Äpsus, Glazgoda Şotlandiyadin yeŋilip qelip, undaq imkaniyätkä yetälmidi. Nätiҗidä Qazaqstan tallanma komandisi šz topida säyyaridiki äŋ naçar komanda – San-Marinoniŋla aldiğa štälidi.
Tallaveliş turnirida qazaqstanliqlar ikki qetim San-Marinoni (4:0, 3:1) yäŋsä, Şotlandiyani bir qetim tiz püktürüp (3:0), bir qetim yeŋilip (1:3) qaldi. Kipr bilän bir qetim täŋ (1:1) oyniğini bilän, ikkinçi qetim yeŋilip (1:2) qaldi. Şundaqla ikki qetim Rossiyadin (0:4, 0:1) vä Bel'giyadin (0:3, 0:2) mäğlubiyätkä uçridi. Adalätlik üçün täkitläş keräkki, bizniŋ jigitlirimiz bäzi matçlarda helä yahşi maharät kšrsitälidi. Biraq, äpsus, äŋ bolmiğanda, Kipr komandisiniŋ aldiğa štüş väzipisini orunlalmidi.
Umumän, bu toptin Evropa çempioniğa qatnişiş hoquqini beridiğan ikki yollanmiğa barliq uçrişişlarda ğalibiyät qazinip, 30 pay topliğan Bel'giya vä 24 payğa erişkän Rossiya komandiliri sazavär boldi. Qalğan orunlarni Şotlandiya, Kipr, Qazaqstan vä San-Marino egilidi.
Ahirida şuni qoşumçä qilimizki, çempionatniŋ final qismiğa qatnişidiğan 24 komandidin hazirçä 20 komanda mälum boldi. Mäsilän, Avstriya, Angliya, Bel'giya, Germaniya, Daniya, İspaniya, İtaliya, Niderlandiya, Pol'şa, Portugaliya, Rossiya, Türkiya, Ukraina, Uel's, Finlyandiya, Frantsiya, Horvatiya, Çehiya, Şveytsariya vä Şvetsiya şular җümlisidindur. Çempionatniŋ final qismiğa qatnişidiğan yänä tšrt komanda Millätlär ligisiniŋ pley-off basquçiniŋ nätiҗisi boyiçä eniqlinidu. Evropa çempionatiniŋ çäk taşlaş märasimi 30-noyabr'da Rumıniya paytähti Buharest şähiridä štküzülidu.

Bälüşüş

Javap qalduruŋ