Üçiniŋ biri — uyğur jigiti

0
376 ret oqıldı

Elimiz Prezidenti Qasım-Jomart Toqaev Qazaqstan hälqigä yolliğan «Konstruktivliq җämiyätlik dialog — Qazaqstanniŋ turaqliqliği bilän güllinişiniŋ asasi» namliq Mäktübidä sport infraquruliminiŋ balilar üçün mümkinqädär qolyetimlik boluşini täminläş keräkligini alahidä täkitlidi. Şuniŋ bilän birqatarda şu arqiliq sağlam häm paaliyätçan yaşlarniŋ, jiğip kälgändä, küçlük millätniŋ asasi qeliplişidiğanliği toğriliq qäyt qildi.

Mäşür SASİQOV,
«Uyğur avazi»

Yeqinda biz mana moşu yšniliştä turaqliq iş elip berivatqan uyğur jigitliri — aka-uka Bähtiyar vä Daniyar Yüsüpovlar bilän uçrişip qayttuq. Ular šzliri kiçigidin sportqa yeqin šskäçkä, zaman šzgirip, bazar ihtisadi hšküm sürgän däsläpki päytlärdila kiçik sport zalini açidu vä u yärdä bäş yaştin juquri bolğan balilarni mäşiqländürüşkä başlaydu.
Vaqit štüp, aka-ukilar bu işni ailäviy tiҗarätkä aylandurup, bügünki kündä 11 500 kvadrat metrliq üç UNFLEX SPORT FİTNESS, UFİT vä LACHİN UFİT däp atilidiğan zallarda 1500din oşuq balini sportniŋ dzyudo, boks häm suda üzüş ohşaş türliri bilän mäşiqländürüvatidu. Sšhbätdaşlirimizniŋ eytişiçä, ularniŋ arisida utuq-muvappäqiyätlärgä qol yätküzüvatqanlar yetärlik ekän. Şuŋlaşqa bu toğriliq sšz qozğaşni orunsiz kšrgän ular asasän bizgä äşu balilarniŋ egiz çoqqilarğa yetişi üçün kšrsitilivatqan hizmät türlirini tonuşturdi.
Rast, hazir puluŋ bolsa, härqandaq närsini tapqili bolidu. Amma hämmimiz yahşi bilimizki, zamaniviy trenajerlar bilän boksçilarniŋ mäşiqlinişi üçün yasalğan mäşiq mäydanliri yaki äŋ yeŋi stil'diki bassseynlar moҗut yärlärdä mäşiqliniş bu yaqta tursun, kirişniŋ šzi biraz yançuqqa uridu. Һä, bizniŋ maqalä qährimanlirimiz bolsa, moşuniŋ hämmisini päqät «yaşlar sağlam hayat tärizini tallisekän» degän halis niyättä qilivatqan işi ekänligini eytti. Buniŋdin şundaq hulasä çiqiduki, yaşlirimizniŋ sälbiy illätlärdin jiraq boluşiğa birkişilik hässisini qoşuşqa intilğan insanlarniŋ ämälgä aşuruvatqan paaliyitiniŋ tehimu ronaq tepişiğa tiläk bildürsäk, kupayä.
Ändi bu yärdä asasän sportniŋ olimpiada türliri boyiçä mäşiqlär jürgüzülüvatqandin keyin, uniŋ beşida şu sportniŋ türidin ubdan häviri bar adämniŋ boluşi muqärrär. Mäsilän, dzyudoni alsaq, sšhbätdaşlirimizniŋ biri — Bähtiyar Yüsüpov, uniŋdin altinçi dan sahibi ekän. Bizniŋ bilişimizçä, Qazaqstanda mundaq däriҗigä kštirilgän Qazaqstanğa hizmät kšrsätkän mäşiqländürgüçi Sergey Kutsenko, Beҗin Olimpiada oyunliriniŋ kümüç medal' sahibi Ashat Jitkeev bolsa, üçinçisi bizniŋ Bähtiyar akimiz. Uniŋğa mäzkür däriҗä elimizdä dzyudo kürişiniŋ täräqqiyatiğa qoşqan salmaqliq hässisi üçün berilgän. 6-dan egiliri kiyidiğan kimono bilän aq-qizil bälbağ vä mähsus orden şähsän dzyudoniŋ vätini Yaponiyadin ävätiliptu. Uni Qazaqstanda Bähtiyar Yüsüpovqa Qarağanda vilayätlik dzyudo federatsiyasiniŋ prezidenti Evgeniy Kondrat'ev tapşurğan. Bu yärdä şunimu qäyt qiliş keräkki, Bähtiyar Yüsüpov Almuta şähärlik dzyudo boyiçä Paralimpiada federatsiyasiniŋ prezidenti vä Qarağanda vilayätlik dzyudo federatsiyasiniŋ vitse-prezidenti bolup hesaplinidu.
Sporttin ubdan häviri bar adämlär rähbärlik qilivatqan bu zallarda mäşiqlinivatqan balilarğimu täläp juquri.
«Bäzilär iş qilivatsa, pulini elivatidu» deyişi mümkin, amma aka-uka Bähtiyar vä Daniyar Yüsüpovlardäk balilarniŋ sağlam šsüşi üçün şarait yaritivatqanlar az. Buni näzärgä alsaq, pärzäntlirimiz boş vaqtini kšpiräk şundaq җaylarda štküzsä, paydisi bolsa bolidekin, biraq heçqandaq ziyini tägmäydiğanliği eniq.

Bälüşüş

Javap qalduruŋ